langa 1.0.0

data/examples/xhosa_utf8.txt

@@ -0,0 +1,1000 @@
+#THE UNBOUND BIBLE (www.unboundbible.org)
+#name	Xhosa
+#filetype	Unmapped-BCV
+#copyright	
+#abbreviation	
+#language	xos
+#note	
+#columns	orig_book_index	orig_chapter	orig_verse	text
+01O	1	1	Ekuqalekeni uThixo wadala amazulu nehlabathi.
+01O	1	2	Ke ehlabathini kwakusenyanyeni, kuselubala; kwakumnyama phezu kwamanzi enzonzobila. UMoya kaThixo wafukama phezu kwamanzi lawo.
+01O	1	3	Wathi uThixo, Makubekho ukukhanya. Kwabakho ke ukukhanya.
+01O	1	4	Wakubona ke uThixo ukukhanya ukuba kulungile, wahlula uThixo phakathi kokukhanya nobumnyama.
+01O	1	5	Wathi uThixo ukukhanya yimini, wathi ubumnyama bubusuku.  Kwahlwa, kwasa: yangumhla wokuqala.
+01O	1	6	Wathi uThixo, Makubekho isibhakabhaka phakathi kwawo amanzi,  sibe ngumahlulo wokwahlula amanzi kumanzi.
+01O	1	7	Wasenza uThixo isibhakabhaka, wawahlula amanzi angaphantsi kwesibhakabhaka kuwo amanzi angaphezu kwesibhakabhaka. Kwaba njalo.
+01O	1	8	Wathi uThixo isibhakabhaka ngamazulu. Kwahlwa, kwasa:  yangumhla wesibini.
+01O	1	9	Wathi uThixo, Amanzi angaphantsi kwamazulu makahlanganiselwe ndaweni-nye, kubonakale okomileyo. Kwaba njalo.
+01O	1	10	Wathi uThixo okomileyo ngumhlaba, wathi intlanganisela yamanzi ziilwandle. Wabona uThixo ukuba kulungile.
+01O	1	11	Wathi uThixo, Umhlaba mawuphume uhlaza, imifuno evelisa imbewu, imithi yeziqhamo, eyenza iziqhamo ngohlobo lwayo,  embewu ikuyo, emhlabeni. Kwaba njalo.
+01O	1	12	Umhlaba waphuma uhlaza, nemifuno evelisa imbewu ngohlobo lwayo, nemithi eyenza iziqhamo, embewu ikuyo, ngohlobo lwayo.  Wabona uThixo ukuba kulungile.
+01O	1	13	Kwahlwa kwasa: yangumhla wesithathu.
+01O	1	14	Wathi uThixo, Makubekho izikhanyiso esibhakabhakeni samazulu, zibe ngumahlulo wokwahlula imini kubusuku; zibe zezemiqondiso, zibe zezamaxesha amisiweyo, zibe zezemihla neminyaka;
+01O	1	15	mazibe zizikhanyiso esibhakabhakeni samazulu, zikhanyise ehlabathini. Kwaba njalo.
+01O	1	16	Wenza uThixo izikhanyiso ezikhulu zazibini, esona sikhulu isikhanyiso ukuba silawule imini, esona sincinane isikhanyiso ukuba silawule ubusuku; wenza neenkwenkwezi.
+01O	1	17	Wazibeka uThixo esibhakabhakeni samazulu, ukuba zikhanyise ehlabathini, zilawule imini nobusuku,
+01O	1	18	zahlule ukukhanya kubumnyama. Wabona uThixo ukuba kulungile.
+01O	1	19	Kwahlwa, kwasa: yangumhla wesine.
+01O	1	20	Wathi uThixo, Amanzi la makanyakazele inyakanyaka,  imiphefumlo ephilileyo; zithi neentaka ziphaphazele ehlabathini, esibhakabhakeni sezulu.
+01O	1	21	Wadala uThixo oominenga mikhulu, nayo yonke imiphefumlo ephilileyo enambuzelayo, awanyakazela ngayo amanzi ngohlobo lwayo, neentaka zonke ezinamaphiko ngohlobo lwazo. Wabona uThixo ukuba kulungile.
+01O	1	22	Wazisikelela uThixo, esithi, Qhamani, nande, niwazalise amanzi aselwandle; zithi iintaka zande ehlabathini.
+01O	1	23	Kwahlwa, kwasa: yangumhla wesihlanu.
+01O	1	24	Wathi uThixo, Umhlaba mawuphume imiphefumlo ephilileyo ngohlobo lwayo: izinto ezizitho zine, nezinambuzane, nezinto eziphilileyo zomhlaba ngohlobo lwazo. Kwaba njalo.
+01O	1	25	Wenza uThixo izinto eziphilileyo zomhlaba ngohlobo lwazo,  nezinto ezizitho zine ngohlobo lwazo, nazo zonke izinambuzane zomhlaba ngohlobo lwazo. Wabona uThixo ukuba kulungile.
+01O	1	26	Wathi uThixo, Masenze umntu ngokomfanekiselo wethu ngokufana nathi. Mababe nobukhosi ezintlanzini zolwandle,  nasezintakeni zezulu, nasezintweni ezizitho zine, nasemhlabeni wonke, nasezinambuzaneni zonke ezinambuzela emhlabeni.
+01O	1	27	Wamdala ke uThixo umntu ngokomfanekiselo wakhe; wamdala ngokomfanekiselo kaThixo; wadala indoda nenkazana.
+01O	1	28	Wabasikelela uThixo, wathi kubo uThixo, Qhamani, nande,  niwuzalise umhlaba niweyise; nibe nobukhosi ezintlanzini zolwandle, nasezintakeni zezulu, nasezintweni zonke eziphilileyo ezinambuzelayo emhlabeni.
+01O	1	29	Wathi uThixo, Yabonani, ndininikile yonke imifuno evelisa imbewu, esemhlabeni wonke, nayo yonke imithi eneziqhamo zemithi evelisa imbewu: yoba kukudla kuni.
+01O	1	30	Nezinto zonke eziphilileyo zomhlaba, neentaka zonke zezulu,  nezinambuzane zonke ezisemhlabeni, ezinomphefumlo ophilileyo,  ndizinike yonke imifuno eluhlaza ukuba ibe kukudla. Kwaba njalo.
+01O	1	31	Wakubona uThixo konke akwenzileyo, nanko, kulungile kunene.  Kwahlwa, kwasa: yangumhla wesithandathu.
+01O	2	1	Agqitywa ke amazulu nehlabathi, nawo wonke umkhosi wezo zinto.
+01O	2	2	Wawugqiba ke uThixo ngomhla wesixhenxe umsebenzi wakhe awawenzayo; waphumla ngomhla wesixhenxe kuwo wonke umsebenzi wakhe awawenzayo.
+01O	2	3	Wawusikelela uThixo umhla wesixhenxe, wawungcwalisa; ngokuba waphumla ngawo kuwo wonke umsebenzi wakhe awawudalayo uThixo,  wawenza.
+01O	2	4	Yiyo le ke inzala yamazulu nehlabathi ekudalweni kwezo zinto, mini wenza uYehova uThixo ihlabathi namazulu,
+01O	2	5	onke amatyholo asendle engekaveli emhlabeni, nayo yonke imifuno yasendle ingekantshuli; kuba uYehova uThixo ebengekanisi mvula emhlabeni; kwaye kungekho mntu wokuwusebenza umhlaba.
+01O	2	6	Kwaye kunyuka inkungu iphuma ehlabathini, yawunyakamisa wonke umhlaba.
+01O	2	7	UYehova uThixo wambumba umntu ngothuli lwasemhlabeni,  waphefumlela emathatheni akhe impefumlo yobomi; umntu ke waba ngumphefumlo ophilileyo.
+01O	2	8	UYehova uThixo watyala umyezo e-Eden ngasempumalanga;  wambeka khona umntu abembumbile.
+01O	2	9	UYehova uThixo wantshulisa emhlabeni yonke imithi enqwenelekayo ngokukhangeleka, nelungele ukudliwa; nomthi wobomi emyezweni phakathi, nomthi wokwazi okulungileyo nokubi.
+01O	2	10	Kwaphuma umlambo e-Eden wokuwunyakamisa umyezo; wahluka apho, waba ziimbaxa ezine.
+01O	2	11	Igama lowokuqala yiPishon; nguwo lowo ujikeleze lonke ilizwe laseHavila, apho ikhona igolide.
+01O	2	12	Igolide yelo lizwe intle, ikhona ibhedolaki nelitye lebherilo.
+01O	2	13	Igama lowesibini umlambo yiGihon; nguwo lowo ujikeleze lonke ilizwe lakwaKushi.
+01O	2	14	Igama lowesithathu umlambo yiHidekele; nguwo lowo uya phambi kwelakwa-Asiriya. Owesine umlambo ngumEfrati.
+01O	2	15	UYehova uThixo wamthabatha umntu, wambeka emyezweni we-Eden, ukuba awusebenze, awugcine.
+01O	2	16	UYehova uThixo wamwisela umthetho umntu, esithi, Yonke imithi yomyezo ungayidla uyidle;
+01O	2	17	ke wona umthi wokwazi okulungileyo nokubi uze ungawudli;  kuba mhlana uthe wawudla, uya kufa.
+01O	2	18	Wathi uYehova uThixo, Akulungile ukuba umntu abe yedwa,  ndiya kumenzela umncedi onguwabo.
+01O	2	19	UYehova uThixo wabumba ngomhlaba zonke izinto eziphilileyo zasendle, nazo zonke iintaka zezulu, wazisa kuye uAdam ukubona ukuba wothini na ukuzibiza, ukuze oko azibize ngako uAdam zonke izinto eziphilileyo, ibe ligama lazo elo.
+01O	2	20	Wazithiya amagama uAdam zonke izinto ezizitho zine,  neentaka zasezulwini, nazo zonke izinto eziphilileyo zasendle;  ke uAdam akafunyanelwanga mncedi unguwabo.
+01O	2	21	UYehova uThixo wawisa ubuthongo obukhulu phezu koAdam,  walala. Wathabatha lwalunye ezimbanjeni zakhe, wavingca ngenyama esikhundleni salo.
+01O	2	22	UYehova uThixo walwakha ubambo abeluthabathe kuAdam, lwaba ngumfazi; wamzisa kuAdam.
+01O	2	23	Wathi uAdam, Eli ke ngoku lithambo lasemathanjeni am,  yinyama yasenyameni yam; lo yena ukubizwa kothiwa ngumfazi,  ngokuba ethatyathwe endodeni.
+01O	2	24	Ngenxa yoko indoda yomshiya uyise nonina, inamathele kumkayo, babe nyama-nye ke.
+01O	2	25	Baye bobabini behamba ze, umntu lowo nomkakhe,  bengenazintloni.
+01O	3	1	Ke kaloku inyoka yaye inobuqhophololo ngaphezu kwazo zonke izinto eziphilileyo zasendle, abezenzile uYehova uThixo. Yathi kumfazi Utshilo na okunene uThixo ukuthi, Ze ningadli kuyo yonke imithi yomyezo?
+01O	3	2	Wathi umfazi kwinyoka, Eziqhameni zemithi yomyezo singadla;
+01O	3	3	ke eziqhameni zomthi osemyezweni phakathi, uthe uThixo, Ze ningadli kuzo; ze ningazichukumisi, hleze nife.
+01O	3	4	Yathi inyoka kumfazi, Anisayi kufa:
+01O	3	5	kuba esazi uThixo ukuba, mhlana nithe nadla kuzo, oqabuka amehlo enu, nibe njengoThixo, nazi okulungileyo nokubi.
+01O	3	6	Wabona umfazi ukuba umthi ulungele ukudliwa, nokuba uyakhanukeka emehlweni, ingumthi onqwenelekela ukuqiqisa,  wathabatha eziqhameni zawo, wadla; wanika nendoda yakhe inaye,  yadla.
+01O	3	7	Aqabuka amehlo abo bobabini, bazi ukuba bahamba ze; bathunga amagqabi omkhiwane, bazenzela imibhinqo.
+01O	3	8	Basiva isandi sikaYehova uThixo, ehamba emyezweni empepheni yasemini; basuka bazimela uAdam nomkakhe ebusweni bukaYehova uThixo, phakathi kwemithi yomyezo.
+01O	3	9	UYehova uThixo wambiza uAdam, wathi kuye, Uphi na?
+01O	3	10	Wathi yena, Ndive isandi sakho emyezweni, ndasuka ndoyika,  ngokuba ndihamba ze; ndazimela.
+01O	3	11	Wathi, Uxelelwe ngubani na, ukuba uhamba ze? Udlile na kuwo umthi, endakuwisela umthetho ngawo, ndathi, Uze ungadli kuwo?
+01O	3	12	Wathi uAdam, Umfazi owandinikayo ukuba abe nam, nguye ondinikileyo kuwo umthi, ndadla ke.
+01O	3	13	Wathi uYehova uThixo kumfazi, Yintoni na le nto uyenzileyo?  Wathi umfazi, Inyoka indilukuhlile, ndadla ke.
+01O	3	14	Wathi uYehova uThixo kwinyoka, Ngokuba uyenzile le nto,  uqalekisiwe wena ngaphezu kwezinto zonke ezizitho zine, neento zonke eziphilileyo zasendle; uya kuhamba ngesisu, udle uthuli,  yonke imihla yobomi bakho.
+01O	3	15	Ndiya kumisa ubutshaba phakathi kwakho nomfazi, naphakathi kwembewu yakho nembewu yakhe; yona iya kukutyumza intloko, wena uya kuyityumza isithende.
+01O	3	16	Wathi kumfazi, Ndiya kukwandisa kakhulu ukubulaleka kwakho ekumitheni, uzale abantwana unembulaleko; inkanuko yakho ibe sendodeni yakho, ikulawule yona.
+01O	3	17	KuAdam wathi, Ngokuba uphulaphule izwi lomkakho, wadla kuwo umthi endakuwisela umthetho ngawo, ndathi, Uze ungadli kuwo,  uqalekisiwe umhlaba ngenxa yakho; uya kudla kuwo ubulaleka,  yonke imihla yobomi bakho.
+01O	3	18	Uya kukuntshulela imithana enameva neenkunzane, udle umfuno wasendle.
+01O	3	19	Uya kudla ukudla kokubila kobuso bakho, ude ubuyele emhlabeni kobuso bakho, ude ubuyele emhlabeni, kuba uthatyathwe kuwo; ngokuba uluthuli, uya kubuyela kwaseluthulini.
+01O	3	20	UAdam walibiza igama lomkakhe ngokuthi nguEva, ngokuba yena engunina wabaphilileyo bonke.
+01O	3	21	UYehova uThixo wabenzela iingubo zezintsu uAdam nomkakhe,  wabambathisa.
+01O	3	22	Wathi uYehova uThixo, Yabonani, umntu usuke waba njengomnye wethu, ukwazi okulungileyo nokubi; hleze ke olule isandla sakhe, athabathe nakuwo umthi wobomi, adle, aphile ngonaphakade:
+01O	3	23	uYehova uThixo wamndulula emyezweni we-Eden, ukuba asebenze umhlaba abethatyathwe kuwo.
+01O	3	24	Wamgxotha ke umntu; wamisa ngasempumalanga kuwo umyezo we-Eden iikerubhi, nelangatye lekrele elijikajikayo lokugcina indlela eya emthini wobomi.
+01O	4	1	Ke kaloku uAdam wamazi uEva umkakhe; wamitha wazala uKayin,  wathi, Ndizuze indoda ngoYehova.
+01O	4	2	Waphinda wazala umninawa wakhe, uAbheli; uAbheli waba ngumalusi wezimvu, uKayin waba ngumsebenzi womhlaba.
+01O	4	3	Kwathi ekupheleni kwamihla ithile, uKayin wathabatha eziqhameni zomhlaba, wazisa umnikelo kuYehova.
+01O	4	4	UAbheli wazisa naye, ethabathe kumazibulo ezimvu zakhe,  kwezinamanqatha. Waza uYehova wambheka uAbheli nomnikelo wakhe.
+01O	4	5	Akambheka uKayin nomnikelo wakhe. Waqumba kunene uKayin,  basangana ubuso bakhe.
+01O	4	6	Wathi uYehova kuKayin, Yini na ukuba uqumbe, yini na ukuba busangane ubuso bakhe?
+01O	4	7	Ukuba uthe walungisa, abuyi kuswabuluka ubuso yini na? Ukuba uthe akwalungisa, isono sibuthumile ngasesangweni, singxamele wena; ke wena, silawule.
+01O	4	8	Wathetha uKayin noAbheli umninawa wakhe, kwathi besendle,  wesuka uKayin wamvunukela uAbheli umninawa wakhe, wambulala.
+01O	4	9	Wathi uYehova kuKayin, Uphi na uAbheli, umninawa wakho?  Wathi yena, Andazi; ndingumgcini womninawa wam, yini na?
+01O	4	10	Wathi, Wenze ntoni na? Izwi legazi lomninawa wakho liyakhala emhlabeni kum.
+01O	4	11	Ngoko uqalekisiwe emhlabeni, owakhamise umlomo wawo ukuba ulithabathe igazi lomninawa wakho esandleni sakho.
+01O	4	12	Xenikweni uwusebenzayo umhlaba, awusayi kuphinda ukunike amandla awo; uya kubhadula uphalaphale ehlabathini.
+01O	4	13	Wathi uKayin kuYehova, ityala lam likhulu ngokungenakuthwalwa.
+01O	4	14	Yabona, undigxdothile namhla phezu komhlaba; ndiya kusithela nasebusweni bakho, ndibhadule ndiphalaphale ehlabathini bathi bonke abantu abandifumanayo bandibulale.
+01O	4	15	Wathi uYehova kuye, xa kunjalo, bonke ababulala uKayin kophindezelwa kubo kasixhenxe. UYehova wammisela uKayin umqondiso, ukuze bonke abamfumanayo bangamsiki.
+01O	4	16	Waphuma uKayin, wemka ebusweni bukaYehova; wahlala ezweni lakwaKuphalaphala phambi kwe-Eden.
+01O	4	17	UKayin wamazi umkakhe, wamitha, wazala uEnoki. Wakha umzi,  wawuthiya loo mzi ngegama lonyana wakhe uEnoki.
+01O	4	18	UEnoki wazalelwa uIradi; uIradi wazala uMehuyaheli;  uMehuyaheli wazala uMetusaheli; uMetusaheli wazala uLameki.
+01O	4	19	ULameki wazeka abafazi ababini; igama lomnye belinguAda,  igama lowesibini belinguZila.
+01O	4	20	UAda wazala uYabhali yena waba nguyise wabahlala ezintenteni, nabafuyileyo.
+01O	4	21	Igama lomninawa wakhe belinguYubhali; yena waba nguyise wabo bonke abaphatha uhadi nogwali.
+01O	4	22	UZila uthe naye wazala uTubhalekayin, obekhanda yonke impahla enobukhali yobhedu nesinyithi; udade woTubhalekayin ebenguNahama.
+01O	4	23	Wathi uLameki kubafazi bakhe, ada noZila, liveni ilizwi lam. Bafazi bakaLameki, phulaphulani intetho yam. Sendibulele indoda ngenxa yenxeba lam, nendodana ngenxa yomvumbo wam.
+01O	4	24	Xa uKayin aya kuphindezelwa kasixhenxe, Yena uLameki uya kuphindezelwa kamashumi osixhenxe anesixhenxe.
+01O	4	25	UAdam wabuya wamazi umkakhe, wazala unyana, wathi igama lakhe nguSete, kuba wathi, UThixo undimisele enye imbewu esikhundleni sika-Abheli owabulawa nguKayin.
+01O	4	26	USete naye wazalelwa unyana, wathi igama lakhe nguEnoshe.  Kwaqalwa oko ukunqulwa igama likaYehova.
+01O	5	1	Yiyo le incwadi yenzala ka-Adam. Mhlana uThixo wamdala umntu, wamenza ngokufana noThixo.
+01O	5	2	Wadala indoda nenkazana, wabasikelela, wabathiya igama elinguAdam, mhlana wabadala.
+01O	5	3	UAdam wahlala iminyaka elikhulu elinamanci mathathu, wazala unyana ngokufana naye, ngokomfanekiso wakhe, wamthiya igama elinguSete.
+01O	5	4	Imihla ka-Adam emveni kokuzala kwakhe uSete yaba yiminyaka emakhulu asibhozo; wazala oonyana neentombi.
+01O	5	5	Iyonke imihla ka-Adam, awahlala ngayo, yaba yiminyaka emakhulu asithoba anamanci mathathu; wafa ke.
+01O	5	6	USete wahlala iminyaka elikhulu elinaminyaka mihlanu, wazala uEnoshe.
+01O	5	7	USete wahlala emveni kokuzala kwakhe uEnoshe iminyaka emakhulu asibhozo aneminyaka esixhenxe; wazala oonyana neentombi.
+01O	5	8	Iyonke imihla kaSete yaba yiminyaka emakhulu asithoba anashumi-nye linamibini; wafa ke.
+01O	5	9	UEnoshe wahlala iminyaka emashumi asithoba, wazala uKenan.
+01O	5	10	UEnoshe wahlala emveni kokuzala kwakhe uKenan iminyaka emakhulu asibhozo anashumi-nye linamihlanu; wazala oonyana neentombi.
+01O	5	11	Iyonke imihla kaEnoshe yaba yiminyaka emakhulu asithoba anamihlanu; wafa ke.
+01O	5	12	UKenan wahlala iminyaka emashumi asixhenxe, wazala uMahalaleli.
+01O	5	13	UKenan wahlala emveni kokuzala kwakhe uMahalaleli iminyaka emakhulu asibhozo anamanci mane: wazala oonyana neentombi.
+01O	5	14	Iyonke imihla kaKenan yaba yiminyaka emakhulu asithoba,  aneminyaka elishumi; wafa ke.
+01O	5	15	UMahalaleli wahlala iminyaka emashumi mathandathu anamihlanu, wazala uYerede.
+01O	5	16	UMahalaleli wahlala emveni kokuzala kwakhe uYerede iminyaka emakhulu asibhozo anamanci mathathu; wazala oonyana neentombi.
+01O	5	17	Iyonke imihla kaMahalaleli yaba yiminyaka emakhulu asibhozo anamanci asithoba anamihlanu; wafa ke.
+01O	5	18	UYerede wahlala iminyaka elikhulu elinamanci mathandathu anamibini, wazala uEnoki.
+01O	5	19	UYerede wahlala emveni kokuzala kwakhe uEnoki iminyaka emakhulu asibhozo; wazala oonyana neentombi.
+01O	5	20	Iyonke imihla kaYerede yaba yiminyaka emakhulu asithoba anamanci mathandathu anamihlanu, anamibini; wafa ke.
+01O	5	21	UEnoki wahlala iminyaka emashumi mathandathu anamihlanu,  wazala uMethusela.
+01O	5	22	UEnoki wahamba noThixo, emveni kokuzala kwakhe uMethusela,  iminyaka emakhulu mathathu; wazala oonyana neentombi.
+01O	5	23	Iyonke imihla kaEnoki yaba yiminyaka emakhulu mathathu,  anamanci mathandathu anamihlanu.
+01O	5	24	UEnoki wahamba noThixo; akabakho, ngokuba uThixo wamthabatha.
+01O	5	25	UMethusela wahlala iminyaka elikhulu elinamanci asibhozo anesixhenxe, wazala uLameki.
+01O	5	26	UMethusela wahlala emveni kokuzala kwakhe uLameki iminyaka emakhulu asixhenxe anamanci asibhozo anamibini; wazala oonyana eneentombi.
+01O	5	27	Iyonke imihla kaMethusela yaba yiminyaka emakhulu asithoba,  anamanci mathandathu anesithoba; wafa ke.
+01O	5	28	ULameki wahlala iminyaka elikhulu elinamanci asibhozo anamibini; wazala unyana.
+01O	5	29	Wamthiya igama elinguNowa, esithi, Lo uya kusithuthuzela emsebenzini wethu, nasekubulalekeni kwezandla zethu, ngenxa yomhlaba awawuqalekisayo uYehova.
+01O	5	30	ULameki wahlala emveni kokuzala kwakhe uNowa iminyaka emakulu mahlanu anamanci asithoba anamihlanu; wazala oonyana neentombi.
+01O	5	31	Iyonke imihla kaLameki yaba yiminyaka emakhulu asixhenxe anesixhenxe; wafa ke.
+01O	5	32	Ke uNowa ebeminyaka imakhulu mahlanu ezelwe; uNowa wazala ooShem noHam noYafete.
+01O	6	1	Kuthe bakuqala ukwanda abantu ehlabathini, bakuzalelwa iintombi,
+01O	6	2	bazibona oonyana bakaThixo iintombi zabantu ukuba zintle,  bazeka abafazi kuzo zonke abazinyulayo.
+01O	6	3	Wathi uYehova, UMoya wam akayi kulawula ebantwini ngonaphakade; ekulahlekeni kwabo bayinyama; imihla yabo iya kuba yiminyaka elikhulu elinamanci mabini.
+01O	6	4	Kwakukho iingxilimbela ehlabathini ngaloo mihla; kananjalo emveni koko, xeshikweni oonyana bakaThixo bangenayo kuzo iintombi zabantu, zabazalela abantwana. Aba baba ngamagorha ababekho kwasephakadeni, amadoda adumileyo.
+01O	6	5	Wabona uThixo ukuba ububi babantu bandile ehlabathini, konke ukuyila kweengcinga zentliziyo yabo kubububi bodwa imihla yonke.
+01O	6	6	Wazohlwaya uYehova, ngokuba emenzile umntu ehlabathini,  kwaba buhlungu kuye entliziyweni.
+01O	6	7	Wathi uYehova, Ndiya kumcima umntu endimdalileyo, angabikho ehlabathini, kuthabathele emntwini kuse ezinkomeni, kuse ezinambuzaneni, kuse ezintakeni zezulu, ngokuba ndizohlwaya ngokuba ndizenzile ezo zinto.
+01O	6	8	UNowa yena wababalwa nguYehova.
+01O	6	9	Yiyo le ke inzala kaNowa. UNowa waye eyindoda elilungisa,  egqibeleleyo, ezizukulwaneni zakhe. UNowa wahamba noThixo.
+01O	6	10	UNowa wazala oonyana abathathu: uShem noHam noYafete.
+01O	6	11	Ihlabathi lalonakele ebusweni bukaThixo; ihlabathi lalizele lugonyamelo.
+01O	6	12	UThixo walikhangela ihlabathi, nalo, lonakele! Ngokuba yonke inyama ibiyonakalisile indlela yayo ehlabathini.
+01O	6	13	Wathi uThixo kuNowa, Isiphelo senyama yonke sifikile phambi kwam; ngokuba ihlabathi lizele lugonyamelo oluphuma kubo;  yabona ke, ndiya kubonakalisa, bona ndawonye nehlabathi.
+01O	6	14	Zenzele ke umkhombe ngemithi yegofere, uwenze izindlu umkhombe, uwuqabe ngaphakathi nangaphandle ngebhitumene.
+01O	6	15	Wenjenje ukuwenza: bube ngamakhulu omathathu eekubhite ubude bomkhombe, namashumi omathathu eekubhite ububanzi bawo,  namashumi omathathu eekubhite ukuphakama kwawo.
+01O	6	16	Wenze ikroba emkhombeni, ukuligqiba kwakho kube yikubhite enye, ithabathela phezulu; umnyango womkhombe uwumise ecaleni lawo; wenze izindlu zodidi lwaphantsi, nolwesibini,  nolwesithathu.
+01O	6	17	Mna ke, uyabona, ndihlisa unogumbe wamanzi ehlabathini,  wokonakalisa yonke inyama enomoya wokuphila kuyo, ephantsi kwamazulu; konke okusehlabathini kuya kuphuma umphefumlo;
+01O	6	18	ndiwumise umnqophiso wam nawe, ungene emkhombeni wena,  noonyana bakho, nomkakho, nabafazi boonyana bakho, ndawonye nawe.
+01O	6	19	Kwizinto zonke eziphilileyo, kwinyama yonke, uze ungenise emkhombeni ngambini kuzo zonke, ukuze zisindiswe nawe, ibe yinkunzi nemazi;
+01O	6	20	kwiintaka ngohlobo lwazo, kwiinkomo ngohlobo lwazo, kuzo zonke izinambuzane zomhlaba ngohlobo lwazo, zibe ngambini kuzo zonke, eziya kungena kuwe, ukuba zisindiswe.
+01O	6	21	Wena ke, uthabathele kuwe ekudleni konke okudliwayo,  uhlanganisele kuwe kube kukudla kuwe nakuzo.
+01O	6	22	Wenza uNowa konke uThixo abemwisele umthetho ngako, wenza njengoko.
+01O	7	1	Wathi uYehova kuNowa, Ngena, wena nendlu yakho yonke,  emkhombeni, ngokuba ndibona wena ilungisa phambi kwam kwesi sizukulwana.
+01O	7	2	Kwizinto zonke ezizitho zine ezihlambulukileyo, thabathela kuwe ngasixhenxe, ngasixhenxe, inkunzi nemazi yayo; kwizinto ezizitho zine eziziinqambi thabatha ngambini, inkunzi nemazi yayo;
+01O	7	3	nakwiintaka zezulu ngasixhenxe, ngasixhenxe, inkunzi nemazi,  ukuze imbewu igcinakale ehlabathini lonke.
+01O	7	4	Kuba zisesixhenxe iintsuku, ndize ndinise imvula ehlabathini iimini zibe mashumi mane nobusuku obumashumi mane, ndiyicime into yonke emiyo endayenzayo, ingabikho phezu kwehlabathi.
+01O	7	5	Wenza uNowa konke uYehova awamwisela umthetho ngako.
+01O	7	6	UNowa waye eminyaka imakhulu mathandathu ezelwe, wabakho unogumbe wamanzi ehlabathini.
+01O	7	7	Wangena uNowa emkhombeni, enoonyana bakhe, nomkakhe,  nabafazi boonyana bakhe, ndawonye naye, ngenxa yamanzi onogumbe.
+01O	7	8	Kuzo izinto ezizitho zine ezihlambulukileyo, nakuzo izinto ezizitho zine eziziinqambi, nakuzo iintaka, nakuzo zonke izinto ezinambuzelayo emhlabeni,
+01O	7	9	kwangena ngambini, ngambini, kuNowa emkhombeni, inkunzi nemazi, njengoko uThixo abemwisele umthetho uNowa.
+01O	7	10	Kwathi emva kweentsuku ezisixhenxe, amanzi onogumbe abakho ehlabathini.
+01O	7	11	Ngomnyaka wamakhulu omathandathu wokudla ubomi kukaNowa,  ngenyanga yesibini, ngosuku lweshumi elinesixhenxe enyangeni leyo, kanye ngayo loo mini, yagqabhuka yonke imithombo yamanzi enzonzobila enkulu, iingcango zezulu zavuleka.
+01O	7	12	Wabakho umvumbi wemvula ehlabathini iimini ezimashumi mane nobusuku obumashumi mani.
+01O	7	13	Wangena emkhombeni kwangaloo mini uNowa, noShem noHam noYafete, oonyana bakaNowa, nomkaNowa, nabafazi bobathathu boonyana bakhe, ndawonye naye.
+01O	7	14	Bona, neento zonke eziphilileyo ngohlobo lwazo, nezinto zonke ezizitho zine ngohlobo lwazo, nezinambuzane zonke ezinambuzelayo emhlabeni ngohlobo lwazo, neentaka zonke ngohlobo lwazo, iinto zonke eziphaphazelayo, ezinamaphiko,
+01O	7	15	zangena kuNowa emkhombeni, ngambini, ngambini, kwinyama yonke enomoya wokuphila kuyo.
+01O	7	16	Zangena iinkunzi neemazi kwinyama yonke; zangena njengoko uThixo abemwisele umthetho. UYehova wamvalela ngaphakathi.
+01O	7	17	Yaba ngunogumbe imihla emashumi mane ehlabathini, enyuka amanzi, awufukula umkhombe, wafunquleka emhlabeni.
+01O	7	18	Aba namandla amanzi, enyuka kunene ehlabathini, wahamba umkhombe phezu kwamanzi.
+01O	7	19	Aba namandla amanzi kunene kakhulu ehlabathini,  zagutyungelwa zonke iintaba eziphakamileyo kakhulu, eziphantsi kwamazulu onke.
+01O	7	20	Aba namandla amanzi, ada aba ziikubhite ezilishumi elinantlanu, ethabathela phezulu; zagutyungelwa ke iintaba.
+01O	7	21	Yaphuma umphefumlo yonke inyama enambuzelayo emhlabeni,  kwiintaka, nakwizinto ezizitho zine, nakwizinto eziphilileyo,  nakwinyakanyaka yonke enyakazelayo emhlabeni, nabantu bonke.
+01O	7	22	Iinto zonke ezikuphefumla komoya wokuphila kusemathatheni azo, kwiinto zonke ezisemhlabeni owomileyo, zafa.
+01O	7	23	Zabhujiswa ke izinto zonke ezimiyo, eziphezu komhlaba,  kwathabathela emntwini kwesa ezintweni ezizitho zine,  nasezinambuzaneni, nasezintakeni zezulu; zabhujiswa azabakho ehlabathini; kwasala uNowa yedwa, nababenaye emkhombeni.
+01O	7	24	Aba namandla amanzi ehlabathini imihla elikhulu elinamanci mahlanu.
+01O	8	1	UThixo wamkhumbula uNowa, neento zonke eziphilileyo, nezinto zonke ezizitho zine ezazinaye emkhombeni; uThixo wahambisa umoya ehlabathini, awutha amanzi.
+01O	8	2	Yavingcwa imithombo yamanzi enzonzobila neengcango zezulu,  wathintelwa umvumbi wezulu.
+01O	8	3	Abuya amanzi emhlabeni, amana ebuya, awutha amanzi ekupheleni kwemihla elikhulu elinamanci mahlanu.
+01O	8	4	Umkhombe wazimisa ngenyanga yesixhenxe, ngosuku lweshumi elinesixhenxe enyangeni leyo, phezu kweentaba zaseArarati.
+01O	8	5	Amanzi amana ewutha, kwada kwayinyanga yeshumi; ngeyeshumi ke, ngosuku lokuqala enyangeni leyo, zabonakala iincopho zeentaba.
+01O	8	6	Kwathi, ekupheleni kwemihla emashumi mane, wayivula uNowa ifestile yomkhombe abeyenzile;
+01O	8	7	wathuma ihlungulu, laphuma lamana lizulazula, ada atsha amanzi ehlabathini.
+01O	8	8	Wasusa ihobe, ukuze abone ukuba amanzi awuthile na phezu kwehlabathi.
+01O	8	9	Ihobe alifumananga ndawo yakuphumza nentende yethupha lalo,  labuyela kuye emkhombeni, ngokuba amanzi abephezu kwehlabathi lonke; wolula isandla sakhe, walithabatha, walingenisa kuye emkhombeni.
+01O	8	10	Walinda eminye imihla esixhenxe, waphinda walisusa ihobe emkhombeni.
+01O	8	11	Leza kuye ihobe ngexesha langokuhlwa; nanko, kukho igqabi lomnquma elisandula ukukhiwa emlonyeni walo; wazi uNowa, ukuba ehlile amanzi ehlabathini.
+01O	8	12	Walinda eminye imihla ekwasixhenxe, walisusa ihobe;  aliphindanga libuyele kuye kanjalo.
+01O	8	13	Kwathi, ngomnyaka wamakhulu omathandathu anamnye,  ngolokuqala enyangeni yokuqala, amanzi atsha ehlabathini; uNowa walususa uphahla lomkhombe; wakhangela, nango umhlaba womile.
+01O	8	14	Ngenyanga yesibini, ngosuku lwamashumi omabini anesixhenxe enyangeni leyo, woma kwaphela umhlaba.
+01O	8	15	Wathetha uThixo kuNowa, esithi,
+01O	8	16	Phuma emkhombeni, wena nomkakho, noonyana bakho, nabafazi boonyana bakho, ndawonye nawe.
+01O	8	17	Zonke izinto eziphilileyo ezikuwe, kwinyama yonke,  ezintakeni, nasezintweni ezizitho zine, nasezinambuzaneni zonke ezinambuzelayo emhlabeni, phuma nazo, zizalise ihlabathi,  ziqhame, zande ehlabathini.
+01O	8	18	Waphuma ke uNowa, noonyana bakhe, nomkakhe, nabafazi boonyana bakhe, ndawonye naye.
+01O	8	19	Zonke izinto eziphilileyo, zonke izinambuzane, neentaka zonke, iinto zonke ezinambuzelayo emhlabeni, ngeentlobo zazo,  zaphuma emkhombeni.
+01O	8	20	UNowa wamakhela uYehova isibingelelo, wathabatha kwizinto zonke ezizitho zine ezihlambulukileyo, nakwiintaka zonke ezihlambulukileyo, wanyusa amadini anyukayo esibingelelweni eso.
+01O	8	21	UThixo weva ivumba elithozamisayo, wathi uYehova entliziyweni yakhe, Andisayi kuphinda ndilitshabhise ihlabathi ngenxa yomntu, ngokuba ukuyila kwentliziyo yomntu kubi kwasebutsheni bakhe; andisayi kuphinda ndizibhubhise zonke izinto eziphilileyo, njengoko ndenze ngako.
+01O	8	22	Kuthabathela apha, ngayo yonke imihla yehlabathi, akuyi kuphela ukuhlwayela nokuvuna, ukubanda nobushushu, ihlobo nobusika, imini nobusuku.
+01O	9	1	UThixo wamsikelela uNowa noonyana bakhe, wathi kubo,  Qhamani, nande, nizalise ihlabathi.
+01O	9	2	Ukoyikeka kwenu, nokuqhiphula kwenu umbilini, makube phezu kwezinto zonke eziphilileyo zomhlaba, naphezu kweentaka zonke zezulu, nakwiinto zonke ezinambuzelayo emhlabeni, nakwiintlanzi zonke zolwandle; zona zinikelwe esandleni senu.
+01O	9	3	Zonke izinambuzane eziphilileyo mazibe kukudla kuni;  njengomfuno oluhlaza, ndininikile oko konke.
+01O	9	4	Yinyama yodwa enomphefumlo wayo, enegazi layo, eningasayi kuyidla.
+01O	9	5	Ligazi lenu lodwa, imiphefumlo yenu ke, endiya kulibiza;  esandleni sezinto zonke eziphilileyo ndiya kulibiza,  nasesandleni somntu; esandleni salowo ungumzalwana wakhe, ndiya kuwubiza umphefumlo womntu.
+01O	9	6	Ophalaza igazi lomntu, igazi lakhe lophalazwa ngumntu,  ngokuba umntu wenziwa ngokomfanekiselo kaThixo.
+01O	9	7	Nina ke, qhamani nande, nilizalise ihlabathi, nande kulo.
+01O	9	8	Watsho uThixo kuNowa, nakoonyana bakhe ndawonye naye,  ukuthi,
+01O	9	9	Yabonani, mna ndiyawumisa umnqophiso wam nani, nembewu yenu emva kwenu,
+01O	9	10	nayo yonke imiphefumlo ephilileyo ekuni, kwiintaka,  nakwizinto ezizitho zine, nakwizinto zonke eziphilileyo zehlabathi ezikuni; kwiinto zonke eziphume emkhombeni,  ezizizinto zonke eziphilileyo zehlabathi.
+01O	9	11	Ndiwumise umnqophiso wam nani, ukuba ingabi sanqunyulwa yonke inyama ngamanzi onogumbe, kungabi sabakho nogumbe wokulonakalisa ihlabathi.
+01O	9	12	Wathi uThixo, Nguwo lo umqondiso womnqophiso endiwubekayo phakathi kwam nani, nayo yonke imiphefumlo ephilileyo ekuni,  kuse kwizizukulwana zasephakadeni:
+01O	9	13	umnyama wam ndiwubeke efini, ukuba ube ngumqondiso womnqophiso ophakathi kwam nehlabathi.
+01O	9	14	Kothi, ndakuwusibekelisa ngelifu umhlaba, ubonakale umnyama lowo efini;
+01O	9	15	ndiwukhumbule umnqophiso wam ophakathi kwam nani, nayo yonke imiphefumlo ephilileyo enyameni yonke, angabi sabakho amanzi onogumbe okonakalisa inyama yonke.
+01O	9	16	Umnyama woba semafini ke, ndiwukhangele, ndikhumbule umnqophiso ongunaphakade phakathi koThixo nayo yonke imiphefumlo ephilileyo, enyameni yonke esehlabathini.
+01O	9	17	Wathi uThixo kuNowa, Nguwo lowo umqondiso womnqophiso endiwumisileyo phakathi kwam nayo yonke inyama esehlabathini.
+01O	9	18	Ke kaloku oonyana bakaNowa, abaphuma emkhombeni,  babengooShem, noHam, noYafete; uHam ke nguyise kaKanan.
+01O	9	19	Aba bathathu ngoonyana bakaNowa; balizaza ihlabathi lonke.
+01O	9	20	UNowa wathi, engumlimi womhlaba, waqala watyala isidiliya.
+01O	9	21	Wasela iwayini, wanxila, wazihluba phakathi kwentente yakhe.
+01O	9	22	UHam, uyise kaKanan, wabubona ubuze bukayise, waxelela abakhuluwa bakhe bobabini ngaphandle.
+01O	9	23	UShem noYafete bathabatha ingubo, bayibeka emagxeni abo bobabini, baya ngomva, babugubungela ubuze bukayise.
+01O	9	24	Wavuka uNowa ewayinini yakhe, wakwazi akwenzileyo unyana wakhe omnci kuye.
+01O	9	25	Wathi, Makaqalekiswe uKanan, Abe sisicaka sezicaka kubazalwana bakhe.
+01O	9	26	Wathi, Makabongwe uYehova uThixo kaShem, UKanan abe sisicaka kubo.
+01O	9	27	UThixo makamvulele uYafete, Ahlale ezintenteni zikaShem,  UKanan abe sisicaka kubo.
+01O	9	28	Wahlala uNowa emveni konogumbe iminyaka emakhulu mthathu anamanci mahlanu.
+01O	9	29	Yonke imihla kaNowa yaba yiminyaka emakhulu asithoba anamanci mahlanu; wafa ke.
+01O	10	1	Yiyo le ke inzala yoonyana bakaNowa: uShem, noHam,  noYafete. Bazalelwa oonyana emveni konogumbe.
+01O	10	2	Oonyana bakaYafete nguGomere, noMagogi, noMadayi, noYavan,  noTubhali, noMesheki, noTirasi.
+01O	10	3	Oonyana bakaGomere nguAshekenazi, noRifati, noTogarma.
+01O	10	4	Oonyana bakaYavan nguElisha, noTarshishe, ngamaKiti namaDodan.
+01O	10	5	Zadabuka kubo abo iziqithi zeentlanga emazweni, lwaolo ngokolwimi lwalo, ngokwesizwe salo ezintlangeni zazo.
+01O	10	6	Oonyana bakaHam nguKushi, noMitserayim, noPuti, noKanan.
+01O	10	7	Oonyana bakaKushi nguSebha, noHavila, noSebheta, noRama,  noSabheteka; oonyana bakaRama nguShebha noDedan.
+01O	10	8	UKushi wazala uNimrodi; yena waqala waba ligorha ehlabathini.
+01O	10	9	Yena waba ligorha lezingela phambi koYehova; ngenxa yoko kwathiwa, NjengoNimrodi, igorha lezingela phambi koYehova.
+01O	10	10	Ukuqala kobukumkani bakhe yiBhabheli, ne-Ereki, neAkadi,  neKalene, ezweni leShinare.
+01O	10	11	Kulo elo zwe waphuma waya kwelaseAsiriya, wikha iNineve neRehobhotire nomzi weKala,
+01O	10	12	neRezen, phakathi kweNineve neKala; nguloo mzi mkhulu ke lowo.
+01O	10	13	UMitzerayim wazala amaLudi, nama-Anam, namaLehabhi,  namaNafetuyi,
+01O	10	14	namaPatrusi, namaKaseluyi, apho kwaphuma khona amaFilisti namaKafetori.
+01O	10	15	UKanan wazala uTsidon, owamazi bulo wakhe, noHeti,
+01O	10	16	namaYebhusi, nama-Amori, namaGirgashi,
+01O	10	17	namaHivi, nama-Areki, namaSin,
+01O	10	18	nama-Arvadi, namaTsemari, namaHamati; emveni koko zaphangalala izizwe zamaKanan.
+01O	10	19	Umda wamaKanan wathabathela eTsidon, wasinga eGerare, wasa eGaza; wasinga eSodom, neGomora, neAdama, neTsebhoyim, wasa eLasha.
+01O	10	20	Ngabo abo oonyana bakaHam, ngokwezizwe zabo, ngokweelwimi zabo, emazweni abo, ezintlangeni zabo.
+01O	10	21	UShem wazalelwa naye; unguyise wabo bonke oonyana bakaEbhere, ungumzalwana omkhulu kaYafete.
+01O	10	22	Oonyana bakaShem nguElam, noAsuri, noArpakishadi, noLudi,  noAram.
+01O	10	23	Oonyana baka-Aram ngu-Utse, noHuli, noGetere, noMashi.
+01O	10	24	UArpakishadi wazala uShela, uShela wazala uEbhere.
+01O	10	25	UEbhere wazalelwa oonyana bababini; igama lomnye belinguPelege, ngokuba ngemihla yakhe bahlukahluka abemi behlabathi; igama lomninawa wakhe belinguYoketan.
+01O	10	26	UYoketan wazala uAlemodadi, noShelefe, noHatsaremavete,  noYera,
+01O	10	27	noHadoram, noUzali, noDikela,
+01O	10	28	no-Obhali, noAbhimayeli, noShebha,
+01O	10	29	no-Ofire, noHavila, noYobhabhi; bonke abo bangoonyana bakaYoketan.
+01O	10	30	Ukuma kwabo kwathabathela eMesha, kwasinga eZefara, intaba yasempumalanga.
+01O	10	31	Ngabo abo oonyana bakaShem ngokwezizwe zabo, ngokweelwimi zabo, emazweni abo, ngokweentlanga zabo.
+01O	10	32	Zizo ezo izizwe zoonyana bakaNowa, ngokweenzalo zabo,  ezintlangeni zabo; zadabuka kubo abo iintlanga ehlabathini emveni konogumbe.
+01O	11	1	Ke kaloku lonke ihlabathi libe lintetho-nye, limazwi manye.
+01O	11	2	Kwathi, ekundulukeni kwabo besinga empumalanga, bafumana ithafa ezweni laseShinare; bahlala khona. Bathi abanye kwabanye, Yizani, senze izitena, sizitshise kunene.
+01O	11	3	Baba nezitena endaweni yamatye, nebhitumene endaweni yodaka.
+01O	11	4	Bathi, Yizani, sizakhele umzi, nepoma lenqaba elincopho isemazulwini; sizenzele igama, hleze sichithakalele ehlabathini lonke.
+01O	11	5	UYehova wehla, eza kukhangela umzi lowo, nenqaba leyo inde,  bayakhayo oonyana boluntu.
+01O	11	6	Wathi uYehova, Yabona, abantu banye, bantetho-nye bonke bephela; yingqalo ke le yokwenza kwabo; kaloku abayi kunqatyelwa nto bayinkqangiyeleyo ukuyenza.
+01O	11	7	Yizani, sihle, sidube khona apho intetho yabo, ngokokuze bangevani ngentetho.
+01O	11	8	UYehova wabachithachitha kwalapho ehlabathini lonke; bayeka ukuwakha loo mzi.
+01O	11	9	Ngenxa yoko kwathiwa igama lawo yiBhabheli; ngokuba uYehova wayiduba khona apho intetho yehlabathi lonke, wabachithachitha kwalapho uYehova ehlabathini lonke.
+01O	11	10	Yiyo le ke inzala kaShem: uShem ubeminyaka ilikhulu ezelwe, wazala uArpakishadi, iminyaka emibini emveni konogumbe.
+01O	11	11	UShem wahlala emveni kokuzala kwakhe uArpakishadi iminyaka emakhulu mahlanu, wazala oonyana neentombi.
+01O	11	12	UArpakishadi wahlala iminyaka emashumi mathathu anamihlanu, wazala uShela.
+01O	11	13	UArpakishadi wahlala emveni kokuzala kwakhe uShela iminyaka emakhulu mane anamathathu, wazala oonyana neentombi.
+01O	11	14	UShela wahlala iminyaka emashumi mathathu, wazala uEbhere.
+01O	11	15	UShela wahlala emveni kokuzala kwakhe uEbhere iminyaka emakhulu mane anamithathu, wazala oonyana neentombi.
+01O	11	16	UEbhere wahlala iminyaka emashumi mathathu anamine, wazala uPelege.
+01O	11	17	UEbhere wahlala emveni kokuzala kwakhe uPelege iminyaka emakhulu mane anamanci mathathu, wazala oonyana neentombi.
+01O	11	18	UPelege wahlala iminyaka emashumi mathathu, wazala uRehu.
+01O	11	19	UPelege wahlala emveni kokuzala kwakhe uRehu iminyaka emakhulu mabini anesithoba, wazala oonyana neentombi.
+01O	11	20	URehu wahlala iminyaka emashumi mathathu anamibini, wazala uSerugi.
+01O	11	21	URehu wahlala emveni kokuzala kwakhe uSerugi iminyaka emakhulu mabini anesixhenxe, wazala oonyana neentombi.
+01O	11	22	USerugi wahlala iminyaka emashumi mathathu, wazala uNahore.
+01O	11	23	USerugi wahlala emveni kokuzala kwakhe uNahore iminyaka emakhulu mabini, wazala oonyana neentombi.
+01O	11	24	UNahore wahlala iminyaka emashumi mabini anesithoba,  wazala uTera.
+01O	11	25	UNahore wahlala emveni kokuzala kwakhe uTera iminyaka elikhulu elinashumi-nye linesithoba, wazala oonyana neentombi.
+01O	11	26	UTera wahlala iminyaka emashumi asixhenxe, wazala uAbram,  noNahore, noHaran.
+01O	11	27	Yiyo le ke inzala kaTera: uTera wazala uAbram, noNahore,  noHaran; uHaran wazala uLote.
+01O	11	28	Wafa uHaran esekho uTera uyise, ezweni lokuzalwa kwakhe,  eUre yamaKaledi.
+01O	11	29	UAbram noNahore bazeka abafazi; igama lomka-Abram lalinguSarayi; igama lomkaNahore lalinguMilka, intombi kaHaran,  usoMilka, usoYiska.
+01O	11	30	USarayi ebengazali, engenamntwana.
+01O	11	31	UTera wamthabatha uAbram, unyana wakhe, noLote unyana kaHaran, unyana wonyana wakhe, noSarayi umolokazana wakhe,  umka-Abram unyana wakhe, baphuma nabo eUre yamaKaledi, besiya ezweni lakwaKanan; bafika kwelakwaHaran, bahlala khona.
+01O	11	32	Imihla kaTera yaba yiminyaka emakhulu mabini anamihlanu;  wafa uTera kwelakwaHaran.
+01O	12	1	Ke kaloku uYehova wathi kuAbram, Hamba, umke ezweni lakowenu, kwelokuzalwa kwakho, nasendlwini kayihlo, uye ezweni endokubonisa lona;
+01O	12	2	ndikwenze uhlanga olukhulu, ndikusikelele, ndilikhulise igama lakho, ube yintsikelelo;
+01O	12	3	ndibasikelele abakusikelelayo, ndimtshabhise okuqalekisayo;  zisikeleleke ngawe zonke izizwe zehlabathi.
+01O	12	4	Wahamba uAbram njengoko wathethayo uYehova kuye; wahamba naye uLote. UAbram ubeminyaka imashumi asixhenxe anamihlanti ezelwe, ukuphuma kwakhe kwelakwaHaran.
+01O	12	5	UAbram wathabatha uSarayi umkakhe, noLote unyana womninawa wakhe, nengqwebo yabo yonke ababeyiqwebile, nabantu ababebafumene kwelakwaHaran; baphuma ke besiya ezweni lakwaKanan, bafika ke ezweni lakwaKanan.
+01O	12	6	UAbram wacanda ilizwe, wada waya kwindawo enoShekem, wada waya eMokini kaMore. AmaKanan abekho ngelo xesha kulo ilizwe.
+01O	12	7	UYehova wabonakala kuAbram, wathi, Imbewu yakho ndiya kuyinika eli lizwe. Wamakhela khona isibingelelo uYehova,  owabonakalayo kuye.
+01O	12	8	Wesuka khona waya entabeni ngasempumalanga, eBheteli,  wayitwabulula intente yakhe, iBheteli ingasentshonalanga, iAyi ingasempumalanga; wamakhela khona isibingelelo uYehova, wanqula igama likaYehova.
+01O	12	9	Wanduluka uAbram, ehamba encothula, esinga kwelasezantsi.
+01O	12	10	Kwabakho indlala ezweni. Wehla uAbraham waya eYiputa,  ukuze aphambukele khona; ngokuba indlala ibinzima elizweni.
+01O	12	11	Kwathi, akusondela ukuba angene eYiputa, wathi kuSarayi umkakhe, Uyabona ke, ndiyazi ukuba ungumfazi omhle imbonakalo.
+01O	12	12	Kothi ke, akukubona amaYiputa, athi, Ngumkakhe lo;  andibulale, akuyeke wena udle ubomi.
+01O	12	13	Uze uthi, ungudade wethu wena; ukuze kulunge kum ngenxa yakho, umphefumlo wam udle ubomi ngenxa enawe.
+01O	12	14	Kwathi, akufika uAbram eYiputa, ambona amaYiputa umfazi ukuba uyinzwakazi.
+01O	12	15	Bambona abathetheli bakaFaro, bamdumisa kuFaro; umfazi wasiwa endlwini kaFaro.
+01O	12	16	Wamphatha ngokulungileyo uAbram ngenxa yakhe; wanempahla emfutshane, neenkomo, namaesile, nabakhonzi, nabakhonzazana,  neemazi zamaesile, neenkamela.
+01O	12	17	UYehova wambetha uFaro nendlu yakhe ngezibetho ezikhulu ngenxa kaSarayi, umka-Abram.
+01O	12	18	UFaro wambiza uAbram wathi, Yintoni na le uyenzileyo kum?  Yini na ukuba ungandixeleli ukuba ngumkakho?
+01O	12	19	Yini na ukuba uthi, ngudade wenu? Ndamthabatha ukuba abe ngumfazi wam. Ngoku ke nanko unikakho, mthabathe uhambe.
+01O	12	20	UFaro wawawisela umthetho amadoda ngaye; amkhapha yena nomkakhe, nezinto zakhe zonke.
+01O	13	1	Wenyuka uAbram, ephuma eYiputa, yena nomkakhe, neento zakhe zonke, enoLote, esinga kwelasezantsi.
+01O	13	2	UAbram waye esisityebi kunene ngemfuyo, nangesilivere,  nangegolide.
+01O	13	3	Wahamba encothula, esuka kwelasezantsi, wafika eBheteli,  kuloo ndawo yayikhona intente yakhe matanci, phakathi kweBheteli neAyi,
+01O	13	4	endaweni yesibingelelo awasenzayo khona ekuqaleni. UAbram walinqula khona igama likaYehova.
+01O	13	5	Naye uLote, obehamba noAbram, waye enempahla emfutshane,  neenkomo, neentente.
+01O	13	6	Ilizwe elo alaba nakubathwala, ukuba bahlale ndawonye;  ngokuba impahla yabo yayininzi, ababa nakuhlala ndawonye.
+01O	13	7	Kwabakho ukubambana phakathi kwabalusi bemfuyo ka-Abram nabalusi bemfuyo kaLote. Ngelo xesha ilizwe lalimiwe ngamaKanan namaPerizi.
+01O	13	8	UAbram wathi kuLote, Makungabikho mbambano kaloku phakathi kwam nawe, naphakathi kwabalusi bam nabalusi bakho; ngokuba singamadoda azalanayo.
+01O	13	9	Aliphambi kwakho na ilizwe lonke? Khawahluke kum; ukuba uya ekhohlo, ndoya ekunene, ukuba uya ekunene, ndoya ekhohlo.
+01O	13	10	ULote waphakamisa amehlo akhe, wawukhangela wonke ummandla waseYordan, ngokuba ubunamanzi wonke, engekayonakalisi uYehova iSodom neGomora, unjengomyezo kaYehova, unjengelizwe laseYiputa, usingise eTsohare.
+01O	13	11	ULote wawunyula wonke ummandla waseYordan; wanduluka uLote waya ngasempumalanga; bahlukana ke.
+01O	13	12	UAbram wahlala ezweni lakwaKanan; uLote wahlala emizini yaloo mmandla, wayisondezela eSodom intente yakhe.
+01O	13	13	Ke kaloku amadoda aseSodom ayengabenzi bobubi, engaboni abakhulu kuYehova.
+01O	13	14	Wathi uYehova kuAbram, emveni kokuba uLote ahlukane naye,  Khawuwaphakamise amehlo akho ukuloo ndawo ukuyo, ubhekise entla, nasezantsi, nasempumalanga, nasentshonalanga;
+01O	13	15	ngokuba lonke ilizwe olibonayo ndiya kulinika wena,  nembewu yakho, kude kuse ephakadeni;
+01O	13	16	ndiyenze imbewu yakho ibe njengothuli lomhlaba, angathi ubani enako ukulubala uthuli lomhlaba, ayibale nembewu yakho.
+01O	13	17	Suka, ulihambe ilizwe ngobude balo nangobubanzi balo;  ngokuba ndiya kulinika wena.
+01O	13	18	Wancothula uAbram intente yakhe, waya wahlala ngaseMiokini kaMamre eseHebron, wakhela khona uYehova isibingelelo.
+01O	14	1	Kwathi ngemihla ka-Amrafele ukumkani waseShinare, noAriyoki ukumkani wase-Elazare, noKedorlahomere ukumkani wakwaElam,  noTidali ukumkani wamaGoyi,
+01O	14	2	benza imfazwe noBhera ukumkani waseSodom, noBhirsha ukumkani waseGomora, noShinabhi ukumkani waseAdama,  noShemebhere ukumkani waseTsebhoyim, nokumkani waseBhela,  eyiTsohare.
+01O	14	3	Bonke abo baqukana entilini yaseSidim, eluLwandle lweTyuwa.
+01O	14	4	Iminyaka elishumi elinamibini bakhonza uKedorlahomere,  bathi ngomnyaka weshumi elinantathu bagwilika.
+01O	14	5	Ngomnyaka weshumi elinamine weza uKedorlahomere nookumkani ababanaye, bawatshabalalisa amaRafa eAshtaroti-karnayim,  namaZuzi eHam, namaEma ethafeni laseKiriyatayim,
+01O	14	6	namaHori entabeni yawo yakwaSehire, kwasa kwiElparan,  engasentlango.
+01O	14	7	Bajika, beza e-En-mishpati eyiKadeshe, balitshabalalisa lonke ilizwe lakwa-Amaleki, nama-Amori abehleli eHatsetson-tamare.
+01O	14	8	Waphuma ukumkani waseSodom, nokumkani waseGomora, nokumkani waseAdama, nokumkani waseTsebhoyim, nokumkani waseBhela,  eyiTsohare, bakha uluhlu lokulwa nabo entilini yaseSidim;
+01O	14	9	noKedorlahomere ukumkani wakwaElam, noTidali ukumkani wamaGoyi, noAmrafele ukumkani waseShinare, noAriyoki ukumkani wase-Elazare: ookumkani abahlanu balwa nabane.
+01O	14	10	Ke intili yaseSidim yaye iyimingxuma yodwa yebhitumene;  basaba ookumkani, owaseSodom, nowaseGomora, beyela khona,  amasalela asabela entabeni.
+01O	14	11	Bayithabatha yonke impahla yaseSodom, neGomora, nako konke ukudla kwabo, bemka.
+01O	14	12	Bamthabatha noLote, nempahla yakhe, unyana womninawa ka-Abram, bemka; kuba wayehleli eSodom.
+01O	14	13	Wafika osindileyo, waxelela uAbram, umHebhere; yena ebehleli eMiokini kaMamre umAmori, umzalwana kaEshkoli,  nomzalwana ka-Anere; bona ke bebengamanqophisana noAbram.
+01O	14	14	Weva ke uAbram, ukuba uthinjiwe umzalwana wakhe,  wawaphalaza amadoda akhe aqeqeshiweyo, azalelwe endlwini yakhe,  angamakhulu mathathu aneshumi elinesibhozo, wasukela, waya kufika kwaDan.
+01O	14	15	Wawahlulahlula, wabawela ebusuku, yena nabakhonzi bakho,  wabagxotha, wabasukela wasa eHobha, engasekhohlo kweDamasko.
+01O	14	16	Wazibuyisa zonke iimpahla, kwanoLote unizalwana wakhe,  wazibuyisa neempahla zakhe, kwanabafazi nabantu.
+01O	14	17	Waphuma ukumkani waseSodom, esiya kumkhawulela ekubuyeni kwakhe ekutshabalaliseni uKedorlahomere, nookumkani ebabenaye,  entilini yeShave, eyintili yookumkani.
+01O	14	18	UMelkitsedeke, ukumkani waseSalem, waphuma enesonka newayini, ubengumbingeleli kaThixo Osenyangweni.
+01O	14	19	Wamsikelela wathi, Makasikelelwe uAbram nguThixo Osenyangweni, uMninimazulu nehlabathi!
+01O	14	20	Makabongwe uThixo Osenyangweni obanikeleyo ababandezeli bakho esandleni sakho. UAbram wamnika isishumi seento zonke.
+01O	14	21	Wathi ukumkani waseSodom, kuAbram, Ndinike abantu,  uthabathe impahla.
+01O	14	22	Wathi uAbram kukumkani waseSodom, Isandla sam ndisiphakamisele kuYehova uThixo Osenyangweni, uMninimazulu nehlabathi,
+01O	14	23	ukuba andiyi kuthabatha nosinga, nokuba ngumtya wembadada,  ukuba andiyi kuthabatha kuko konke okwakho; ukuze ungatsho ukuthi, Mna nidimtyebisile uAbram.
+01O	14	24	Makungabikho nto iyeyam, kuphela ibe yile nto idliweyo ngabafana, nesabelo samadoda abehamba nam, uAnere, noEshkoli,  noMamre; wona makasithabathe isabelo sawo.
+01O	15	1	Emveni kwezo zinto, lafika ilizwe likaYehova kuAbram ngombono, lisithi, Musa ukoyika, Abram; ndiyingweletshetshe yakho, umvuzo wakho omkhulu kunene.
+01O	15	2	Wathi uAbram, Nkosi yam, Yehova, wondinika ntoni na?  Ndihamba ndingenamntwana; indlamafa yendlu yam ngulo Eliyezere waseDamasko.
+01O	15	3	Wathi uAbram, Yabona, akundinikanga mbewu; yabona, umntu ongowendlu yam uya kuba yindlamafa yam.
+01O	15	4	Nalo ilizwi likaYehova lifika kuye, lisithi, Akayi kuba yindlamafa yakho lo; ngoya kuphuma ezibilini zakhe, yena oya kuba yindlamafa yakho.
+01O	15	5	Wamsa phandle, wathi, Khawubheke phezulu ezulwini, uzibale iinkwenkwezi, ukuba unokuzibala; wathi kuye, Iya kuba njalo ke imbewu yakho.
+01O	15	6	Wakholwa kuYehova; oko wakubalela ebulungiseni kuye.
+01O	15	7	Wathi kuye, NdinguYehova owakukhuphayo eUre yamaKaledi,  ukuba ndikunike eli lizwe, ulidle ilifa.
+01O	15	8	Wathi yena, Nkosi Yehova, ndiya kwazi ngantoni na, ukuba ndiya kulidla ilifa?
+01O	15	9	Wathi kuye, Ndithabathele ithokazi eliminyaka mithathu,  nemazi yebhokhwe eminyaka mithathu, nenkunzi yemvu eminyaka mithathu, nehobe, negobo levukuthu.
+01O	15	10	Wamthabathela ke zonke ezo zinto, wazicanda kubini,  wazibeka izahlulo, esinye sakhangelana nesinye; ke zona iintaka akazicanda.
+01O	15	11	Ehla amaxhalanga phezu kwezidumbu, wawaphekuza uAbram.
+01O	15	12	Kwathi, xa litshonayo ilanga, efikelwe uAbram bubuthongo obukhulu, wabo na efikelwa kukothuka nabubumnyama obukhulu.
+01O	15	13	Wathi kuAbram, Yazi ke, ukuba imbewu yakho iya kuba ngumphambukeli ezweni elingelayo, ibakhonze abo, bayicinezele,  iminyaka emakhulu mane.
+01O	15	14	Kananjalo uhlanga eya kulukhonza ndiya kulugweba; emveni koko iya kuphuma ineempahla ezininzi.
+01O	15	15	Ke wena uya kuya kooyihlo unoxolo; ungcwatywe uyingwevu enkulu.
+01O	15	16	Kwesesine isizukulwana iya kubuyela apha, kuba ubugwenxa bama-Amori abukazaliseki.
+01O	15	17	Kwathi, lakuba litshonile ilanga, kwakuba sithokothoko,  wabona kukho; iziko eliqhumayo, elinelangatye elidangazelayo,  elacanda phakathi kwezo zahlulo.
+01O	15	18	Ngaloo mini ke uYehova wenza umnqophiso noAbram, wathi,  Imbewu yakho ndiyinike eli lizwe, lithabathele emlanjeni waseYiputa, lise emlanjeni omkhulu, emlanjeni ongumEfrati:
+01O	15	19	amaKeni, namaKinazi, namaKadimon,
+01O	15	20	namaHeti, namaPerizi, namaRafa,
+01O	15	21	nama-Amori, namaKanan, namaGirigashi, namaYebhusi.
+01O	16	1	Ke kaloku uSarayi umka-Abram ubengamzaleli mntwana. Waye enomkhonzazana ongumYiputazana, ogama belinguHagare.
+01O	16	2	Wathi uSarayi kuAbram, Yabona, uYehova undivingcile ukuba ndingazali; khawungene kumkhonzazana wam lo, mhlawumbi ndingakheka ngaye. Waliphulaphula uAbram izwi likaSarayi.
+01O	16	3	Wathi uSarayi, umka-Abram, wamthabatha uHagare umYiputazana, umkhonzazana wakhe, emveni kokuba uAbram wayehleli iminyaka elishumi ezweni lakwaKanan, wamnika uAbram indoda yakhe ukuba abe ngumkakhe.
+01O	16	4	Wamngena ke uHagare, wamitha; akubona ukuba umithi,  inkosikazi yakhe yacukucezeka emehlweni akhe.
+01O	16	5	Wathi uSarayi kuAbram, Ukoniwa kwam makube phezu kwakho;  umkhonzazana wam ndimnike mna esifubeni sakho; uthe akubona ukuba umithi, ndacukucezeka emehlweni akhe; uYehova makagwebe phakathi kwam nawe.
+01O	16	6	Wathi uAbram kuSarayi, Yabona, umkhonzazana wakho asesandleni sakho; yenza kuye okulungileyo emehlweni akho.  USarayi wamcinezela, wabaleka wemka ebusweni bakhe.
+01O	16	7	Ke kaloku isithunywa sikaYehova samfumana ngasemthonjeni wamanzi entlango, ngasemthonjeni osendleleni eya eShure.
+01O	16	8	Sathi, Hagare, mkhonzazana kaSarayi, uvela phi na, usiya phi na? Wathi, Ndibaleke ndemka ebusweni bukaSarayi, inkosikazi yam.
+01O	16	9	Sathi isithunywa sikaYehova kuye, Buyela kwinkosikazi yakho, uzithobe phantsi kwesandla sayo.
+01O	16	10	Sathi isithunywa sikaYehova kuye, Ndiya kuyandisa kakhulu imbewu yakho, ingabalwa ngenxa yobuninzi.
+01O	16	11	Sathi isithunywa sikaYehova kuye, Yabona umithi; uya kuzala unyana, umthiye igama elinguIshmayeli, ngokuba uYehova uzivile iintsizi zakho.
+01O	16	12	Yena uya kuba ngumntu onjenge-esile lasendle ukundweba;  isandla sakhe siya kuchasana nabantu bonke, isandla sabantu bonke sichasane naye; ahlale ebusweni babazalwana bakhe bonke.
+01O	16	13	Walibiza igama likaYehova, obethetha naye, wathi,  UnguThixo ozibonakalisayo. Ngokuba wathi, Ndisabona na nalapha,  emveni kokuba ndimbonile?
+01O	16	14	Ngenxa yoko walithiya elo qula igama lokuthi liQula likaPhila-ebonile; nalo phakathi kweKadeshe neBherede.
+01O	16	15	UHagare wamzalela uAbram unyana; uAbram ukumthiya igama unyana wakhe, lowo abemzalele yena uHagare, wathi nguIshmayeli.
+01O	16	16	UAbram ubeminyaka imashumi asibhozo anamithandathu ezelwe,  oko uHagare wamzalelayo uAbram uIshmayeli.
+01O	17	1	Kwathi, uAbram akuba minyaka imashumi asithoba anesithoba ezelwe, uYehova wabonakala kuAbram, wathi kuye, NdinguThixo uSomandla; hamba phambi kwam ube ngogqibeleleyo.
+01O	17	2	Ndiya kuwubeka umnqophiso wam phakathi kwam nawe,  ndikwandise kakhulu kunene.
+01O	17	3	Wawa uAbram ngobuso bakhe.
+01O	17	4	UThixo wathetha naye, esithi, Mna, yabona, umnqophiso wam unawe; uya kuba nguyise wengxokolo yeentlanga.
+01O	17	5	Kananjalo akusayi kuthiwa igama lakho nguAbram; igama lakho liya kuba nguAbraham, ngokuba ndikwenze uyise wengxokolo yeentlanga;
+01O	17	6	ndiya kukuqha misa kakhulu kunene, ndikwenze iintlanga,  kuphume ookumkani kuwe;
+01O	17	7	ndiwumise umnqophiso wam phakathi kwam nawe, naphakathi kwembewu yakho emva kwakho kwizizukulwana zayo, ube ngumnqophiso ongunaphakade, wokuba ndibe nguThixo kuwe,  nakwimbewu yakho emva kwakho;
+01O	17	8	ndilinike wena nembewu yakho emva kwakho ilizwe lokuphambukela kwakho, lonke ilizwe eli lakwaKanan, ukuba libe yinto yenu ngonaphakade, ndibe nguThixo wabo.
+01O	17	9	Wathi uThixo kuAbraham, Wena ke, umnqophiso wam wowugcina,  nembewu yakho emva kwakho kwizizukulwana zabo.
+01O	17	10	Nguwo lo umnqophiso wam eniya kuwugcina phakathi kwam nani, nembewu yakho emva kwakho: wokuba yonke into eyindoda kuni yaluswe; naluswe inyama yokwaluswa;
+01O	17	11	oko kube ngumqondiso womnqophiso ophakathi kwam nani.
+01O	17	12	Unyana omihla isibhozo makaluswe kuni, yonke into eyindoda kwizizukulwana zenu, ezelwe endlwini, nezuzwe ngemali kubani wolunye uhlanga, ongengowembewu yakho yena.
+01O	17	13	Makaluswe ozelwe endlwini yakho, nozuzwe ngemali yakho;  umnqophiso wam enyameni yenu uya kuba ngumnqophiso ongunaphakade.
+01O	17	14	Into eyindoda engalukileyo, enyama yokwaluswa ingaluswanga, loo mphefumlo mawunqanyulwe, ungabikho ebantwini bakowawo; uwaphule umnqophiso wam.
+01O	17	15	Wathi uThixo kuAbraham, USarayi umkakho akuyi kumbiza ngegama lokuba nguSarayi; igama lakhe loba nguSara.
+01O	17	16	Ndiya kumsikelela; kananjalo ndikunike unyana ngaye,  ndimsikelele, abe ziintlanga, kuphume ookumkani bezizwe kuye.
+01O	17	17	UAbraham wawa ngobuso bakhe, wahleka, wathi entliziyweni yakhe, Azi umntu ominyaka ilikhulu wozalelwa na? Azi uSara,  intokazi eminyaka imashumi asithoba, angazala na?
+01O	17	18	Wathi uAbraham kuThixo, Wanga uIshmayeli angadla ubomi phambi kwakho!
+01O	17	19	Wathi uThixo, Ewe, uSara umkakho uya kukuzalela unyana,  umbize ngegama lokuba nguIsake; ndiwumise umnqophiso wam naye,  ube ngumnqophiso ongunaphakade kwimbewu yakhe emva kwakhe.
+01O	17	20	Ngokusingisele kuIshmayeli ndikuvile; uyabona,  ndimsikelele, ndimqhamisile, ndimandisile kakhulu kunene. Uya kuzala izikhulu ezilishumi elinazibini, ndimenze uhlanga olukhulu.
+01O	17	21	Umnqophiso wam wona ndowumisa noIsake, oya kumzalelwa nguSara ngeli xesha nyakenye.
+01O	17	22	Wagqiba ukuthetha naye. Wenyuka uThixo esuka kuAbraham.
+01O	17	23	UAbraham wamthabatha uIshmayeli unyana wakhe, nabo bonke abazalelwe endlwini yakhe, nabo bonke abazuzwe ngemali yakhe,  yonke into eyindoda phakathi kwabantu bendlu ka-Abraham,  wayalusa inyama yokwaluswa kwangaloo mini, njengoko abethethile uThixo kuye.
+01O	17	24	UAbraham ebeminyaka imashumi asithoba anesithoba ezelwe,  ukwaluswa kwenyama yokwaluswa.
+01O	17	25	UIshmayeli, unyana wakhe, ebeminyaka ilishumi elinamithathu ezelwe, ukwaluswa kwenyama yokwaluswa.
+01O	17	26	Kwangaloo mini waluswa uAbraham, noIshmayeli unyana wakhe.
+01O	17	27	Nawo onke amadoda endlu yakhe, azalelwe endlwini yakhe,  nazuzwe ngemali kubani wolunye uhlanga, aluswa kunye naye.
+01O	18	1	UYehova wabonakala kuye eMiokini kaMamre, ehleli emnyango wentente, ekufudumaleni kwemini.
+01O	18	2	Wawaphakamisa amehlo akhe, wabona, nango amadoda amathathu emi ngakuye. Wabona, wagidima, eya kuwa khawulela, esuka emnyango wentente.
+01O	18	3	Waqubuda emhlabeni, wathi, Nkosi yam, ukuba kaloku ndibabalwe nguwe, musa ukudlula umke kumkhonzi wakho.
+01O	18	4	Makhe kuthatyathwe intwana yamanzi, nihlambe iinyawo zenu,  ningqengqe phantsi komthi lo;
+01O	18	5	ndithabathe iqhekeza lesonka, nixhase iintliziyo zenu;  kamva nodlula; kuba nize kudlula ngenxa yoko kumkhonzi wenu.  Athi, Yenza ngoko uthethe ngako.
+01O	18	6	Wakhawuleza uAbraham, waya ententeni kuSara, wathi,  Khawuleza, uxovule iiseha ezintathu zomgubo ocoliweyo, wenze amaqebengwana ezonka.
+01O	18	7	Wagidima waya ezinkomeni uAbraham, wathabatha ithole lenkomo, lithambile, lilungile, wanika umfana, wakhawuleza ukulilungisa.
+01O	18	8	Wathabatha amasi, nobisi, nethole lenkomo abelilungisile,  wabeka phambi kwawo, wema ngakuwo phantsi komthi lowo, adla.
+01O	18	9	Athi kuye, Uphi na uSara umkakho?
+01O	18	10	Wathi, Nanko ententeni. Yathi, Ndiya kubuyela kuwe,  lakubuya eli xesha; yabona, uSara umkakho uya kuba nonyana.  Weva uSara esemnyango wentente, wona esemva kwayo.
+01O	18	11	Ke kaloku uAbraham noSara babesebaluphele, sebekhulile;  kusekunqamkile kuSara okwendlela yabafazi.
+01O	18	12	USara wahleka ngaphakathi kwakhe, esithi, Emveni kokuba ndihagele, ndisaya kuyolelwa na, nenkosi yam yaluphele nje?
+01O	18	13	Wathi uYehova kuAbraham, Yini na ukuba uSara ahleke,  esithi, Kuhleliwe nje ndiya kuzala na ndaluphele nje mna?
+01O	18	14	Kukho nto ingamnqabelayo na uYehova? Ngexesha elimisiweyo ndiya kubuyela kuwe, lakubuya eli xesha, uSara abe nonyana.
+01O	18	15	Wakhanyela uSara, esithi, Andihlekanga; kuba ebesoyika.  Wathi yena, Hayi, uhlekile.
+01O	18	16	Asuka ke amadoda lawo ondela eSodom; uAbraham ehamba nawo,  ewaphelekelela.
+01O	18	17	Wathi uYehova, Ndomfihlela na uAbraham into endiza kuyenza?
+01O	18	18	Kanti uAbraham uya kuthi abe luhlanga olukhulu,  olunamandla, zisikeleleke ngaye iintlanga zonke zehlabathi.
+01O	18	19	Kuba ndaze yena, ukuze abawisele umthetho abantwana bakhe,  nendlu yakhe emva kwakhe, bagcine indlela kaYehova, benze ubulungisa nokusesikweni, ukuze uYehova amenzele uAbraham into ayithethileyo kuye.
+01O	18	20	Wathi uYehova, Isikhalo saseSodom neGomora sisikhulu nje,  nesono sayo sinzima kunene nje,
+01O	18	21	ndiya kukha ndihle, ndikhangele ukuba baphelelisile na ngokwesikhalo sayo esifikileyo kum; ukuba akunjalo, ndazi.
+01O	18	22	Ajika apho amadoda lawo, asinga eSodom; ke yena uAbraham wayesemi phambi koYehova.
+01O	18	23	Wasondela uAbraham, wathi, Ungade ubhebhethe olilungisa kunye nongendawo yini na?
+01O	18	24	Hi, kwakho amashumi amahlanu amalungisa phakathi komzi;  ungade uyibhebhethe, ungayixoleli, loo ndawo yini na, ngenxa yamalungisa amashumi mahlanu akuyo?
+01O	18	25	Makube lee kuwe ukwenza ngokwendawo enjalo ukubulala olilungisa kunye nongendawo, ilungisa libe njengongendawo;  makube lee kuwe. Umgwebi wehlabathi lonke akayi kwenza okusesikweni yini na?
+01O	18	26	Wathi uYehova, Ukuba ndithe ndafumana eSodom amalungisa amashumi mahlanu phakathi komzi, ndoyixolela yonke loo ndawo ngenxa yawo.
+01O	18	27	Waphendula uAbraham, wathi, Khawubone, sendide ndathetha eNkosini, ndiluthuli nothuthu.
+01O	18	28	Hi ke, kwasweleka isihlanu kumalungisa amashumi mahlanu,  wowonakalisa ngenxa yesihlanu yini na wonke umzi? Yathi, Andiyi kuwonakalisa, ukuba ndithe ndafumana khona amashumi omane anesihlanu.
+01O	18	29	Waphinda kanjalo wathetha kuye, wathi, Hi ke, kwafunyanwa khona amashumi omane? Yathi, Andiyi kukwenza ngenxa yamashumi omane.
+01O	18	30	Wathi, Mayingabi namsindo iNkosi, khe ndithethe. Hi ke,  kwafunyanwa khona amashumi omathathu? Yathi, Andiyi kukwenza,  ukuba ndithe ndafumana khona amashumi omathathu.
+01O	18	31	Wathi, Khawubone, sendide ndathetha eNkosini. Hi ke,  kwafunyanwa khona amashumi omabini? Yathi, Andiyi kuwonakalisa ngenxa yamashumi omabini.
+01O	18	32	Wathi, Mayingabi namsindo iNkosi, khendithethe esi sihlandlo sodwa. Hi ke, kwafunyanwa khona ishumi elinye? Yathi,  Andiyi kuwonakalisa ngenxa yeshumi elinye.
+01O	18	33	Wemka uYehova, akugqiba ukuthetha kuAbraham; uAbraham wabuyela endaweni yakhe.
+01O	19	1	Zafika izithunywa ezo zozibini eSodom ngokuhlwa, uLote ehleli esangweni leSodom. ULote wazibona, wesuka waya kuzikhawulela, waqubuda ngobuso emhlabeni.
+01O	19	2	Wathi, Khanibone, zinkosi zam! Khaniphambukele endlwini yomkhonzi wenu, nilale, nihlambe iinyawo zenu, nivuke kusasa,  nihambe indlela yenu. Zathi, Hayi, solala esitratweni.
+01O	19	3	Wazijoka kunene, zaphambukela kuye, zangena endlwini yakhe;  wazenzela isidlo, woja nezonka ezingenagwele, zadla.
+01O	19	4	Ke kaloku, zingekalali, amadoda aloo mzi, amadoda aseSodom,  ayirhawula indlu, ethabathela kumfana esa kwixhego, bonke abantu bevela nasekupheleni kwawo.
+01O	19	5	Bambiza uLote, bathi kuye, Aphi na amadoda angene kuwe ngobu busuku? Wakhuphele kuthi, siwazi.
+01O	19	6	Waphuma uLote waya kubo emnyango, waluvala ucango emva kwakhe,
+01O	19	7	wathi, Musani ukwenza into embi, bazalwana.
+01O	19	8	Khanibone, ndineentombi ezimbini ezingazani nandoda;  mandikhuphele zona kuni, nenze kuzo ngoko kulungileyo emehlweni enu. Ke kula madoda musani ukwenza nto, kuba angene ngenxa yoko emthunzini wophahla lwam.
+01O	19	9	Bathi, Khwelela; batsho bathi, Lo wezayo ngokuphambukela uhlala egweba; ngoku sokuphatha kakubi wena kunawo. Besuka indulumbane phezu kwendoda uLote, basondela, beza kuluqhekeza ucango.
+01O	19	10	Amadoda lawo asolula isandla sawo, amngenisa uLote kuwo endlwini, aluvala ucango.
+01O	19	11	Awabetha ngobumfama amadoda abesemnyango wendlu,  ethabathela kwencinane esa kwenkulu, azidinisa ke ukufuna umnyango.
+01O	19	12	Athi amadoda lawo kuLote, Usenabani na apha? Umyeni,  noonyana bakho, neentombi zakho, nabo bonke onabo kulo mzi,  bakhuphe kule ndawo;
+01O	19	13	ngokuba siya kuyonakalisa le ndawo, ngokuba sikhulu isikhalo sabo ebusweni bukaYehova. UYehova usithume ukuba siyonakalise.
+01O	19	14	Waphuma, uLote, wathetha kubayeni beentombi zakhe, abaya kuzeka iintombi zakhe, wathi, Sukani, niphume kule ndawo;  ngokuba uYehova uya kuwonakalisa lo mzi. Usuke waba njengohlekisayo emehlweni abayeni beentombi zakhe.
+01O	19	15	Izithunywa zamngxamisa uLote ngesifingo, zathi, Vuka,  thabatha umkakho, neentombi zakho zombini, aba banokufumaneka,  hleze ubhebhethwe ngobugwenxa balo mzi.
+01O	19	16	Wazilazila; amadoda abamba isandla sakhe, nesandla somkakhe, nesandla seentombi zakhe zombini; uYehova emvela,  amkhupha, amyeka ngaphandle komzi.
+01O	19	17	Akuba emkhuphele phandle, athi, Zisindise ngenxa yomphefumlo wakho. Musa ukubheka emva kwakho, musa ukuma kuwo wonke lo mmandla; zisindise ngokuya entabeni, hleze ubhebhethwe.
+01O	19	18	Wathi kuwo uLote, Hayi, Nkosi yam.
+01O	19	19	Khawubone, umkhonzi wakho umbabale. Uyikhulisile inceba yakho ondenzeleyo, ukuba uwusindise umphefumlo wam; mna ke andinako ukuzisindisa ngokuya entabeni, hleze ndinanyathelwe bububi, ndife.
+01O	19	20	Khawubone, lo mzi ukufuphi, ukuba kubalekelwe kuwo,  mncinane; ndanga ndingazisindisa ngokuya kuwo (awumncinane na?), usinde umphefumlo wam.
+01O	19	21	Wathi kuye, Yabona, ndikunonelele nangale nto, ukuba ndingawubhukuqi lo mzi uthethe ngawo.
+01O	19	22	Khawuleza, zisindise ngokuya khona, kuba andinakwenza nto ude ufike khona. Ngenxa yoko igama laloo mzi kwathiwa yiTsohare.
+01O	19	23	Ilanga lalise liphumile phezu kwehlabathi, ukufika kukaLote eTsohare.
+01O	19	24	Wanisa ke uYehova phezu kweSodom neGomora isulfure nomlilo ophuma kuYehova emazulwini;
+01O	19	25	wayibhukuqa loo mizi, nawo wonke loo mmandla, nabo, bonke abemi baloo mizi, nesihlumo somhlaba.
+01O	19	26	Kodwa umkakhe, esemva kwakhe, wakhangela ngasemva, waba yintsika yetyuwa.
+01O	19	27	UAbraham wavuka kusasa, waya kuloo ndawo wayemi kuyo ebusweni bukaYehova.
+01O	19	28	Wondela eSodom neGomora, nakulo lonke ilizwe laloo mmandla. Wakhangela; nango unyuka umsi welo zwe, njengomsi weziko lemfutho.
+01O	19	29	Kwathi, xenikweni uThixo wayonakalisayo imizi yaloo mmandla, uThixo wamkhumbula uAbraham, wamkhupha uLote phakathi kobhukuqo olo, ekuyibhukuqeni imizi leyo abehleli kuyo uLote.
+01O	19	30	Wenyuka uLote ephuma eTsohare, wahlala entabeni,  eneentombi zakhe zombini, kuba ebesoyika ukuhlala eTsohare;  wahlala emqolombeni, yena neentombi zakhe zombini.
+01O	19	31	Yathi eyamazibulo kwencinane, Ubawo waluphele; akukho ndoda ezweni apha yokusingena ngokwendlela yehlabathi lonke;
+01O	19	32	yiza, simseze ubawo iwayini, silale naye, sigcine imbewu ngobawo.
+01O	19	33	Zamseza ke uyise iwayini ngobo busuku; yangena eyamazibulo, yalala noyise; akayazanga yena ukulala kwayo nokuvuka kwayo.
+01O	19	34	Kwathi ngengomso, yathi eyamazibulo kwencinane, Yabona,  ndilele nobawo phezolo; masimseze iwayini nangobu busuku,  ungene, ulale naye, ukuba sigcine imbewu ngobawo.
+01O	19	35	Zamseza ke uyise iwayini nangobo busuku, yasuka, encinane yalala naye; akayazanga yena ukulala kwayo nokuvuka kwayo.
+01O	19	36	Zamitha zombini iintombi zikaLote ngoyise.
+01O	19	37	Eyamazibulo yazala unyana, yambiza ngegama elinguMowabhi;  yena nguyise wamaMowabhi unanamhla.
+01O	19	38	Nencinane yazala unyana, yambiza ngegama elinguBhenami;  yena nguyise wonyana baka-Amon unanamhla.
+01O	20	1	Ke kaloku uAbraham wanduluka apho, waya ezweni lasezantsi,  wahlala phakathi kweKadeshe neShure, waphambukela eGerare.
+01O	20	2	Wathi uAbraham ngoSara umkakhe, Ngudade wethu. UAbhimeleki ukumkani waseGerare wathuma, wamthabatha uSara.
+01O	20	3	Weza uThixo kuAbhimeleki ngephupha ebusuku, wathi kuye,  Uyabona, ufile ngenxa yomfazi omthabathileyo; ngumkamntu.
+01O	20	4	Ke uAbhimeleki ubengasondelanga kuye; wathi, Nkosi,  nolunobulungisa uhlanga wolubulala, yini na?
+01O	20	5	Akatshongo na yena kum ukuthi, Ngudade wethu, naye ngokwakhe wathi, Ngumnakwethu? Le nto ndiyenze ngentliziyo yam igqibelele, nangezandla zam zimsulwa.
+01O	20	6	Wathi uThixo kuye ngephupha, Nam ndiyazi ukuba uyenze le nto ngentliziyo yakho igqibelele. Ndakunqanda nam, ukuba ungoni kum; ngenxa yoko andikuvumelanga ukuba umchukumise.
+01O	20	7	Ngoko mbuyise umfazi wale ndoda, ngokuba ingumprofeti;  yokuthandazela ukuba uphile; ukuba uthe akwambuyisa, yazi ukuba uya kufa, wena nabo bonke onabo.
+01O	20	8	Wavuka kwakusasa uAbhimeleki, wababiza bonke abakhonzi bakhe, wawathetha onke la mazwi ezindlebeni zabo. Oyika kakhulu loo madoda.
+01O	20	9	UAbhimeleki wambiza uAbraham, wathi kuye, Yintoni na le nto uyenzileyo kuthi? Ndikone ngantoni na, ukuba mna nobukumkani bam isono esingaka? Wenze kum izenzo ezingezakwenziwa.
+01O	20	10	Wathi uAbhimeleki kuAbraham, Ubone ntoni na, ukuba uyenze le nto?
+01O	20	11	Wathi uAbraham, Ndithe, akukho kanye ukoyika uThixo kule ndawo; baya kundibulala ngenxa yomkam.
+01O	20	12	Okwenene ngudade wethu; yintombi kabawo, kodwa akantombi kama, waba ngumkam ke.
+01O	20	13	Kwathi, uThixo akundiphambukisa, andikhuphe endlwini kabawo, ndathi kuye, Nantsi inceba owondenzela yona: ezindaweni zonke esofika kuzo, uze uthi ngam, Ngumnakwethu.
+01O	20	14	UAbhimeleki wathabatha impahla emfutshane, neenkomo,  nabakhonzi, nabakhonzazana, wanika uAbraham; wambuyisela uSara umkakhe kuye.
+01O	20	15	Wathi uAbhimeleki, Nali ilizwe lam, liphambi kwakho; hlala apho kulungileyo emehlweni akho.
+01O	20	16	Wathi kuSara, Yabona, umnakwenu ndimnike iwaka lesilivere;  yabona, sisigqubuthelo samehlo kuwe, ngokusingisele kubo bonke aba nawe; naphakathi kwabo bonke ugwetyelwe.
+01O	20	17	Wathandaza uAbraham kuThixo; uThixo wamphilisa uAbhimeleki, nomkakhe, nabakhonzazana bakhe, bazala.
+01O	20	18	Ngokuba uYehova ubezivingcile kanye, zonke izizalo endlwini ka-Abhimeleki, ngenxa kaSara, umka-Abraham.
+01O	21	1	Ke kaloku uYehova wamvelela uSara njengoko ebetshilo;  uYehova wamenzela uSara njengoko abekuthethile.
+01O	21	2	Wamitha ke uSara, wamzalela uAbraham unyana ekwaluphaleni kwakhe, ngexesha elimisiweyo abelithethile uThixo kuye.
+01O	21	3	UAbraham wamthiya loo nyana wakho abemzalelwe, awamzalayo uSara, igama elinguIsake.
+01O	21	4	UAbraham wamalusa uIsake unyana wakhe, akuba ntsuku zisibhozo ezelwe, njengoko uThixo abemwisele umthetho.
+01O	21	5	UAbraham ube eminyaka ilikhulu, ukuzalelwa kwakhe uIsake unyana wakhe.
+01O	21	6	Wathi uSara, Undihlekisile uThixo; bonke abakuvayo oku baya kuhleka nam.
+01O	21	7	Wathi, Ngubani na obengatsholo kuAbraham ukuthi, uSara wanyisa abantwana? Ngokuba ndimzalele unyana ekwaluphaleni kwakhe.
+01O	21	8	Wakhula umntwana, walunyulwa; uAbraham wenza isidlo esikhulu mhlana walunyulwayo uIsake.
+01O	21	9	USara wambona unyana kaHagare umYiputazana, awamzalela uAbraham, ehlekisa.
+01O	21	10	Wathi kuAbraham, Mgxothe umkhonzazana nonyana wakhe; kuba unyana walo mkhonzazana akayi kulidla ilifa ndawonye nonyana wam uIsake.
+01O	21	11	Lalibi kunene elo zwi emehlweni ka-Abraham ngenxa yonyana wakhe.
+01O	21	12	Wathi uThixo kuAbraham, Malingabi libi emehlweni akho ngenxa yenkwenkwe, nangenxa yomkhonzazana wakho. Entweni yonke ayithethileyo uSara kuwe, phulaphula izwi lakhe, ngokuba iya kuba ngoIsake lo imbewu kuwe.
+01O	21	13	Kananjalo unyana womkhonzazana ndiya kumenza uhlanga,  ngokuba eyimbewu yakho.
+01O	21	14	Wavuka kusasa uAbraham, wathabatha isonka nentsuba yamanzi, wanika uHagare, ebeka emagxeni akhe, nenkwenkwe,  wamndulula. Wemka ke, wandwendwela entlango yaseBher-shebha.
+01O	21	15	Aphela amanzi entsubeni, wayiphosa inkwenkwe phantsi kwetyholo.
+01O	21	16	Waya wahlala phantsi malunga nayo, umgama ongangowokutola ngotolo; kuba wathi, Mandingakuboni ukufa kwenkwenkwe. Wahlala phantsi malunga nayo ke, waphakamisa izwi lakhe, walila.
+01O	21	17	Waliva uThixo ilizwi lenkwenkwe. Samemeza isithunywa sikaThixo kuHagare sisemazulwini, sathi kuye, Unantoni na,  Hagare? Musa ukoyika, ngokuba uThixo ulivile ilizwi lenkwenkwe apho ikhona.
+01O	21	18	Suka ume, uyithabathe inkwenkwe, uyibambe ngesandla; kuba ndiya kuyenza uhlanga olukhulu.
+01O	21	19	UThixo wawavula amehlo akhe, wabona iqula lamanzi; waya wayizalisa intsuba ngamanzi, wayiseza inkwenkwe.
+01O	21	20	UThixo waba nenkwenkwe leyo; yakhula, yahlala entlango,  yaba yintoli yakukhula, yahlala entlango yaseParan;
+01O	21	21	unina wayithabathela umfazi ezweni laseYiputa.
+01O	21	22	Kwathi ngelo xesha, wathetha uAbhimeleki, noFikolo umthetheli womkhosi wakhe, kuAbraham, esithi, UThixo unawe entweni yonke osukuba uyenza.
+01O	21	23	Ngoko ndifungele uThixo apha, ukuba akuyi kundixokisa mna,  noonyana bam, nenzalo yam; wothi ngokwenceba endiyenzileyo kuwe, wenze kum, nakwilizwe ophambukele kulo.
+01O	21	24	Wathi uAbraham, Mna ndofunga.
+01O	21	25	UAbraham wamohlwaya uAbhimeleki ngenxa yequla lamanzi elalihluthwe ngabakhonzi baka-Abhimeleki.
+01O	21	26	Wathi uAbhimeleki, Bendingazi ukuba yenziwe ngubani na le nto; nawe ube ungandixelelanga; nam bendingayivanga, ndiyiva namhla.
+01O	21	27	UAbraham wathabatha impahla emfutshane, neenkomo, wanika uAbhimeleki, benza umnqophiso bobabini.
+01O	21	28	UAbraham wamisa amathokazi ezimvu asixhenxe omhlambi, aba wodwa.
+01O	21	29	Wathi uAbhimeleki kuAbraham, Ayintoni na la mathokazi ezimvu asixhenxe uwamisileyo odwa?
+01O	21	30	Wathi, La mathokazi ezimvu asixhenxe wowathabatha esandleni sam, abe bubungqina bam bokuba ndilimbile eli qula.
+01O	21	31	Ngenxa yoko kwathiwa loo ndawo yiBher-shebha; ngokuba kulapho bafungayo bobabini.
+01O	21	32	Benza ke umnqophiso eBher-shebha. Wesuka uAbhimeleki,  noFikolo umthetheli womkhosi wakhe, babuyela ezweni lamaFilisti.
+01O	21	33	UAbraham watyala umtamariske eBher-shebha, walinqula khona igama likaYehova uThixo ongunaphakade.
+01O	21	34	UAbraham waye engumphambukeli ezweni lamaFilisti imihla emininzi.
+01O	22	1	Kwathi emveni kwezo nto, uThixo wamvavanya uAbraham, wathi kuye, Abraham; wathi yena, Ndilapha.
+01O	22	2	Wathi, Khawuthabathe unyana wakho, emnye kuwe, omthandayo,  uIsake, uhambe uye ezweni laseMoriya, umnyuse khona abe lidini elinyukayo phezu kwentaba endokuxelela yona.
+01O	22	3	Wavuka uAbraham kusasa, walibopha iesile lakhe, wathabatha amabini kumadodana akhe, noIsake unyana wakhe, wacanda iinkuni zedini elinyukayo, wesuka waya endaweni abemxelele yona uThixo.
+01O	22	4	Ngomhla wesithathu uAbraham wawaphakamisa amehlo akhe,  wayibona loo ndawo ikude.
+01O	22	5	Wathi uAbraham kumadodana akhe, Hlalani nina apha ne-esile;  mna nomfana lo soya phaya, sinqule, sibuye size kuni.
+01O	22	6	Wazithabatha uAbraham iinkuni zedini elinyukayo, wazibeka phezu koIsake unyana wakhe, waphatha umlilo ngesandla,  nesitshetshe, bahamba bobabini ndawonye.
+01O	22	7	Watsho uIsake kuAbraham uyise ukuthi, Bawo. Wathi yena,  Ndilapha, nyana wam. Wathi, Nangu umlilo neenkuni; iphi na ke imvu yedini elinyukayo?
+01O	22	8	Wathi uAbraham, UThixo wozibonela imvu yedini elinyukayo,  nyana wam. Bahamba bobabini ndawonye.
+01O	22	9	Bafika endaweni abemxelele yona uThixo, wakha khona uAbraham isibingelelo, wazicwangcisa iinkuni, wambopha uIsake unyana wakhe, wambeka esibingelelweni phezu kweenkuni.
+01O	22	10	Wasolula uAbraham isandla sakhe, wathabatha isitshetshe,  ukuba amsike unyana wakhe.
+01O	22	11	Samemeza kuye isithunywa sikaYehova sisemazulwini, sathi,  Abraham, Abraham.
+01O	22	12	Wathi, Ndilapha. Sathi, Musa ukusisa isandla sakho kumfana, musa ukumenza nto, kuba ndiyazi ngoku ukuba uyamoyika uThixo; akunqabanga nonyana akho kum, emnye kuwe.
+01O	22	13	UAbraham waphakamisa amehlo akhe, wakhangela, nantso inkunzi yegusha ngasemva, ibambeke ngeempondo etyholweni; waya uAbraham, wayithabatha inkunzi yegusha, wayinyusa ukuba ibe lidini elinyukayo esikhundleni sonyana wakhe.
+01O	22	14	UAbraham wathi igama laloo ndawo linguYehova ozibonelayo ekuthiwa nanamhla, Entabeni abonakala kuyo uYehova.
+01O	22	15	Samemeza isithunywa sikaYehova kuAbraham okwesibini sisemazulwini sathi,
+01O	22	16	Ndizifungile, utsho uYehova, ngenxa enokuba uyenzile le nto, akwanqaba nonyana wakho, emnye kuwe:
+01O	22	17	ukuba ndiya kukusikelela ndikusikelele; ndiya kuyandisa ndiyandise imbewu yakho njengeenkwenkwezi zezulu,  nanjengentlabathi eselunxwemeni lolwandle; imbewu yakho ilidle ilifa isango leentshaba zayo;
+01O	22	18	zisikelelwe ngembewu yakho zonke untlanga zehlabathi,  ngenxa enokuba uliphulaphule ilizwi lam.
+01O	22	19	Wabuyela uAbraham kumadodana akhe, besuka baya bendawonye eBher-shebha, wahlala uAbraham eBher-shebha.
+01O	22	20	Kwathi emva kwezi zinto, kwaxelwa kuAbraham kwathiwa,  Yabona, uMilka ukwazele naye kuNahore, umninawa wakho,  abantwana:
+01O	22	21	u-Utse owamazibulo akhe, noBhuzi umninawa wakhe,  noKemuweli uyise ka-Aram,
+01O	22	22	noKesede, noHazo, noPildashe, noYidelafu, noBhetuweli
+01O	22	23	(uBhetuweli ke wazala uRebheka); abo bosibhozo uMilka wamzalela uNahore, umninawa ka-Abraham.
+01O	22	24	Ishweshwe lakhe, eligama linguRehuma, lazala nalo uTebha,  noGaham, noTahashe, noMahaka.
+01O	23	1	Ke kaloku ukudla ubomi kukaSara kwaba yiminyaka elikhulu elinamanci mabini aneminyaka esixhenxe; yiyo iminyaka yokudla ubomi kukaSara.
+01O	23	2	Wafa ke uSara eKiriyati ka-Arbha, eyiHebron, ezweni lakwaKanan. UAbraham waya kumbambazelela uSara nokumlilela.
+01O	23	3	Wesuka uAbraham ebusweni bomfikazi lowo,
+01O	23	4	wathetha koonyana bakaHeti, esithi, Ndingumphambukeli,  ndilundwendwe kuni; ndinikeni ndibe nendawo yam yokungcwaba phakathi kwenu, ukuze ndimngcwabe umfikazi, angabikho phambi kwam.
+01O	23	5	Bamphendula uAbraham oonyana bakaHeti, bathi kuye, Sive,  nkosi yam!
+01O	23	6	Usisikhulu sakwaThixo phakathi kwethu; kwelona linyulekayo kumangcwaba ethu, mngcwabe umfikazi lowo; akukho bani kuthi uya kwala nengcwaba lakhe, ukuba ungamngcwabi umfikazi lowo.
+01O	23	7	Wesuka uAbraham, waqubuda kubantu belizwe elo, koonyana bakaHeti abo.
+01O	23	8	Wathetha nabo esithi, Ukuba kusemphefumlweni wenu, ukuba ndimngcwabe umfikazi, angabikho phambi kwam, ndiveni,  nindibongozele kuEfron, unyana kaTsohare,
+01O	23	9	ukuba andinike umqolomba waseMakapela, lowo anawo,  osekupheleni kwentsimi yakhe, andinike wona ngemali ezalisekileyo; ube yindawo yam yokungcwaba phakathi kwenu.
+01O	23	10	UEfron wayehleli phakathi koonyana bakaHeti; uEfron umHeti wamphendula uAbraham ezindlebeni zoonyana bakaHeti, zabo bonke abangenayo ngesango lomzi wakhe, esithi, Hayi, nkosi yam,  ndive!
+01O	23	11	Intsimi leyo ndiyakunika, nomqolomba okuyo ndiyakunika;  emehlweni oonyana babantu bakowethu ndiyakunika; ngcwaba umfikizi loo.
+01O	23	12	Waqubuda uAbraham phambi kwabantu belizwe elo.
+01O	23	13	Wathetha kuEfron ezindlebeni zabantu belizwe elo, wathi,  Wanga ungandiva; ndikunika imali ngentsimi; yithabathe kum,  ndingcwabe umfikazi khona.
+01O	23	14	UEfron wamphendula uAbraham, wathi kuye,
+01O	23	15	Nkosi yam, ndive! Umhlaba ngoweeshekele zesilivere ezimakhulu mane. Yintoni na loo nto phakathi kwam nawe? Ngcwaba ke umfikazi lowo.
+01O	23	16	UAbraham wamphulaphula uEfron; uAbraham wamlinganisela uEfron isilivere leyo, abethethe ngayo ezindlebeni zoonyana bakaHeti, amakhulu omane eeshekele zesilivere evunywayo ngumrhwebi.
+01O	23	17	Yaqiniseka ke intsimi kaEfron eseMakapela ephambi kowakwaMamre, intsimi leyo nomqolomba okuyo, nemithi yonke esentsimini, ekuyo yonke imilimandlela ngeenxa zonke.
+01O	23	18	Yaba yinzuzo kuAbraham emehlweni oonyana bakaHeti, kubo bonke abangenayo ngesango lomzi wakhe.
+01O	23	19	Emveni koko uAbraham wamngcwaba uSara umkakhe emqolombeni wentsimi yaseMakapela phambi kowakwaMamre, kowaseHebron leyo,  ezweni lakwaKanan.
+01O	23	20	Yaqiniseka ke intsimi leyo nomqolomba okuyo kuAbraham,  ukuze abe nendawo yakhe yokungcwaba, ngoonyana bakaHeti.
+01O	24	1	Ke kaloku uAbraham ebaluphele, eselekhulile ebudaleni;  uYehova waye emsikelele ke uAbraham ezintweni zonke.
+01O	24	2	Wathi uAbraham kumkhonzi wakhe, oyena mkhulu endlwini yakhe, obelawula zonke izinto abenazo, Khawubeke isandla sakho phantsi kwethanga lam,
+01O	24	3	ndikufungise uYehova uThixo wamazulu, uThixo wehlabathi,  ukuba akuyi kumzekela unyana wam umfazi ezintombini zamaKanan,  endihleli phakathi kwawo;
+01O	24	4	ukuba woya ezweni lakowethu, nakwelokuzalwa kwam, umzekele unyana wam uIsake umfazi.
+01O	24	5	Wathi umkhonzi kuye, Hi ke, ayavuma inkazana ukundilandela ukuza kweli lizwe, ndombuyisela na unyana wakho kwelo zwe waphuma kulo wena?
+01O	24	6	Wathi uAbraham kuye, Zilumkele ungambuyiseli unyana wam khona.
+01O	24	7	UYehova, uThixo wamazulu, owandithabathayo endlwini kabawo,  ezweni lokuzalwa kwam, owathethayo kum, owandifungelayo esithi,  Imbewu yakho ndiya kuyinika eli lizwe, yena wosithuma isithunywa sakhe phambi kwakho, umzekele umfazi unyana wam khona.
+01O	24	8	Ukuba ke inkazana leyo ithe ayavuma ukukulandela, woba ukhululekile kwesi sifungo sam; kodwa uze ungambuyiseli unyana wam khona.
+01O	24	9	Wasibeka umkhonzi isandla sakhe ngaphantsi kwethanga lika-Abraham inkosi yakhe, wamfungela loo nto.
+01O	24	10	Umkhonzi wathabatha unkamela ezilishumi kwunkamela zenkosi yakhe, wemka enezinto zonke ezilungileyo zenkosi yakhe esandleni sakhe, wesuka waya kwa-Aram, phakathi kweMilambo,  emzini kaNahore.
+01O	24	11	Waziguqisa iinkamela ngaphandle komzi, ngasequleni lamanzi, ngexa langokuhlwa, ngexa lokuphuma kwabakhi bamanzi.
+01O	24	12	Wathi, Yehova, Thixo wenkosi yam uAbraham,  mawundithamsanqele namhla, uyenzele inkosi yam uAbraham inceba.
+01O	24	13	Yabona, ndimi ngasemthonjeni wamanzi; untombi zabantu balo mzi ziyaphuma, ziza kukha amanzi.
+01O	24	14	Ke intombi endothi kuyo, Khawuthobe umphanda wakho ndisele; ize ithi, Sela, neenkamela zakho ndoziseza nazo:  mayibe yiyo oyimisele umkhonzi wakho uIsake; ndazi mna ngoko,  ukuba uyenzele inkosi yam inceba.
+01O	24	15	Kwathi, ingekagqibi ukuthetha, gqi uRebheka esiza, lowo wazalwayo nguBhetuweli, unyana kaMilka, umkaNahore, umninawa ka-Abraham, enomphanda wakhe egxalabeni lakhe.
+01O	24	16	Intombi leyo ibe intle kunene imbonakalo, intombi eyintombi, engaziwanga ndoda; yehla, yeza emthonjeni,  yawuzalisa umphanda wayo, yenyuka.
+01O	24	17	Wagidima umkhonzi waya kuyikhawulela, wathi, Ndiphe ndisele intwana yamanzi emphandeni wakho.
+01O	24	18	Yathi, Sela, nkosi yam. Yakhawuleza, yawuhlisela esandleni umphanda wayo, yamseza.
+01O	24	19	Yakugqiba ukumseza, yathi, Neenkamela zakho ndiya kuzikhelela, zide zigqibe ukusela.
+01O	24	20	Yakhawuleza, yawugalela umphanda wayo emkhombeni wokuseza,  yagidima yaya kukha futhi equleni, yazikhelela zonke unkamela zakhe.
+01O	24	21	Indoda leyo yee nqa yiyo, ithe cwaka, ukuze yazi ukuba uYehova uyiphumelelisile indlela yayo, akayiphumelelisanga,  kusini na.
+01O	24	22	Kwathi, iinkamela zigqibile ukusela, indoda leyo yathabatha ijikazi lempumlo legolide, elisisiqingatha seshekele ubunzima balo, nezacholo zozibini zokufakwa ezandleni,  eziziishekele ezilishumi zegolide ubunzima bazo; yathi,  Uyintombi kabani na wena?
+01O	24	23	Khawundixelele; kukho ndawo na yokulala endlwini kayihlo?
+01O	24	24	Yathi kuye, Ndiyintombi kaBhetuweli, unyana kaMika,  awamzalela uNahore.
+01O	24	25	Yathi kuye, Sinawo umququ kwaneendiza ezaneleyo, nendawo yokulala.
+01O	24	26	Yathoba indoda leyo, yaqubuda kuYehova.
+01O	24	27	Yathi, Makabongwe uYehova, uThixo wenkosi yam uAbraham,  ongayiyekelelanga inceba yakhe nenyaniso yakhe, imke enkosini yam: uthe ndisendleleni, uYehova wandikhokelela endlwini yabazalwana benkosi yam.
+01O	24	28	Yakhawuleza intombi leyo, yaxelela indlu kanina ngokwala mazwi.
+01O	24	29	URebheka waye enomnakwabo, ogama linguLabhan waya endodeni leyo ngaphandle emthonjeni.
+01O	24	30	Ke kwathi, akulibona ijikazi lempumlo, nezacholo ezandleni zodade wabo, wathi, akuweva amazwi kaRebheka udade wabo,  esithi, Yenjenje indoda le ukuthetha kum: waya kuyo indoda,  nantso imi ngasezinkameleni ngasemthonjeni.
+01O	24	31	Wathi, Yiza, wena usikelelweyo nguYehova; umeleni na ngaphandle? Mna ndiyilungisile indlu nendawo yeenkamela.
+01O	24	32	Yangena indoda leyo endlwini, wazikhulula iinkamela zayo;  iinkamela wazinika umququ neendiza, wayinika amanzi okuhlamba iinyawo zayo, neenyawo zamadoda abenayo.
+01O	24	33	Kwabekwa ukudla phambi kwayo. Yathi yona, Andiyi kudla,  ndide ndilithethe ilizwi lam. Wathi, Thetha.
+01O	24	34	Yathi, Ndingumkhonzi ka-Abraham.
+01O	24	35	UYehova uyisikelele kunene inkosi yam; wayikhulisa,  wayinika imphahla emfutshane, neenkomo, nesilivere, negolide,  nabakhonzi, nabakhonzazana, neenkamela, namaesile.
+01O	24	36	Ke uSara, umfazi wankosi yam, wayizalela inkosi yam unyana, emveni kokuba iseyaluphele. Imnike zonke izinto enazo.
+01O	24	37	Yandifungisa ke inkosi yam, isithi, Unyana wam uze ungamzekeli umfazi ezintombini zamaKanan, endihleli ezweni lawo mna.
+01O	24	38	Suka uye endlwini kabawo emizalwaneni yakowethu, umzekele unyana wam umfazi.
+01O	24	39	Ndathi enkosini yam, Hi ke ayandilandela inkazana leyo?
+01O	24	40	Yathi kum, UYehova, endihamba phambi kwakhe, wosithuma isithunywa sakhe siye nawe, ayenze ibe nempumelelo indlela yakho, umzekele unyana wam umfazi emizalwaneni yakowethu,  nasendlwini kabawo;
+01O	24	41	wandule ukuba msulwa esifungweni sam xa ufikileyo emizalwaneni yakowethu; ukuba abathanga bakunike, woba msulwa esifungweni sam.
+01O	24	42	Ndifikile ke namhlanje emthonjeni, ndathi, Yehova, Thixo wenkosi yam uAbraham, ukuba kaloku uyenze yanempumelelo indlela yam endihamba ngayo,
+01O	24	43	yabona, ndimi ngasemthonjeni wamanzi; ke intombi ephuma isiza kukha, ndithi kuyo, Khawundiphe ndisele intwana yamanzi emphandeni wakho;
+01O	24	44	ithi kum, Sela wena, neenkamela zakho ndozikhelela nazo:  mayibe yiyo engumfazi uYehova ammiseleyo unyana wenkosi yam.
+01O	24	45	Ndingekagqibi mna ukuthetha entliziyweni yam, gqi uRebheka, esiza enomphanda egxalabeni lakhe, wehla waya emthonjeni, wakha; ndathi kuye, Khawundiphe ndisele.
+01O	24	46	Wakhawuleza, wawuhlisa umphanda wakhe kuye, wathi, Sela,  neenkamela zakho ndoziseza. Ndasela ke, waziseza neenkamela.
+01O	24	47	Ndambuza ndathi, Uyintombi kabani na? Wathi, Ndiyintombi kaBhetuweli, unyana kaNahore, lowo wamzalelwa nguMilka.  Ndamfaka ke ijikazi lempumlo ethatheni lakhe, nezacholo ezandleni zakhe.
+01O	24	48	Ndathoba, ndamnqula uYehova, ndambonga uYehova, uThixo wenkosi yam uAbraham, ondikhokeleyo endleleni eyinyaniso, ukuba ndimzekele unyana wakhe intombi yomzalwana wenkosi yam.
+01O	24	49	Ngoku ke, ukuba niyayenzela inceba nenyaniso inkosi yam,  ndixeleleni; ukuba anenjenjalo, ndixeleleni; ukuze ndibheke ekunene, nokuba kusekhohlo.
+01O	24	50	Waphendula uLabhan noBhetuweli, bathi, Le nto iphuma kuYehova; asinakuthetha nto kuwe, nokuba yembi nokuba yelungileyo.
+01O	24	51	Nanko uRebheka phambi kwakho. Mthabathe, uhambe, abe ngumfazi wonyana wenkosi yakho, njengoko akuthethileyo uYehova.
+01O	24	52	Kwathi, akuweva umkhonzi ka-Abraham amazwi abo, waqubuda emhlabeni kuYehova.
+01O	24	53	Umkhonzi wavelisa impahla yesilivere, nempahla yegolide,  nezambatho, wanika uRebheka; wanika umnakwabo nonina izinto ezinconywayo.
+01O	24	54	Badla, basela, yena namadoda abenaye, balala, bavuka kusasa, wathi, Ndindululeni ndiye enkosini yam.
+01O	24	55	Wathi umnakwabo nonina, Makhe ihlale intombi nathi iintsuku nokuba zilishumi, ihambe ke emveni koko.
+01O	24	56	Wathi kubo, Musani ukundibambezela; uYehova uyenze yanempumelelo indlela yam; ndindululeni ndiye enkosini yam.
+01O	24	57	Bathi, Masiyibize intombi, sive ngomlomo wayo.
+01O	24	58	Bambiza uRebheka, bathi kuye, Uya kuhamba na nale ndoda?  Wathi, Ndohamba.
+01O	24	59	Bamndulula ke uRebheka udade wabo, nomanyisikazi wakhe,  nomkhonzi ka-Abraham, namadoda abenaye.
+01O	24	60	Bamsikelela uRebheka, bathi kuye, Ungudade wethu; yiba ngamawaka-waka, imbewu yakho ilidle ilifa isango labo bayithiyayo.
+01O	24	61	Wesuka uRebheka nomthinjana wakhe, bakhwela ezinkameleni,  balandela emva kwendoda leyo. Umkhonzi wamthabatha ke uRebheka,  wemka.
+01O	24	62	Ke kaloku uIsake weza ngendlela evela equleni likaPhila-ebonile; kuba ebemi ezweni lasezantsi.
+01O	24	63	Waphuma uIsake, waya kucamngca entsimini, xa kuhlwayo;  wawaphakamisa amehlo akhe, wabona nanzo iinkamela zisiza.
+01O	24	64	URebheka wawaphakamisa amehlo akhe, wambona uIsake,  waziphosa phantsi, wehla enkameleni.
+01O	24	65	Wathi kumkhonzi, Ngubani na laa mfo uhambayo entsimini,  esiza kusikhawulela? Wathi umkhonzi, Yinkosi yam. Wathabatha ke isigqubuthelo, wazigqubuthela.
+01O	24	66	Umkhonzi wamxelela uIsake izinto zonke abezenzile.
+01O	24	67	UIsake wamsa ententeni kaSara unina, wamzeka uRebheka,  waba ngumkakhe; wamthanda. UIsake wathuthuzeleka ke ngenxa yonina.
+01O	25	1	Wabuya uAbraham wazeka umfazi; igama lakhe lalinguKetura.
+01O	25	2	Wamzalela uZimran, noYokeshan, noMedan, noMidiyan,  noIshibhaki, noShuwa.
+01O	25	3	UYokeshan wazala uShebha noDedan; oonyana bakaDedan bebengama-Asiriya, namaLetushi, namaLehum.
+01O	25	4	Oonyana bakaMidiyan nguEfa, noEfere, noEnoki, noAbhida,  noElidaha. Bonke abo ngoonyana bakaKetura.
+01O	25	5	UAbraham wazinika uIsake zonke izinto abenazo.
+01O	25	6	Ke oonyana bamashweshwe, abenawo uAbraham, wabanika izipho uAbraham; wabandulula, bemka kuIsake unyana wakhe, esekho,  basinga empumalanga, ezweni lasempumalanga.
+01O	25	7	Yiyo le imihla yeminyaka yokudla ubomi kuka-Abraham awayidlayo; yiminyaka elikhulu elinamanci asixhenxe aneminyaka emihlanu.
+01O	25	8	UAbraham waphuma umphefumlo, wafa, eyingwevu enkulu,  aluphele, ephele ebudaleni; wahlanganiselwa kwabakowabo.
+01O	25	9	OoIsake noIshmayeli, oonyana bakhe, bamngcwaba emqolombeni waseMakapela, entsimini kaEfron unyana kaTsohare, umHeti,  phambi kowakwaMamre,
+01O	25	10	entsimini leyo wayithengayo uAbraham kooyana bakaHeti.  Ungcwatyelwe khona uAbraham, noSara umkakhe.
+01O	25	11	Kwathi, emveni kokufa kuka-Abraham, uThixo wamsikelela uIsake unyana wakhe; uIsake wahlala ngasequleni likaPhila-ebonile.
+01O	25	12	Yiyo le ke inzala kaIshmayeli, unyana ka-Abraham, awathi uHagare umYiputazana, umkhonzazana kaSara, wamzalela uAbraham.
+01O	25	13	Ngawo la amagama oonyana bakaIshmayeli, ngamagama abo ngokwenzala yabo: owamazibulo kaIshmayeli nguNebhayoti,  noKedare, noAdebhele, noMibhesam,
+01O	25	14	noMishma, noDuma, noMasa;
+01O	25	15	uHadade, noTema, noYeture, noNafishi, noKedema.
+01O	25	16	Ngabo abo oonyana bakaIshmayeli, ngawo lawo amagama abo ngemizi yabo, nangeengqili zabo, izikulu ezilishumi elinazibini ngokwezizwe zazo.
+01O	25	17	Yiyo le iminyaka yokudla ubomi kukaIshmayeli: iminyaka elikhulu elinamanci mathathu, aneminyaka esixhenxe. Waphuma umphefumlo, wafa, wahlanganiselwa kwabakowabo.
+01O	25	18	Bema bethabathela eHavila besa eShure, phambi kweYiputa,  ukusinga kwelakwa-Asiriya. Wazihlalisa ebusweni babo bonke abazalwana bakhe.
+01O	25	19	Yiyo le ke inzala kaIsake, unyana ka-Abraham. UAbraham wazala uIsake.
+01O	25	20	UIsake waye eminyaka ingamashumi omane ezelwe, ukuzeka kwakhe uRebheka, intombi kaBhetuweli, umAram wasePadan-aram,  udade boLabhan umAram, ukuba abe ngumkakhe.
+01O	25	21	Wathandaza uIsake kuYehova mayela nomkakhe, ngokuba ebengazali. Wathandazeka uYehova, wamitha uRebheka umkakhe.
+01O	25	22	Batyahalana abantwana embilini wakhe, wathi, Ukuba unjalo,  yini na ukuba ndibe nje? Waya kubuza kuYehova.
+01O	25	23	Wathi uYehova kuye, Zimbini iintlanga esizalweni sakho;  Kuya kwahluka zizwe zibini esiswini sakho, Esinye somelele ngaphezu kwesinye; Omkhulu uya kukhonza omnci.
+01O	25	24	Yazaliseka ke imihla yakhe yokuzala, nanko, ingamawele esizalweni sakhe.
+01O	25	25	Laphuma elokuqala lingqombela, lonke liphela njengengubo exhonti; balithiya igama elinguEsawu.
+01O	25	26	Emveni koko kwaphuma umninawa walo, isandla sakhe sibambe isithende sikaEsawu, wamthiya igama elinguYakobi. UIsake wayeminyaka imashumi mathandathu ezelwe, ukuzalwa kwabo.
+01O	25	27	Akhula ke amakhwenkwe; uEsawu waba lizingela, indoda yasendle; uYakobi waba yindoda egqibeleleyo, ihleli ezintenteni.
+01O	25	28	UIsake wathanda uEsawu, ngokuba inyamakazi ibimnandi emlonyeni wakhe; ke yena uRebheka wathanda uYakobi.
+01O	25	29	UYakobi wayepheke ukudla; wafika uEsawu evela ezindle,  etyhafile.
+01O	25	30	Wathi uEsawu kuYakobi, Khawundiphe ndiginye kwinto engqombela, loo nto ingqombela, kuba ndityhafile; ngenxa yoko kwathiwa igama lakhe nguEdom.
+01O	25	31	Wathi uYakobi, Thengisa namhlanje ngobuzibulo bakho kum.
+01O	25	32	Wathi uEsawu, Yabona, ndiza kufa; buyintoni na kum ubuzibulo?
+01O	25	33	Wathi uYakobi, Ndifungele namhlanje. Wamfungela;  wathengisa ke ngobuzibulo bakhe kuYakobi.
+01O	25	34	UYakobi wamnika uEsawu isonka neentlumayo eziphekiweyo;  wadla, wasela, wesuka wemka; wabudela ke uEsawu ubuzibulo bakhe.
+01O	26	1	Kwabakho indlala ezweni, ngaphandle kweyokuqala indlala,  eyayikho ngemihla ka-Abraham; waya uIsake kuAbhimeleki,  ukumkani wamaFilisti, eGerare.
+01O	26	2	UYehova wabonakala kuye, wathi, Musa ukuhla uye eYiputa;  ima ezweni endiya kukuxelela lona.
+01O	26	3	Phambukela kweli zwe. Ndoba nawe, ndikusikelele; kuba ndiya kuwanika wena nembewu yakho onke la mazwe, ndisimise isifungo endasifungayo kuAbraham uyihlo;
+01O	26	4	ndiyandise imbewu yakho njengeenkwenkwezi zezulu, ndiyinike imbewu yakho onke la mazwe, zisikelelwe ngembewu yakho zonke iintlanga zehlabathi;
+01O	26	5	ngenxa enokuba uAbraham waliphulaphulayo izwi lam,  wasigcina isigxina sam, nemithetho yam, nemimiselo yam,  nemiyalelo yam.
+01O	26	6	Wahlala uIsake eGerare.
+01O	26	7	Abuza amadoda aloo ndawo ngomkakhe. Wathi, Ngudade wethu;  kuba ebesoyika ukuthi, Ngumkam; hleze ambulale amadoda ale ndawo ngenxa kaRebheka, ngokuba ebemhle imbonakalo.
+01O	26	8	Kwathi, akubon’ ukuba ulibele umzuzu khona, wondela uAbhimeleki, ukumkani wamaFilisti, ngefestile; wakhangela,  nanko, uIsake edlala noRebheka umkakhe.
+01O	26	9	UAbhimeleki wambiza uIsake, wathi, Yabona, inene ngumkakho lo; ungathini na ukuthi, Ngudade wethu? Wathi uIsake kuye,  Bendisithi, hleze ndife ngenxa yakhe.
+01O	26	10	Wathi uAbhimeleki, Yini na ukuba wenze le nto kuthi?  Othile ebantwini ebengathi alale nomkakho, ube usizisele ityala.
+01O	26	11	UAbhimeleki wawisela bonke abantu umthetho wokuthi, Lowo uyichukumisayo le ndoda nomkayo wobulawa afe.
+01O	26	12	UIsake wahlwayela kwelo zwe, wazuza ngaloo mnyaka imilinganiso elikhulu; uYehova wamsikelela.
+01O	26	13	Yaba nkulu indoda leyo, yaya ikhula ngokukhula, yada yaba nkulu kunene.
+01O	26	14	Yaba nemfuyo yempahla emfutshane, nemfuyo yeenkomo,  nabakhonzi abaninzi; ayimonela amaFilisti.
+01O	26	15	Onke amaqula, ababewambile abakhonzi bakayise ngemihla ka-Abraham uyise, awavingca amaFilisti, awadibelela ngomhlaba.
+01O	26	16	Wathi uAbhimeleki kuIsake, Mka kuthi, ngokuba usuke waba namandla amakhulu kunathi.
+01O	26	17	UIsake wemka ke apho, wamisa iintente esihlanjeni saseGerare, wahlala khona.
+01O	26	18	Wabuya uIsake wawamba amaqula amanzi, ababewambile ngemihla ka-Abraham uyise, abevingciwe ngamaFilisti emveni kokufa kuka-Abraham; wawabiza ngamagama abewabize ngawo uyise.
+01O	26	19	Bemba abakhonzi bakaIsake esihlanjeni eso, bafumana khona iqula lamanzi aphilileyo.
+01O	26	20	Abalusi baseGerare babambana nabalusi bakaIsake, besithi,  Ngawethu la manzi; wathi igama lequla elo yiEseke, kuba babezamana naye.
+01O	26	21	Bemba elinye iqula, babambana nangalo, wathi igama lalo yiSitena.
+01O	26	22	Wesuka khona wemba elinye iqula; ababambananga ngalo,  wathi igama lalo yiRehobhoti. Wathi, Inene, ngoku uYehova usenzele indawo ebanzi, ukuze siqhame ezweni apha.
+01O	26	23	Wenyuka wemka khona, waya eBher-shebha.
+01O	26	24	UYehova wabonakala kuye ngobo busuku, wathi, NdinguThixo ka-Abraham uyihlo. Musa ukoyika, kuba ndinawe; ndiya kukusikelela, ndiyandise imbewu yakho, ngenxa ka-Abraham,  umkhonzi wam.
+01O	26	25	Wakha khona isibingelelo, wanqula igama likaYehova,  wayimisa khona intente yakhe; abakhonzi bakaIsake bemba khona iqula.
+01O	26	26	Ke kaloku uAbhimeleki weza kuye ephuma eGerare, noAhuzati,  isihlobo sakhe, noFikolo, umthetheli womkhosi wakhe.
+01O	26	27	Wathi uIsake kubo, Nizeleni na kum, nandithiyayo nje,  nandindulula kuni?
+01O	26	28	Bathi, Sibone kakuhle ukuba uYehova unawe; sathi,  makubekho isifungo phakathi kwethu nawe, senze umnqophiso nawe,
+01O	26	29	wokuba ungasenzeli bubi, njengokuba singakusunduzanga,  njengokuba sikwenzele okulungileyo kodwa, sakundulula unoxolo;  ngoku usikelelwe nguYehova.
+01O	26	30	Wabenzela isidlo, badla, basela. Bavuka kusasa,  bafungelana;
+01O	26	31	uIsake wabandulula, bemka kuye benoxolo.
+01O	26	32	Kwathi ngaloo mini, bafika abakhonzi bakaIsake, bamxelela indawo yequla ababelimbile, bathi kuye, Siwafumene amanzi.
+01O	26	33	Wathi liyiShibha; ngenxa yoko igama laloo mzi liyiBher-shebha unanamhla.
+01O	26	34	Ke kaloku uEsawu, akuba minyaka imashumi mane ezelwe,  wazeka umfazi, uYuditi intombi kaBheri, umHeti, noBhasemati intombi kaElon, umHeti;
+01O	26	35	babacaphukisa ooIsake noRebheka.
+01O	27	1	Kwathi, akwaluphala uIsake, amehlo akhe enorhatyazo ukuba angaboni, wambiza uEsawu, unyana wakhe omkhulu, wathi kuye,  Nyana wam. Wathi yena kuye, Ndilapha.
+01O	27	2	Wathi, Khawubone, ndaluphele, andiyazi imini yokufa kwam.
+01O	27	3	Khawuthabathe ngoku iintonga zakho, umphongolo wakho,  nesaphetha sakho, uye ezindle, undizingelele inyamakazi;
+01O	27	4	undenzele ukudla okunencasa, njengoko ndikuthandayo,  ukuzise kum, ndidle; ukuze umphefumlo wam ukusikelele ndingekafi.
+01O	27	5	Ke kaloku uRebheka wayesiva ukuba uIsake uthetha kuEsawu unyana wakhe. UEsawu waya kuzingela inyamakazi ezindle, ukuba ayizise.
+01O	27	6	URebheka wathetha kuYakobi, unyana wakhe, wathi, Yabona,  ndive uyihlo ethetha kuEsawu umkhuluwa wakho, esithi,
+01O	27	7	Ndizisele inyamakazi, undenzele ukudla okunencasa, ndidle,  ndikusikelele phambi koYehova ndingekafi.
+01O	27	8	Ngoko ke, nyana wam, liphulaphule izwi lam ngento endikuwisela umthetho ngayo.
+01O	27	9	Khawuhambe uye emhlambini, undithabathele khona amatakane amabini ebhokhwe alungileyo, ndenzele uyihlo ukudla okunencasa,  njengoko akuthandayo;
+01O	27	10	ukuse kuyihlo, adle, ukuze akusikelele engekafi.
+01O	27	11	Wathi uYakobi kuRebheka unina, Yabona, uEsawu umkhuluwa wam yindoda exhonti, mna ndiyindoda egudileyo.
+01O	27	12	Mhlawumbi ubawo wondiva, ndibe njengomgculeli emehlweni akhe, ndizizisele intshwabulelo, ndingaziziseli intsikelelo.
+01O	27	13	Wathi unina kuye, Makube phezu kwam ukushwatyulelwa kwakho, nyana wam; phulaphula izwi lam wena, uye undithabathele.
+01O	27	14	Waya wawathabatha, wawazisa kunina; unina wenza ukudla okunencasa, njengoko akuthandayo uyise.
+01O	27	15	URebheka wathabatha iingubo zikaEsawu, unyana wakhe omkhulu, ezinqwenelekayo ezibe zikuye endlwini, wamambathisa uYakobi unyana wakhe omnci.
+01O	27	16	Izintsu zamatakane lawo ebhokhwe wambathisa ngazo izandla zakhe, nendawo egudileyo yentamo yakhe;
+01O	27	17	wabeka esandleni sikaYakobi unyana wakhe ukudla okunencasa, nesonka abesenzile.
+01O	27	18	Weza kuyise, wathi, Bawo! Wathi yena, Ndilapha. Ungubani na, nyana wam?
+01O	27	19	Wathi uYakobi kuyise, NdinguEsawu, amazibulo akho; ndenze njengoko wathetha ngako kum; khawuvuke ke, uhlale, udle inyamakazi yam, ukuze umphefumlo wakho undisikelele.
+01O	27	20	Wathi uIsake kunyana wakhe, Kutheni na le nto ukhawulezileyo ukuyifumana nyana wam? Wathi yena, uYehova uThixo wakho undithamsanqelisile.
+01O	27	21	Wathi uIsake kuYakobi, Khawusondele, ndikuve, nyana wam,  ukuba unguye na kanye unyana wam uEsawu, akunguye, kusini na?
+01O	27	22	Wasondela uYakobi kuIsake uyise, wamva, wathi, Ilizwi lona lilizwi likaYakobi, kodwa izandla zizandla zikaEsawu.
+01O	27	23	Akamnakana ke, kuba izandla zakhe zaba noboya,  njengezandla zikaEsawu umkhuluwa wakhe; wamsikelela ke.
+01O	27	24	Wathi, Wena lo ungunyana wam uEsawu na? Wathi yena,  Ndinguye.
+01O	27	25	Wathi, Sondeza kum ndidle inyamakazi yonyana wam, ukuze umphefumlo wam ukusikelele. Wayisondeza kuye, wadla, wamzisela newayini, wasela.
+01O	27	26	Wathi uyise uIsake kuye, Khawusondele undange, nyana wam.
+01O	27	27	Wasondela, wamanga; waliva ivumba leengubo zakhe,  wamsikelela wathi, Yabona, ivumba lonyana wam linjengevumba lelizwe elisikelelwe nguYehova.
+01O	27	28	Ngamana uThixo wakunika kuwo umbethe wezulu, Nakuko ukuchuma komhlaba, Nentabalala yengqolowa, newayini entsha;
+01O	27	29	Izizwe mazikukhonze, Izizwe ziqubude kuwe. Yiba yinkosi kubazalwana bakho, Baqubude kuwe oonyana bakanyoko; Uqalekisiwe okuqalekisayo, Usikelelwe okusikelelayo.
+01O	27	30	Kwathi, akubon’ ukuba ugqibile uIsake ukumsikelela uYakobi ebusweni bukaIsake uyise, wangena uEsawu, umkhuluwa wakhe,  evela ekuzingeleni kwakhe.
+01O	27	31	Naye wenza ukudla okunencasa, wazisa kuyise, wathi kuyise,  Makavuke ubawo adle inyamakazi yonyana wakhe, ukuze umphefumlo wakho undisikelele.
+01O	27	32	Wathi uIsake uyise kuye, Ungubani na? Wathi, Ndingunyana wakho uEsawu, amazibulo akho.
+01O	27	33	UIsake wagubha ngokugubha okukhulu kunene, wathi, Ngubani na lo phofu uzingele inyamakazi, wayizisa kum, ndadla entweni yonke, ungekafiki wena, ndamsikelela? Wosikeleleka ke.
+01O	27	34	Akuweva uEsawu amazwi kayise, wakhala ngesikhalo esikhulu,  esikrakra kunene, wathi kuyise, Ndisikelele nam, bawo.
+01O	27	35	Wathi yena, Kufike umninawa wakho ngenkohliso,  wayithabatha intsikelelo yakho.
+01O	27	36	Wathi, Kungokuba igama lakhe kusithiwa nguYakobi na, le nto andigweqe ezi zihlandlo zozibini? Wathabatha ubuzibulo bam;  nanku ngoku, ethabathe nentsikelelo yam. Wathi, Akundibekelanga ntsikelelo yam. Wathi, Akundibekelanga ntsikelelo na mna?
+01O	27	37	Waphendula uIsake, wathi kuEsawu, Yabona, ndimmisile waba yinkosi yakho, nabo bonke abazalwana bakhe ndibanike yena, baba ngabakhonzi; ndamxhasa ngengqolowa nangewayini entsha. Yintoni na kaloku endingakwenzela yona, nyana wam?
+01O	27	38	Wathi uEsawu kuyise, Inye na le ntsikelelo unayo, bawo?  Ndisikelele nam, bawo. Waliphakamisa uEsawu izwi lakhe, walila.
+01O	27	39	Waphendula uIsake uyise, wathi kuye, Yabona, ikhaya lakho liya kuba lee nokuchuma komhlaba, Lee nombethe wezulu ovela phezulu.
+01O	27	40	Uya kuphila ngekrele lakho, umkhonze umninawa wakho; Kuthi wakudlokova, Uyaphule idyokhwe yakhe, isuke entanyeni yakho.
+01O	27	41	UEsawu wamzonda uYakobi ngenxa yentsikelelo awamsikelela ngayo uyise; uEsawu wathi entliziyweni yakhe, Iya kusondela imihla yesijwili sikabawo, ndimbulale ke uYakobi umninawa wam.
+01O	27	42	Wawaxelelwa uRebheka amazwi kaEsawu, unyana wakhe omkhulu,  wathumela, wambiza uYakobi, unyana wakhe omnci, wathi kuye,  Yabona, uEsawu, umkhuluwa wakho, uzithuthuzela ngawe ngokukubulala.
+01O	27	43	Ngoko ke, nyana wam, phulaphula izwi lam, usuke ubalekele kuLabhan, umnakwethu, kwaHaran;
+01O	27	44	uhlale naye iintsuku ezithile, bude bubuye ubushushu bomkhuluwa wakho,
+01O	27	45	ude umsindo womkhuluwa wakho ubuye kuwe, ayilibale into oyenzileyo kuye; ndithumele ke, ndikuphuthume khona. Yini na ukuba ndihluthwe nina nobabini ngamini-nye?
+01O	27	46	Ke kaloku uRebheka wathi kuIsake, Ndikruqukile bubomi bam ngenxa yeentombi zakwaHeti. Ukuba uYakobi uthe wazeka umfazi ezintombini zakwaHeti, ezinjengezi ntombi zeli lizwe, boba yintoni na kum obu bomi?
+01O	28	1	UIsake wambiza uYakobi, wamsikelela, wamwisela umthetho,  wathi kuye, Uze ungazeki mfazi ezintombini zakwaKanan.
+01O	28	2	Suka uye ePadan-aram, endlwini kaBhetuweli unyokokhulu,  uzeke khona umfazi ezintombini zikaLabhan, unyokolume.
+01O	28	3	Ngamana uThixo uSomandla wakusikelela, wakuqhamisa,  wakwandisa, ukuze ube sisikhungu sezizwe;
+01O	28	4	akunike intsikelelo ka-Abraham, wena nembewu yakho ndawonye nawe, ukuze ulidle ilifa ilizwe lokuphambukela kwakho, elo uThixo walinika uAbraham.
+01O	28	5	UIsake wamndulula ke uYakobi; waya ePadan-aram, kuLabhan unyana kaBhetuweli umAram, umnakwabo boRebheka, unina booYakobi noEsawu.
+01O	28	6	UEsawu wabona ukuba uIsake umsikelele uYakobi, wamndulula ukuba aye ePadan-aram, azeke khona umfazi; ekumsikeleleni kwakhe wamwisela umthetho wokuthi, Uze ungazeki mfazi ezintombini zakwaKanan;
+01O	28	7	noYakobi umphulaphule uyise nonina, waya ePadan-aram.
+01O	28	8	Wabona uEsawu ukuba iintombi zakwaKanan azifunwa nguIsake uyise;
+01O	28	9	wasuka waya uEsawu kuIshmayeli, wazeka uMahalati, intombi kaIshmayeli, unyana ka-Abraham, udade boNebhayoti, phezu kwabafazi bakhe, wangumkakhe.
+01O	28	10	Waphuma ke uYakobi eBher-shebha, waya kwaHaran.
+01O	28	11	Wathi qatha ndaweni ithile, walala khona, kuba belithshonile ilanga. Wathabatha kumatye aloo ndawo, wabeka phantsi kwentloko yakhe, walala kuloo ndawo.
+01O	28	12	Waphupha ebona ileli imisiwe emhlabeni, intloko yayo iye yafika emazulwini; nanzo izithunywa zikaThixo zinyuka, zisihla ngayo;
+01O	28	13	nanko uYehova emi phezu kwayo, wathi, NdinguYehova, uThixo ka-Abraham uyihlo, uThixo kaIsake. Ilizwe elo ulele kulo, ndiya kulinika wena, nembewu yakho;
+01O	28	14	imbewu yakho ibe njengothuli lomhlaba, uphangalale, usinge entshonalanga, nasempumalanga, nasentla, nasezantsi,  zisikelelwe ngawe nangembewu yakho zonke izizwe zehlabathi.
+01O	28	15	Yabona, ndinawe; ndiya kukugcina naphi apho uya khona,  ndikubuyisele kulo mhlaba; ngokuba andiyi kukushiya, nidide ndikwenze oko ndikuthethileyo kuwe.
+01O	28	16	Wavuka uYakobi ebuthongweni bakhe, wathi, Kunjenje ke,  uYehova ukho kule ndawo, kanti mna bendingazi.
+01O	28	17	Woyika, wathi, Asikuko nokuba iyoyikeka le ndawo; yindlu kaThixo le, ayinto yimbi; lisango lamazulu eli.
+01O	28	18	Wavuka uYakobi kwakusasa, walithabatha ilitye abelibeke phantsi kwentloko yakhe, walimisa lasisimiso, wathulula ioli phezu kwalo.
+01O	28	19	Wathi igama laloo ndawo yiBheteli, nangona beliyiLuzi,  igama laloo mzi ekuqaleni.
+01O	28	20	Wabhambathisa ngesibhambathiso uYakobi, esithi, Ukuba uThixo uthe waba nam, wandigcina kuyo le ndlela ndiyihambayo,  wandinika isonka ndadla, neengubo ndambatha,
+01O	28	21	ndabuyela endlwini kabawo ndinoxolo: uYehova woba nguThixo wam,
+01O	28	22	neli litye ndilimisileyo lasisimiso loba yindlu kaThixo;  neento zonke othe wandinika, ndokunika isishumi sazo.
+01O	29	1	Wesuka uYakobi, waya ezweni labasempumalanga.
+01O	29	2	Wakhangela, wabona iqula ezweni, nantso ikhona imihlambi emithathu yempahla emfutshane, ibuthile ngakulo; kuba imihlambi yayisezwa kwelo qula. Kukho ilitye elikhulu emlonyeni wequla.
+01O	29	3	Yabe ihlanganiselwa khona yonke imihlambi, baliqengqe ilitye, balisuse emlonyeni wequla, bayiseze impahla emfutshane,  balibuyisele ilitye elo emlonyeni wequla endaweni yalo.
+01O	29	4	UYakobi wathi kubo, Bazalwana bam, nivela phi na? Bathi bona, Sivela kwaHaran.
+01O	29	5	Wathi kubo, Niyamazi na uLabhan, unyana kaNahore? Bathi,  Siyamazi.
+01O	29	6	Wathi kubo, Usaphilile na? Bathi, Usaphilile; nanku noRakeli, intombi yakhe, esiza nempahla emfutshane.
+01O	29	7	Wathi, Yabonani, kusesemini enkulu, asilixa lakuhlanganisa impahla; yisezeni impahla emfutshane, niye kwalusa.
+01O	29	8	Bathi, Asinako, ide ihlanganiswe yonke imihlambi, liqengqwe ilitye, lisuke emlonyeni wequla, siyiseze ke impahla emfutshane.
+01O	29	9	Ke kaloku esathetha nabo, wafika uRakeli nempahla emfutshane kayise; kuba ubeyalusa.
+01O	29	10	Kwathi, uYakobi akumbona uRakeli intombi kaLabhan,  uninalume, nempahla emfutshane kaLabhan uninalume, wasondela uYakobi, waliqengqa ilitye lesuka emlonyeni wequla, wayiseza impahla emfutshane kaLabhan uninalume.
+01O	29	11	UYakobi wamanga uRakeli, waliphakamisa izwi lakhe,  wasitsho isililo.
+01O	29	12	UYakobi wamxelela uRakeli ukuba ungumzalwana kayise,  nokuba ungunyana kaRebheka. Wagidima yena waxelela uyise.
+01O	29	13	Kwathi, uLabhan akuluva udaba lukaYakobi, unyana wodade wabo, wagidima waya kumkhawulela, wamwola, wamanga, wamngenisa endlwini yakhe. Yena wambalisela uLabhan ngezo ndawo zonke.
+01O	29	14	Wathi uLabhan kuye, Okunene ulithambo lam, uyinyama yam.  Wahlala naye inyanga iphela.
+01O	29	15	Wathi uLabhan kuYakobi, Kungokuba ungumzalwana wam na, le nto undikhonza negelize? Ndixelele umvuzo wakho.
+01O	29	16	Ke kaloku uLabhan waye eneentombi ezimbini; igama lenkulu lalinguLeya, igama lenci lalinguRakeli.
+01O	29	17	Ke uLeya wayenechaphothi; uRakeli wayemhle isiqu, emhle imbonakalo.
+01O	29	18	UYakobi ubemthanda uRakeli, wathi, Ndokukhonza iminyaka esixhenxe egenxa kaRakeli, intombi yakho enci.
+01O	29	19	Wathi uLabhan Kulungile ukuba ndimnike wena, kunokuba ndimnike enye indoda; hlala nam ke.
+01O	29	20	UYakobi wakhonza ke iminyaka esixhenxe ngenxa kaRakeli;  yanga yimihla embalwa emehlweni akhe, ngenxa yokumthanda kwakhe.
+01O	29	21	Wathi uYakobi kuLabhan, Ndinike umkam, kuba izalisekile imihla yam, ukuba ndimngene.
+01O	29	22	Wawahlanganisa uLabhan onke amadoda aloo ndawo, wenza umsitho.
+01O	29	23	Kwathi ngokuhlwa, wathabatha uLeya intombi yakhe,  wamngenisa kuye; wamngena ke yena.
+01O	29	24	Intombi yakhe uLeya, uLabhan wayinika uZilipa,  umkhonzazana wakhe, ukuba abe ngumkhonzazana wayo.
+01O	29	25	Kwathi kusasa, kwabonakala inguLeya. Wathi kuLabhan,  Yintoni na le nto uyenzileyo kum? Andikukhonze ngenxa undikhohlise?
+01O	29	26	Wathi uLabhan, Akwenjiwa njalo kowethu, ukuthi kwendiswe enci phambi kweyamazibulo.
+01O	29	27	Zalisa iveki yale, waleke eminye iminyaka esixhenxe;  sokunika naleyo ngenkonzo oya kundikhonza ngayo.
+01O	29	28	Wenjenjalo uYakobi, wayizalisa iveki yale. Wamnika ke uRakeli intombi yakhe, yangumkakhe.
+01O	29	29	Intombi yakhe uRakeli, uLabhan wayinika uBhiliha,  umkhonzazana wakhe, ukuba abe ngumkhonzazana wayo.
+01O	29	30	Wamngena uRakeli, wamthanda uRakeli phezu koLeya. Wakhonza ke, waleka eminye iminyaka esixhenxe.
+01O	29	31	UYehova wabona ukuba uLeya uthiyiwe, wasivula isizalo sakhe; ke uRakeli ebengazali.
+01O	29	32	Wamitha ke uLeya wazala unyana, wamthiya igama elinguRubhen, ngokuba ebesithi, UYehova uzibonile iintsizi zam;  inene, iya kundithanda ngoku indoda yam.
+01O	29	33	Wabuya wamitha, wazala unyana; wathi, UYehova uvile ukuba ndithiyiwe, wandinika nalo; wamthiya igama elinguSimon.
+01O	29	34	Wabuya wamitha, wazala unyana; wathi, Khona ngoku, iya kunamathela kum indoda yam, kuba ndiyizalele oonyana abathathu;  ngenxa yoko wamthiya igama elinguLevi.
+01O	29	35	Wabuya wamitha, wazala unyana; wathi, Okwesi sihlandlo ndiya kumdumisa uYehova; ngenxa yonke wamthiya igama elinguYuda. Wanqamka ukuzala.
+01O	30	1	Ke kaloku akubona uRakeli ukuba akamzaleli mntwana uYakobi,  uRakeli wammonela udade wabo, wathi kuYakobi, Ndinike abantwana; ukuba akundiniki, ndofa.
+01O	30	2	Wavutha umsindo kaYakobi ngakuRakeli, wathi,  Ndisesikhundleni sikaThixo na, okuvimbileyo isiqhamo sesizalo?
+01O	30	3	Wathi yena, Nantso impelesi yam uBhiliha; yingene, izalele emadolweni am, ndakheke nam ngayo.
+01O	30	4	Wamnika ke uBhiliha, umkhonzazana wakhe, ukuba abe ngumfazi; uYakobi wamngena.
+01O	30	5	Wamitha uBhiliha, wamzalela uYakobi unyana.
+01O	30	6	Wathi uRhakeli, UThixo undigwebele, kananjalo uliphulaphule izwi lam, wandinika unyana; ngenxa yoko wamthiya igama elinguDan.
+01O	30	7	Wabuya wamitha uBhiliha, umkhonzazana kaRakeli, wamzalela uYakobi unyana wesibini.
+01O	30	8	Wathi uRakeli, Ndizamene nodade wethu imizamo kaThixo,  kananjalo ndeyisa; wamthiya igama elinguNafetali.
+01O	30	9	Ke kaloku wabona uLeya ukuba unqamkile ukuzala, wathabatha uZilipa, umkhonzazana wakhe, wamnika uYakobi ukuba abe ngumfazi.
+01O	30	10	UZilipa, umkhonzazana kaLeya, wamzalela uYakobi unyana.
+01O	30	11	Wathi uLeya, Lithamsanqa! Wamthiya igama elinguGadi.
+01O	30	12	UZilipa, umkhonzazana kaLeya, wamzalela uYakobi unyana wesibini.
+01O	30	13	Wathi uLeya, Ndiva uyolo, ngokuba iintombi ziya kuthi ndinoyolo. Wamthiya igama elinguAshere.
+01O	30	14	Waya uRubhen ngemihla yovuno lwengqolowa, wafumana amathuma endle, wawazisa kuLeya unina. Wathi uRakeli kuLeya,  Khawundiphe emathumeni onyana wakho lawo.
+01O	30	15	Wathi kuye, Yinto encinane na ukuyithabatha indoda yam,  ubuye uthabathe namathuma onyana wam? Wathi uRakeli, Ngako oko mayilale nawe ngobu busuku, ngenxa yamathuma onyana wakho lawo.
+01O	30	16	Wafika uYakobi evela ezindle ngokuhlwa, waphuma uLeya esiya kumkhawulela, wathi, Uze undingene, kuba ndikuqeshile ngamathuma onyana wam. Walala ke naye ngobo busuku.
+01O	30	17	UThixo wamphulaphula uLeya; wamitha, wamzalela uYakobi unyana wesihlanu.
+01O	30	18	Wathi uLeya, UThixo undinikile umvuzo wam, ngenxa yokuba indoda yam ndiyinike umkhonzazana wam.
+01O	30	19	Wamthiya igama elinguIsakare. Wabuya wamitha uLeya,  wamzalela uYakobi unyana wesithandathu.
+01O	30	20	Wathi uLeya, UThixo undiphe isipho esilungileyo; okwesi sihlandlo indoda yam iya kuhlala nam, kuba ndiyizalele oonyana abathandathu. Wamthiya igama elinguZebhulon.
+01O	30	21	Emveni koko wazala intombi, wayithiya igama elinguDina.
+01O	30	22	Ke kaloku uThixo wamkhumbula uRakeli uThixo wamphulaphula,  wasivula isizalo sakhe.
+01O	30	23	Wamitha, wazala unyana, wathi, UThixo ukususile ukungcikivwa kwam.
+01O	30	24	Wamthiya igama elinguYosefu, wathi, UYehova makongezelele omnye unyana.
+01O	30	25	Kwathi, xa uRakeli ebemzele uYosefu, wathi uYakobi kuLabhan, Ndindulule ndiye endaweni yakowethu, ezweni lakowethu.
+01O	30	26	Ndinike abafazi bam nabantwana bam, endikukhonze ngenxa yabo, ndihambe; kuba wena uyayazi inkonzo yam endikukhonze ngayo.
+01O	30	27	Wathi uLabhan kuye, Ukuba kaloku ndibabalwe nguwe, hlala;  ndihlabe ukuthi uYehova undisikelele ngenxa yakho.
+01O	30	28	Wathi, Ndimisele kakuhle umvuzo wakho ondifaneleyo,  ndikunike.
+01O	30	29	Wathi kuye, Uyalwazi nawe uhlobo lokukukhonza kwam,  nohlobo lokuhlala kwempahla yakho nam.
+01O	30	30	Kuba obunayo ndingekafiki yabe imbalwa, ngoku izazekile yaninzi; uYehova ukusikelele apho unyawo lwam luthe lwanyathela; kaloku ndiya kuyisebenzela nini na mna eyam indlu?
+01O	30	31	Wathi, Ndikunike ntoni na? Wathi uYakobi, Akuyi kundinika nento le; ukuba uthe wandenzela le ndawo, ndobuya ndiyaluse impahla yakho emfutshane, ndiyigcine.
+01O	30	32	Ndiya kucanda phakathi kwayo yonke impahla yakho emfutshane namhlanje, ndihambe ndikhetha kuyo zonke iingusha ezinala, nezirhwexu, neegusha zonke ezimnyama phakathi kwamatakane, nazo zonke ezirhwexu nezinala phakathi kweebhokhwe, zibe ngumvuzo wam;
+01O	30	33	bundingqinele ke ubulungisa bam ngexesha elizayo, xa uthe weza kumvuzo wam ophambi kwakho: zonke ezingenala,  nezingerhwexu phakathi kweebhokhwe, nezingemnyama phakathi kweegusha, zoba zezibiweyo ezo, xa zithe zakum.
+01O	30	34	Wathi uLabhan, Yabona, makube ngokwelizwi lakho elo.
+01O	30	35	Wazikhetha ngaloo mhla iinkunzi zeebhokhwe ezinemizila,  nezirhwexu, nazo zonke iimazi zeebhokwe ezinakazi,  nezirhwexukazi, zonke ezinobumhlophe, nazo zonke ezimnyama phakathi kwamatakane, wazinikela esandleni soonyana bakhe.
+01O	30	36	Wamisa uhambo lweemini ezintathu phakathi kwabo noYakobi;  uYakobi walusa eseleyo ke impahla emfutshane kaLabhan.
+01O	30	37	Ke kaloku uYakobi wathabatha iintonga zompopulari omhlophe ezimanzi, nezom-amangile, nezompleyini, wachuba iindawo ezimhlophe kuzo, exwebula buvele ubumhlophe obusezintongeni ezo.
+01O	30	38	Wazimisa iintonga abezichubile emijelweni, emikhumbini yamanzi, apho impahla emfutshane ibiza kusela khona, phambi kwempahla emfutshane, ukuba iphathane xa iza kusela.
+01O	30	39	Yaphathana ke impahla emfutshane phambi kweentonga ezo,  yazala impahla emfutshane enemizila, nerhwexu, nenala.
+01O	30	40	Wawahlula uYakobi amatakane lawo, wabukhangelisa ubuso bempahla emfutshane malunga nenemizila, nemnyama, yonke empahleni emfutshane kaLabhan; wayibeka yodwa eyakhe imihlambi,  akayibeka empahleni emfutshane kaLabhan.
+01O	30	41	Kwathi, xa iphathanayo eyomeleleyo empahleni emfutshane,  uYakobi wazibeka iintonga phambi kwempahla emfutshane emijelweni, ukuze iphathane phakathi kweentonga.
+01O	30	42	Xa ityhafileyo impahla emfutshane, akazibekanga; yathi ke etyhafileyo yaba yekaLabhan, eyomeleleyo yaba yekaYakobi.
+01O	30	43	Yanda indoda leyo kakhulu kunene, Yanda indoda leyo kakhulu kunene, yaba nempahla emfutshane enizi, nabakhonzazana,  nabakhonzi, neenkamela, namaesile.
+01O	31	1	Ke kaloku waweva amazwi oonyana bakaLabhan, besithi,  UYakobi uzithabathile zonke izinto abenazo ubawo; ubenze ngezinto zikabawo obu butyebi bakhe bonke.
+01O	31	2	Wabubona uYakobi ubuso bukaLabhan, nabo bungenjengezolo nezolo elinye kuye.
+01O	31	3	UYehova wathi kuYakobi, Buyela ezweni likayihlo,  kwelokuzalwa kwakho; ndoba nawe.
+01O	31	4	UYakobi wathumela, wabiza uRakeli noLeya, ukuba beze endle empahleni yakhe emfutshane.
+01O	31	5	Wathi kubo, Ndiyabubona ubuso bukayihlo, ukuba abunjengezolo nezolo elinye kum; ke uThixo kabawo ubenam.
+01O	31	6	Niyazi nina, ukuba uyihlo ndimkhonze ngamandla am onke;
+01O	31	7	ke uyihlo undidephisele, wawuguqula umvuzo wam kalishumi;  kodwa uThixo akamvumelanga ukuba andenze into embi.
+01O	31	8	Xa athe, Enala yoba ngumvuzo wakho isuke yonke impahla emfutshane yazala enala; xa athe, Enemizila yoba ngumvuzo wakho, isuke yonke impahla emfutshane yazala enemizila.
+01O	31	9	Wayihlutha uThixo imfuyo kayihlo, wandinika.
+01O	31	10	Kwathi, ngexesha lokuphathana kwempahla emfutshane,  ndawaphakamisa amehlo am, ndabona ephupheni, nanzo iinkunzi ezikhwelayo empahleni emfutshane zinemizila, zinala,  zinomchokose.
+01O	31	11	Sathi isithunywa sikaThixo kum ephupheni, Yakobi; ndathi,  Ndilapha.
+01O	31	12	Sathi, Khawuphakamise amehlo akho, ubone; zonke iinkunzi ezikhwelayo empahleni emfutshane zinemizila, zinala,  zinomchokose; kuba ndizibonile zonke izinto azenzayo uLabhan kuwe.
+01O	31	13	NdinguThixo waseBheteli, apho wasithambisa khona isimiso,  apho wabhambathisa ngesibhambathiso kum. Suka ngoko, uphume kweli lizwe, ubuyele ezweni lokuzalwa kwakho.
+01O	31	14	Baphendula uRakeli noLeya, bathi kuye, Sisenasabelo nalifa lini na endlwini kabawo?
+01O	31	15	Akuthiwa singabasemzini kuye yini na? Kuba uthengise ngathi, wamana eyidla nemali yethu.
+01O	31	16	Ngoko kuze bonke ubutyebi abuhluthileyo uThixo kubawo,  bube bobethu, noboonyana bethu, kaloku ke konke akuthethileyo uThixo kuwe kwenze.
+01O	31	17	Wesuka uYakobi wabakhwelisa oonyana bakhe, nabafazi bakhe,  ezinkameleni.
+01O	31	18	Waqhuba yonke impahla yakhe, nayo yonke ingqwebo yakhe abeyiqwebile, impahla abeyifuyile, abeyiqwebile ePadan-aram,  ukuze aye kuIsake uyise ezweni lakwaKanan.
+01O	31	19	ULabhan ubeye kucheba impahla yakhe emfutshane; uRakeli wayiba imilonde-khaya ebiyekayise.
+01O	31	20	UYakobi wamlalanisa uLabhan umAram, ekubeni engamxelelanga ukuba uyabaleka.
+01O	31	21	Wabaleke ke, yena nako konke abenako; wesuka, wawuwela uMlambo, wabubhekisa ubuso bakhe entabeni yaseGiliyadi.
+01O	31	22	Waxelelwa uLabhan ngomhla wesithathu ukuba uYakobi ubalekile.
+01O	31	23	Wathabatha abazalwana bakhe, wamphuthuma uhambo lwemihla esixhenxe; bafumanana entabeni yaseGiliyadi.
+01O	31	24	Weza uThixo kuLabhan umAram ephupheni ebusuku, wathi kuye,  Zilumkele, ungathethi nto kuYakobi, nokuba yelungileyo nokuba yembi.
+01O	31	25	ULabhan wafika kuYakobi. Ke kaloku uYakobi ubeyigxumekile intente yakhe entabeni; uLabhan nabazalwana bakhe bagxumeka entabeni yaseGiliyadi.
+01O	31	26	Wathi uLabhan kuYakobi, Wenza ntoni na ukundilalanisa,  uziqhube iintombi zam njengabathinjwe ngekrele?
+01O	31	27	Yini na ukuba uzimele, ubaleke, undilalanise,  ungandixeleli? Ngendiba ndokundulule ngemivuyo, nangeengoma,  nangengqongqo, nangohadi.
+01O	31	28	Yini na ukuba ungandivumeli ndibange oonyana bam neentombi zam? Kaloku wenze ngobudenge.
+01O	31	29	Kusemandleni esandla sam ukunenza ububi; ke uThixo kayihlo uthethe nam phezolo, esithi, Zilumkele, ungathethi nto noYakobi, nokuba yelungileyo nokuba yembi.
+01O	31	30	Ngoku umkileyo nje, ngokuba walangazelela kakhulu indlu kayihlo, uzibeleni na zona izithixo zam?
+01O	31	31	Waphendula uYakobi wathi kuLabhan, Bendisoyika, kuba bendisithi, Hleze uzixhakamfule kum iintombi zakho.
+01O	31	32	Osukuba uzifumana kuye izithixo zakho, makangadli bomi.  Phambi kwabazalwana bethu fanisa into yakho enam, uyithabathe.  Wayengazi uYakobi ukuba uRakeli uzibile.
+01O	31	33	Wangena uLabhan ententeni kaYakobi, nasententeni kaLeya,  nasententeni yeempelesi zombini; akazifumana. Waphuma ententeni kaLeya, wangena ententeni kaRakeli.
+01O	31	34	Ke kaloku uRakeli ebeyithabathile imilonde-khaya, wayifaka phakathi kwesali yenkamela, wahlala phezu kwayo. ULabhan wayiphuthaphutha yonke intente, akayifumana.
+01O	31	35	Wathi kuyise, Mawungabi namsindo, nkosi yam, kuba ndingenako ukusuka phambi kwakho, ngokuba ndihleli phezu kwengca. Wagquthagqutha, akayifumana imilonde-khaya.
+01O	31	36	Wavutha umsindo kaYakobi, wabambana noLabhan. Waphendula uYakobi, wathi kuLabhan, Luyintoni na ukreqo lwam, siyintoni na isono sam, ukuba undisukele ngokushushu nje?
+01O	31	37	Uziphuthaphuthile zonke iimpahla zam; ufumene ntoni na yazo zonke iimpahla zendlu yakho? Yibeke apha phambi kwabazalwana bam, nabazalwana bakho, bahlule phakathi kwethu sobabini.
+01O	31	38	Le minyaka imashumi mabini bendinawe; iimazi zakho zeegusha, neemazi zebhokhwe aziphunzanga, neenkunzi zempahla yakho emfutshane andizidlanga.
+01O	31	39	Into eqwengiweyo andiyizisanga kuwe, ndayimisela ngokwam;  wayibiza esandleni sam nokuba ibiwe emini, nokuba ibiwe ebusuku.
+01O	31	40	Emini ndadliwa bubushushu, ebusuku yingqele; ubuthongo bam bemka emehlweni am.
+01O	31	41	Kwaba njalo kum le minyaka imashumi mabini endlwini yakho;  ndakukhonza iminyaka elishumi elinamine ngenxa yeentombi zakho zombini, iminyaka emithandathu ngenxa yempahla yakho emfuthsane; uwuguqule kalishumi umvuzo wam.
+01O	31	42	Koko uThixo kabawo, uThixo ka-Abraham, Ohlonelwa nguIsake,  waba nam, inene unge undindulule ndilambatha ngoku. UThixo uzibonile iintsizi zam nokuxelenga kwezandla zam, wakohlwaya phezolo.
+01O	31	43	ULabhan waphendula wathi kuYakobi, Iintombi ziintombi zam,  oonyana ngoonyana bam, impahla emfutshane yimpahla yam, neento zonke ozibonayo zezam. Ndinakwenza ntoni na namhla ezintombini zam ezi, nakoonyana azo ezibazeleyo?
+01O	31	44	Yiza ngoku, senze umnqophiso, mna nawe, ube lingqina phakathi kwam nawe.
+01O	31	45	UYakobi wathabatha ilitye, waliphakamisa lasisimiso.
+01O	31	46	Wathi uYakobi kubazalwana bakhe, Cholani amatye.  Bathabatha amatye, benza imfumba, badla khona phezu kwaloo mfumba.
+01O	31	47	Wathi ukuyibiza uLabhan yiYegarsahaduta, uYakobi wathi ukuyibiza yiGaledi.
+01O	31	48	Wathi uLabhan, Le mfumba ilingqina phakathi kwam nawe namhla, ngenxa yoko yathiywa igama eliyiGaledi;
+01O	31	49	neliyiMizpa, ngokuba wathi Makobonisele uYehova phakathi kwam nawe, sakuba sisithelene;
+01O	31	50	ukuba uthe wazicinezela iintombi zam, nokuba uthe wazeka abafazi phezu kweentombi zam, akukho bani unathi. Khangela,  uThixo ulingqina phakathi kwam nawe.
+01O	31	51	ULabhan wathi kuYakobi, Yabona le mfumba, yabona esi simiso ndisiphakamisileyo phakathi kwam nawe;
+01O	31	52	ingqina yile mfumba, ingqina sesi simiso, ukuba andiyi kugqitha mna kule mfumba ndiye kuwe, ukuba akuyi kugqitha wena kule mfumba nakwesi simiso uze kum, senzane ububi.
+01O	31	53	UThixo ka-Abraham, uThixo kaNahore, uThixo woyise wabo,  makagwebe phakathi kwethu. UYakobi wafunga Ohlomelwa nguyise uIsake.
+01O	31	54	UYakobi wabingelela umbingelelo entabeni apho, wabiza abazalwana bakhe, ukuba badle isonka. Badla ke isonka, balala entabeni apho.
+01O	31	55	Wavuka uLabhan kusasa, wabanga oonyana bakhe, neentombi zakhe, wabasikelela; wemka ke uLabhan, wabuyela ekhayeni lakhe.
+01O	32	1	UYakobi wahamba ngendlela yakhe; zaqubisana naye izithunywa zikaThixo.
+01O	32	2	Wathi uYakobi akuzibona, Ngumkhosi kaThixo lo; wathi igama laloo ndawo yiMahanayim.
+01O	32	3	Ke kaloku uYakobi wathuma abathunywa phambi kwakhe, baya kuEsawu, umkhuluwa wakhe, ezweni lakwaSehire, emhlabeni wakwaEdom.
+01O	32	4	Wabawisela umthetho esithi, Nothi ukuthetha enkosini yam uEsawu, Utsho umkhonzi wakho uYakobi ukuthi,  Bendingumphambukeli kuLabhan, ndalibala khona kwada kwangoku;
+01O	32	5	ndineenkomo namaesile, nempahla emfutshane, nabakhonzi,  nabakhonzazana; ndithumele ukuxelela inkosi yam, ukuze indibabale.
+01O	32	6	Abathunywa babuyela kuYakobi besithi, Sifikile kumkhuluwa wakho uEsawu, naye uyeza kukukhawulela, enamadoda angamakhulu omane.
+01O	32	7	Woyika kunene uYakobi, wabandezeleka, wabahlula abantu ababenaye, nempahla emfutshane, neenkomo, neenkamela; iimfuduka zambini.
+01O	32	8	Wathi, Ukuba uEsawu uthe wafika kwenye imfuduka,  wayichitha, yosinda imfuduka eseleyo.
+01O	32	9	Wathi uYakobi, Thixo kabawo uAbraham, Thixo kabawo uIsake,  Yehova, uthe kum, Buyela ezweni lakowenu, kwelokuzalwa kwakho;  ndokuphatha kakuhle.
+01O	32	10	Andiyilingene inceba yonke, nenyaniso yonke oyenzileyo kumkhonzi wakho; kuba ndayiwela le Yordan, ndinentonga yam yodwa, kodwa ngoku ndimfuduka mbini.
+01O	32	11	Khawundihlangule esandleni somkhuluwa wam, esandleni sikaEsawu; ngokuba ndiyamoyika, hleze afike andibulale, unina ndawonye nabantwana.
+01O	32	12	Wawuthe wena, Inene, ndiya kukuphatha kakuhle, imbewu yakho nidyenze ibe njengentlabathi yolwandle, engenakubalwa ngenxa yobuninzi.
+01O	32	13	Ke kaloku yena walala khona ngobo busuku. Wathabatha entweni esifike kuyo isandla sakhe, yangumnikelo kuEsawu,  umkhuluwa wakhe;
+01O	32	14	iimazi zeebhokhwe ezimakhulu mabini, neenkunzi zeebhokhwe ezimashumi mabini, neemazi neegusha ezimakhulu mabini,  neenkunzi zeegusha ezimashumi mabini,
+01O	32	15	neenkamela ezisengwayo ezimashumi mathathu, ezinamathole azo, neemazi zeenkomo ezimashumi mane, neenkunzi zeenkomo ezilishumi, neemazi zamaesile ezimashumi mabini, namaxhamxwa alishumi.
+01O	32	16	Wazinikela esandleni sabakhonzi bakhe, walowo umhlambi wawodwa. Wathi kubakhonzi bakhe, Welani phambi kwam, nibeke isithuba phakathi komhlambi nomhlambi.
+01O	32	17	Owokuqala wamwisela umthetho, wathi, Xa athe uEsawu umkhuluwa wam waqubisana nawe, wakubuza ngokuthi, Ungokabani na? Uya phi na? Zezikabani na ezi zinto ziphambi kwakho?
+01O	32	18	wothi, Zezomkhonzi wakho uYakobi: ngumnikelo othunyelwe inkosi yam uEsawu; nanku ke naye ngasemva kwethu.
+01O	32	19	Nowesibini, nowesithathu wamwisela umthetho, nabo bonke ababeyilandela imihlambi, esithi, Nothetha ngolo hlobo kuEsawu,  nakufumanana naye.
+01O	32	20	Kananjalo nothi, Nanko mkhonzi wakho uYakobi engasemva kwethu. Kuba wathi, Mandibucamagushe ubuso bakhe ngomnikelo ohamba phambi kwam, emveni koko ndibubone ubuso bakhe;  mhlawumbi wondibuka.
+01O	32	21	Umnikelo lowo wahamba phambi kwakhe; ke yena walala ngobo busuku emfudukeni.
+01O	32	22	Wavuka ngobo busuku, wathabatha abafazi bakhe bobabini,  nabakhonzanzana bakhe bobabini noonyana bakhe abalishumi elinamnye, waliwela izibuko le Yabhoki.
+01O	32	23	Wabathabatha ke, wabaweza emfuleni lowo, waziweza zonke izinto abenazo.
+01O	32	24	UYakobi wasala yedwa; kwazamana indoda naye kwada kwathi qhiphu ukusa.
+01O	32	25	Yakubona ukuba ayimeyisi, yachukumisa usikrobana womlenze wakhe, wancothuka usikrobana womlenze kaYakobi ngokuzamana nayo.
+01O	32	26	Yathi, Ndindulule ndihambe, kuba kuyasa. Wathi yena,  Andiyi kukundulula umke, ukuba akuthanga undisikelele.
+01O	32	27	Yathi kuye, Ngubani na igama lakho? Wathi, NdinguYakobi.
+01O	32	28	Yathi, Igama lakho akusayi kuba sathiwa nguYakobi; kuya kuthiwa unguSirayeli, ngokuba ulwe noThixo nabantu, weyisa.
+01O	32	29	Wabuza uYakobi wathi, Ndixelele igama lakho. Yathi,  Ulibuzelani na igama lam? Yamsikelela khona.
+01O	32	30	UYakobi wayithiya loo ndawo igama eliyiPeniyeli; kuba wathi, Ndibonene noThixo, wahlangulwa umphefumlo wam.
+01O	32	31	Lathi chapha ilanga, akudlula ePeniweli, ejingxela ngomlenze wakhe.
+01O	32	32	Ngenxa yoko oonyana bakaSirayeli abawudli umsipha kasikrobana ophezu kosikrobana womlenze, nanamhla; ngokuba yachukumisa usikrobana womlenze kaYakobi emsipheni kasikrobana.
+01O	33	1	Wawaphakamisa uYakobi amehlo akhe, wabona, nanko uEsawu esiza, enamadoda amakhulu mane. Abantwana wabahlulahlula, baba kuLeya, nakuRakeli, nakubakhonzazana bobabini.
+01O	33	2	Wababeka abakhonzazana nabantwana babo phambili, uLeya nabantwana bakhe emva kwabo, uRakeli noYosefu emva kanye.
+01O	33	3	Ke yena wagqithela phambi kwabo, waqubuda emhlabeni kasixhenxe, wada wasondela kumkhuluwa wakhe.
+01O	33	4	Wagidima uEsawu emkhawulela, wamwola, wawa entanyeni yakhe,  wamanga; basitsho isililo.
+01O	33	5	Wawaphakamisa amehlo akhe, wababona abafazi nabantwana,  wathi, Ngoobani na aba banawe? Wathi yena, Ngabantwana, athe uThixo wabababala umkhonzi wakho.
+01O	33	6	Basondela abakhonzazana, bona nabantwana babo, baqubuda.
+01O	33	7	Wasondela noLeya nabantwana bakhe, baqubuda; emveni koko wasondela uYosefu noRakeli, baqubuda.
+01O	33	8	Wathi, Iyintoni na yonke le mfuduka yakho endiqubisene nayo? Wathi, Yeyokuba ndibabalwe emehlweni enkosi yam.
+01O	33	9	Wathi uEsawu, Ndanele, mninawa; makube kokwakho okwakho.
+01O	33	10	Wathi uYakobi, Hayi, makungabi njalo. Ukuba kaloku ndibabalwe emehlweni akho, thabatha umnikelo wam lo esandleni sam; kuba ngenxa yoko ndibubonile ubuso bakho, ndanga ndibona ubuso bukaThixo, ndalikholo kuwe.
+01O	33	11	Khawuyithabathe intsikelelo yam ezisiweyo kuwe, ngokuba uThixo undibabale, kuba ndineento zonke. Wamjoka, wayithabatha.
+01O	33	12	Wathi uEsawu, Masinduluke, sihambe; ndohamba phambi kwakho.
+01O	33	13	Wathi kuye, Inkosi yam iyazi ukuba abantwana bathambile,  nempahla emfutshane, neenkomo ezanyisayo ziphezu kwam; yothi iqhutywe kakhulu imini enye, ife yonke impahla emfutshane.
+01O	33	14	Inkosi yam mayikhe igqithele phambi komkhonzi wayo ndihambise kuhle ngokuhamba kwempahla ephambi kwam,  nangokuhamba kwabantwana, ndide ndifike enkosini yam kwaSehire.
+01O	33	15	Wathi uEsawu, Makhe ndiyishiye kuwe inxenye yabantu abanam. Wathi yena, Ngani na? Mandibabalwe emehlweni enkosi yam.
+01O	33	16	Wabuya ngaloo mhla uEsawu ngendlela yakhe, esiya kwaSehire.
+01O	33	17	UYakobi wanduluka, waya eSukoti, wazakhela indlu, iinkomo zakhe wazibiyela iintlantsi; ngenxa yoko kwathiwa igama laloo ndawo yiSukoti.
+01O	33	18	Wafika uYakobi enoxolo emzini kaShekem, osezweni lakwaKanan, ekuveleni kwakhe ePadan-aram; wamisa iintente phambi komzi.
+01O	33	19	Wathenga isiziba somhlaba, apho wayitwabulula khona intente yakhe, esandleni soonyana bakaHamore usoShekem,  ngekhulu lemali.
+01O	33	20	Wamisa khona isibingelelo, wathi ukusithiya nguThixo,  uThixo kaSirayeli.
+01O	34	1	Ke kaloku uDina, intombi kaLeya, leyo wayizalela uYakobi,  waphuma waya kubona iintombi zelo zwe.
+01O	34	2	UShekem, unyana kaHamore umHivi, isikhulu selizwe, sambona,  samthabatha, salala naye, samona.
+01O	34	3	Umphefumlo wakhe wanamathela kuDina intombi kaYakobi;  wayithanda intombi leyo, wathetha kakuhle nentombi.
+01O	34	4	UShekem wathetha kuHamore uyise wathi, Ndizekele le ntombi ibe ngumfazi.
+01O	34	5	Weva uYakobi ukuba umenze inqambi uDina, intombi yakhe. Ke oonyana bakhe baye besempahleni yakhe endle; wathi tu ke uYakobi, bada bafika.
+01O	34	6	Waphuma uHamore, uyise kaShekem, eza kuthetha noYakobi.
+01O	34	7	Bafika oonyana akaYakobi evela kwalusa. Bakuyiva le nto aba bahlungu amadoda lawo, avutha kunene ngumsindo, ngokuba wenza ubudenge kwaSirayeli ngokulala nentombi kaYakobi, into leyo engeyakwenziwa.
+01O	34	8	Wathetha uHamore nabo, esithi, uShekem, unyana wam,  umphefumlo wakhe uthene nca nentombi yakowenu; khanimnike ibe ngumkakhe;
+01O	34	9	nendiselane nathi, nisinike iintombi zenu, nizeke iintombi zethu;
+01O	34	10	nahlale nathi, ilizwe libe phambi kwenu; hlalani nirhwebe kulo, niqiniseke ukuma kulo.
+01O	34	11	Wathi uShekem kuyise wayo, nakubanakwayo, Mandibabalwe emehlweni enu, nento eniyithethayo kum ndoninika.