langa 1.0.0

data/examples/manx_gaelic_utf8.txt

@@ -0,0 +1,1000 @@
+#THE UNBOUND BIBLE (www.unboundbible.org)
+#name	Manx Gaelic (Esther, Jonah, Four Gospels)
+#filetype	Unmapped-BCVS
+#copyright	
+#abbreviation	
+#language	mjd
+#note	
+#columns	orig_book_index	orig_chapter	orig_verse	orig_subverse	order_by	text
+17O	1	1		10	Nish haink eh gy-kione ayns lhing Ahasuerus (shoh yn Ahasuerus shen ren reill  voish India eer gys Ethiopia, harrish shey-feed as shiaght rheamyn)    
+17O	1	2		20	Ayns ny laghyn shen, tra va ree Ahasuerus ny hoie er stoyl-reeoil e reeriaght,  va ayns Shushan yn phlaase reeoil,    
+17O	1	3		30	Ayns y trass vlein jeh e reill, ren eh cuirraghyn da ooilley e phrinceyn, as  e harvaantyn; pooaraghyn Phersia as Media, ard gheiney as princeyn ny rheamyn ec  y traa cheddin kionfenish.    
+17O	1	4		40	Tra hoilshee eh magh berchys e reeriaght ghloyroil, as onnor e ard-ooashley  reeoil, ymmodee laghyn, eer nuy-feed laa.    
+17O	1	5		50	As lurg da ny laghyn shoh ve harrish, ren y ree cuirraghyn da ooilley yn pobble  va ry-gheddyn ayns Shushan y phlaase, chammah da ard as injil son shiaght laa, ayns  cooyrtyn garey plaase y ree,    
+17O	1	6		60	Raad va curtanyn baney, geayney, as gorrym, sheeynt er coyrdyn dy heeidey purple,  lesh loopyn argid, as pillaryn marble: as nyn ynnydyn-soie dy airh, as argid, er  laare dy phurple, as gorrym, as bane, as doo,    
+17O	1	7		70	As hirveish ad jough orroo ayns siyn airhey (va ny siyn jeh dagh sorch) as palchey  dy feeyn reeoil, cooie rish stayd y ree.    
+17O	1	8		80	As va'n giu cordail rish y leigh, cha row fer erbee eginit: son shoh myr doardee  yn ree da ooilley fir-oik e hie, dy row dy chooilley ghooinney dy ghoaill myr baillish.     
+17O	1	9		90	Ren Vashti yn ven-rein myrgeddin cuirraghyn son ny mraane, ayns thie reeoil  Ahasuerus.    
+17O	1	10		100	Er y chiaghtoo laa, tra va cree yn ree gennal lesh feeyn, doardee eh Mehuman,  Biztha, Harboua, Bigtha, as Abagtha, Zethar, as Carcas, ny shiaght ard fir-oik, va  shirveish fenish Ahasuerus yn ree,    
+17O	1	11		110	Dy chur lhieu Vashti yn ven-rein kiongoyrt rish y ree, ceau yn attey reeoil  dy yeeaghyn da'n pobble as ny princeyn yn aalid eck, son v'ee feer aalin dy yeeaghyn  urree.    
+17O	1	12		120	Agh dob Vashti yn ven-rein dy heet er sarey yn ree liorish ny fir-oik: va'n  ree, er-y-fa shen, feer jymmoosagh, as ren e chorree lostey cheu-sthie jeh.    
+17O	1	13		130	Eisht dooyrt y ree rish ny deiney creeney, va toiggal cooishyn (son shoh va  cliaghtey yn ree dy ghoaill y choyrle ocsyn va tushtagh ayns leigh as briwnys: 
+17O	1	14		140	As ny ard-gheiney jeu shoh va Carshena, Shethar, Admatha, Tarshish, Meres,  Marsena, as Memucan, shiaght princeyn Phersia as Media, as fir-choyrlee kinjagh y  ree, as ayns ard phooar ayns y reeriaght).   
+17O	1	15		150	Cre nee mayd rish Vashti yn ven-rein cordail rish y leigh, er-yn-oyr nagh vel  ee er choyrt biallys da sarey yn ree Ahasuerus, liorish e hirveishee?   
+17O	1	16		160	As dreggyr Memucan ayns fenish y ree as ny princeyn, Cha nee da'n ree ny-lomarcan  ta'n ven-rein er n'yannoo aggair, agh myrgeddin da ooilley ny princeyn, as da ooilley  yn pobble t'ayns slane reeriaght ree Ahasuerus.   
+17O	1	17		170	Son shoh ta'n ven-rein er n'yannoo ayns clashtyn ooilley ny mraane, myr shen  dy jean ad beg y hoiaghey jeh ny deiney oc, tra hed y skeeal magh, Doardee ree Ahasuerus  Vashti yn ven-rein dy heet stiagh kiongoyrt rish, agh cha daink ee.   
+17O	1	18		180	Yn ansoor cheddin ver ooilley mraane seyr Phersia as Media nish, da ooilley  princeyn y ree, ta er chlashtyn jeh ymmyrkey yn ven-rein. As bee shoh oyr lane mee  viallys as anvea.   
+17O	1	19		190	My s'gooidsave lesh y ree, lhig da jannoo sarey reeoil, as lhig da ve scruit  mastey leighyn ny Persianee, as ny Medeyn, nagh bee er ny chaghlaa, nagh jig Vashti  arragh ayns fenish ree Ahasuerus, as lhig da'n ree stowal y stayd reeoil eck er unnane  elley ta ny share na ish.   
+17O	1	20		200	As tra vees sarey yn ree er ny ockley magh trooid e slane reeriaght (son s'mooar  te) ver ooilley ny mraane onnor da ny deiney oc, chammah ard as injil.   
+17O	1	21		210	As va'n choyrle mie ayns shilley yn ree, as ny princeyn, as ren y ree cordail  rish goan Vemucan:   
+17O	1	22		220	Son hug eh screeunyn trooid ooilley rheamyn y ree gys dy chooilley ard cordail  rish nyn aght screeuee, as gys dy chooilley phobble lurg nyn ghlare hene, dy row  dy chooilley ghooinney dy ymmyrkey reill ayns e hie hene, as dy beagh shoh er ny  ockley magh ayns glare dy chooilley phobble. 
+17O	2	1		230	Lurg ny reddyn shoh, tra va farg ree Ahasuerus er ny veeinaghey dy chooinee  eh er Vashti, as ny v'ee er n'yannoo, as y decree hie magh noi eck.   
+17O	2	2		240	Eisht dooyrt fir-oik y ree va shirveish er, Lhig da moidynyn aegey as aalin  v'er ny gheddyn da'n ree:   
+17O	2	3		250	As lhig da'n ree pointeil fir-oik ayns ooilley rheamyn e reeriaght, dy haglym  cooidjagh ooilley ny moidynyn aegey as aalin gys Shushan y phlaase, gys thie ny mraane,  fo kiarail Hege shamyrlin y ree, oaseir ny mraane, as lhig da spiceyn-oonlee cour  glenney v'er ny choyrt daue:   
+17O	2	4		260	As lhig da'n voidyn share by-haittin lesh y ree, ve yn ven-rein ayns ynnyd Vashti.  As va'n raa cordail rish aigney yn ree, as shen myr ren eh.   
+17O	2	5		270	Nish ayns Shushan y phlaase, va Hew dy row, enmyssit Mordecai, mac Jair, mac  Shimei, mac Kish, ny Venjamite:   
+17O	2	6		280	Va goit ersooyl veih Jerusalem, ayns y chappeeys marish Jeconiah ree Yudah,  ren Nebuchadnezzar ree Vabylon y chur lesh ersooyl.   
+17O	2	7		290	As va Hadassah (ta shen Esther) inneen e naim troggit liorish, son cha row ayr  ny moir eck, as va'n ven aeg aalin as stoamey, ee ghow Mordecai (lurg baase yn ayr  as y voir eck) son e lhiannoo hene.   
+17O	2	8		300	Myr shen haink eh gykione, tra va sarey as oardagh y ree er ny chlashtyn, as  tra va ymmodee moidynyn er nyn jaglym cooidjagh gys Shushan y phlaase fo currym Hegai,  dy row Esther myrgeddin er ny choyrt lh'ee gys thie yn ree, fo kiarail Hegai, 
+17O	2	9		310	As by-laik lesh y ven aeg, as yeeagh eh foayr jee, as hug eh jee chelleeragh  spiceyn oonlee ry-hoi glenney, marish lheid ny reddyn as va cooie er e son, as shiaght  mraane aegey va dy hirveish urree, ass thie yn ree, as phoint eh jeeish as da ny  mraane eck, yn reih ynnyd va ayns thie ny mraane.    
+17O	2	10		320	Cha row Esther foast er n'insh quoi va'n sleih-mooinjerey, ny'n kynney eck:  son va Mordecai er choyrt currym gyere urree, nagh n'inshagh ee eh.    
+17O	2	11		330	As huill Mordecai dy chooilley laa roish cooyrt thie ny mraane dy vriaght kys  va Esther, as cre'n erree harragh urree.    
+17O	2	12		340	Nish tra haink shayll dagh moidyn mygeayrt, dy gholl stiagh gys ree Ahasuerus,  erreish j'ee v'er ve daa vee jeig, cordail rish cliaghtey mraane, (son shoh myr va  nyn laghyn glennee cooilleenit, ta shen dy ghra shey meeaghyn lesh myrrh, as shey  meeagh yn lesh spiceyn millish, as lesh reddyn elley cooie son mraane y ghlenney.)    
+17O	2	13		350	Eisht er yn aght shoh haink dagh ben aeg gys y ree, va, cre-erbee hirragh ee  coyrt jee, dy gholl maree ass thie ny mraane, gys plaase y ree.    
+17O	2	14		360	Ayns yn astyr hie ee stiagh, as er laa-ny-vairagh haink ee magh, gys yn nah  hie va cour ny mraane fo currym Shaashgaz shamyrder y ree, va currym ny co-lhiabbee  er: cha daink ee arragh stiagh gys y ree, mannagh ghow yn ree taitnys aynjee, as  fegooish yn ennym ec ve eit. 
+17O	2	15		370	Nish tra va coorse Esther, inneen Abihail, naim Mordecai (va er ghoaill ee  son e lhiannoo hene) er jeet mygeayrt dy gholl stiagh gys y ree, cha hir ee veg,  agh ny ren Hegai shamyrder y ree, va currym ny mraane er phointeil: as va Esther  dy mooar soit j'ee son e aalid, 'sy chilley ocsyn ooilley honnick ee.   
+17O	2	16		380	Myr shoh va Esther goit stiagh liorish ree Ahasuerus, gys e phlaase reeoil,  ayns y jeihoo vee (ta shen yn vee Tebeth) 'sy chiaghtoo vlein jeh e reill.   
+17O	2	17		390	As bynney lesh y ree Esther, erskyn ooilley ny mraane, as hooar ee foayr as  aigney mie ayns e hilley, erskyn ooilley ny moidynyn; myr shen dy hoie eh yn crown  reeoil er y chione eck, as ren eh ee yn ven-rein, ayns ynnyd Vashti:   
+17O	2	18		400	Eisht ren y ree cuirraghyn mooar da ooilley e phrinceyn, as e ir-oik, eer cuirraghyn  Esther, as ren eh mial keeshyn ny rheamyn, as hug eh giootyn, cordail rish stayd  y ree.   
+17O	2	19		410	As tra va ny moidynyn er nyn jaglym cooidjagh yn nah cheayrt, eisht hoie Mordecai  ayns giat y ree.   
+17O	2	20		420	Cha hoilshee Esther foast yn sleih mooinjerey, ny yn kynney eck; myr va Mordecai  er harey ee: son ren Esther er  raa 
+17O	2	21		430	Ayns ny laghyn shen (choud as va Mordecai ny hoie ayns giat y ree) va jees  jeh shamyrderyn y ree, Bigthan as Teresh jeusyn va freayll yn dorrys, lhieent lesh  farg, as fieau er caa dy stroie ree Ahasuerus:   
+17O	2	22		440	As hooar Mordecai fys er shoh, as dinsh eshyn eh da Esther yn ven-rein, as  ren Esther y chooish y hoilshaghey da'n ree, ayns ennym Vordecai.   
+17O	2	23		450	As tra va briaght jeant 'sy chooish, ve er ny gheddyn magh; v'ad ny-neesht,  er-y-fa shen, croghit er billey: as ve scruit ayns lioar ny recortyssyn fenish y  ree. 
+17O	3	1		460	Lurg ny reddyn shoh, ren ree Ahasuerus soiaghey seose Haman mac Hammedatha yn  Agagite, as hrog eh gys ard-olk eh, as hoie eh eh erskyn ooilley ny princeyn va marish.    
+17O	3	2		470	As ren ooilley sharvaantyn y ree, va ayns giat y ree, croymmey as ooashley choyrt  da Haman, son shen myr doardee yn ree mychione echey: agh cha chroym Mordecai, chamoo  hug eh ooashley da.   
+17O	3	3		480	Eisht dooyrt sharvaantyn y ree, va ayns giat y ree, rish Mordecai, Cre'n-fa  t'ou brishey sarey yn ree?   
+17O	3	4		490	Nish haink eh gy-kione, tra loayr ad rish gagh-laa, as nagh dug eh geill daue,  dy dinsh ad da Haman, dy yeeaghyn cre'n erree harragh er Mordecai, as e chooish,  son v'eh er n'insh daue, dy row eh ny Hew.   
+17O	3	5		500	As tra honnick Haman, nagh chroym Mordecai huggey, as nagh dug eh ooashley da,  eisht va Haman lane dy sproght.    
+17O	3	6		510	As cha beeagh lesh e laueyn y choyrt er Mordecai ny-lomarcan, son v'ad er n'insh  da mychione pobble Vordecai: hir Haman er-y-fa shen, caa dy stroie ooilley ny Hewnyn  va trooid magh slane reeriaght Ahasuerus, eer pobble Vordecai.    
+17O	3	7		520	Ayns y chied vee (ta shen yn vee Nisan) ayns y nah vlein yeig jeh reill Ahasuerus,  hilg ad Pur, ta shen, yn lot, fenish Haman, laa lurg laa, as veih mee dy mee, gys  y nah vee yeig, ta shen, yn vee Adar.    
+17O	3	8		530	As dooyrt Haman rish ree Ahasuerus, Ta ashoon dy leih t'er skeayley dy lhean  mastey dty phobble, ayns dy chooilley ard jeh dty reeriaght, as ta leighyn oc er-lheh  noi leighyn dy chooilley phobble, chamoo t'ad freayll leighyn y ree, er-y-fa shen  cha vel eh son vondeish y ree dy chur raad daue.    
+17O	3	9		540	My s'gooidsave lesh y ree, lhig da oardagh ve jeant, dy bee ad er nyn stroie:  as eeck-yms jeih thousane talent dy argid gys tashtaghyn y ree, liorish ny laueyn  ocsyn vees currym yn obbyr shoh orroo.    
+17O	3	10		550	As ghow yn ree fainey jeh e laue, as hug eh eh da Haman mac Hammedatha yn Agagite,  noid ny Hewnyn.    
+17O	3	11		560	As dooyrt y ree rish Haman, Lhiat hene yn argid, as y sleih myrgeddin, dy yannoo  roo lurg dty aigney hene.    
+17O	3	12		570	Eisht va scrudeyryn y ree er ny eam yn trass laa yeig jeh yn chied vee, as  ve scruit cordail rish ooilley ny doardee Haman dauesyn v'ayns pooar fo yn ree, gys  ny kiannoortyn va harrish dy chooilley heer, as fir reill dagh pobble, cordail rish  yn aght screeuee oc hene, as gys dy chooilley ashoon lurg nyn ghlare; ayns ennym ree Ahasuerus  hie eh er scrieu, as ve sealit lesh fainey 
+17O	3	13		580	As hie ny screeunyn lesh postyn gys ooilley cheeraghyn y ree, dy choyrt mow,  dy varroo, as dy stroie ooilley ny Hewnyn, chammah aeg as shenn, cloan aegey as mraane  'syn un laa, eer y trass laa yeig jeh'n nah vee yeig (ta shen yn vee Adar) as dy  ghoaill y chooid oc son spooilley.    
+17O	3	14		590	Va copy yn order son dagh cheer, er ny ockley magh da dy chooilley phobble,  ad dy ve aarloo er y laa shen.    
+17O	3	15		600	Hie ny postyn magh ayns fiyr, liorish sarey yn ree, as va'n oardagh jeant ayns  Shushan y phlaase: as hoie yn ree as Haman sheese dy iu, agh va (ny Hewnyn ayns)  ard-valley Shushan dy mooar seaghnit.
+17O	4	1		610	Tra cheayll Mordecai kys myr ve kiarit, raip Mordecai e choamrey as hug eh er  aanrit-sack lesh leoie, as hie eh magh gys mean yn ard-valley, as cheayn eh lesh  coraa ard as sharroo.    
+17O	4	2		620	As haink eh roish giat y ree: son cha row unnane erbee dy gholl stiagh er giat  y ree ayns aanrit-sack.   
+17O	4	3		630	As ayns dy chooilley heer, raad erbee dy daink oardagh y ree, va dobberan trome  mastey ny Hewnyn, as trostey, as keayney, as yllaghey, as lhie ymmodee ayns aanrit  sack as leoie.   
+17O	4	4		640	Er shoh haink sharvaantyn Esther, as ny shamyrderyn eck, as dinsh ad shoh jee:  eisht va'n ven-rein erskyn towse seaghnit, as hug ee coamrey dy chur er Mordecai,  as dy ghoaill jeh yn aanrit-sack: agh cha ghow eh eh.   
+17O	4	5		650	Eisht deie Esther son Hatach fer jeh shamyrderyn y ree, va pointit dy hirveish  urree, as hug ee lesh chaghteraght gys Mordecai, dy gheddyn fys kys va shoh, as cre'n-fa  ve.   
+17O	4	6		660	Er shoh hie Hatach magh gys Mordecai, ayns straid yn ard-valley, va roish giat  y ree.
+17O	4	7		670	As dinsh Mordecai dasyn ooilley ny v'er daghyrt da, as mychione yn sym dy argid  yiall Haman dy eeck stiagh gys tashtaghyn y ree, son kied dy stroie ny Hewnyn.    
+17O	4	8		680	Hug eh da myrgeddin copy jeh'n oardagh v'er ny choyrt ec Shushan dy stroie ad  dy yeeaghyn eh da Esther, as dy choyrt jee toiggal jeh, as dy churmal ee dy gholl  stiagh gys y ree, dy yannoo aghin huggey, as dy ghuee son foayr ayns lieh yn pobble  eck.   
+17O	4	9		690	As haink Hatach, as dinsh eh da Esther goan Vordecai.   
+17O	4	10		700	Reesht loayr Esther rish Hatach, as hug ee eh er chaghteraght gys Mordecai;    
+17O	4	11		710	Ta fys ec ooilley sharvaantyn y ree, as pobble cheeraghyn y ree, quoi-erbee,  lhig da ve dooinney ny ben, hig fenish y ree gys y chooyrt sodjey-stiagh, gyn ad  veeit, ta un leigh ayn dy chur ad gy-baase, er-lhimmey jeusyn huc nee yn ree sheeyney  magh yn lorg airh reeoil, dy choyrt e vioys da: agh cha vel mish er ve eit dy heet fenish  y ree rish jeih laghyn as feed.
+17O	4	12		720	As dinsh ad da Mordecai goan Esther.
+17O	4	13		730	Eisht doardee Mordecai dy ansoor Esther, Ny smooinee rhyt hene, dy jean uss  scapail ayns thie yn ree veg share na ooilley ny Hewnyn.   
+17O	4	14		740	Son my vees oo ooilley cooidjagh dty host ec y traa shoh, eisht nee feaysley  as livrey-ys da ny Hewnyn troggal veih boayl elley, agh bee uss as thie dty ayrey  er nyn stroie: as quoi ec ta fys, nagh vel oo er jeet gys y reeriaght, cour lheid  y traa shoh?   
+17O	4	15		750	Eisht doardee Esther daue dy chur yn ansoor shoh da Mordecai.   
+17O	4	16		760	Immee as chaggil cooidjagh ooilley ny Hewnyn t'ayns Shushan, as trosht-jee  er my hon's, as ny jean-jee gee ny giu son three laa, oie ny laa: neem's as my vraane  aegey myr geddyn trostey, as eisht hem stiagh gys y ree, red nagh vel cordail rish  y leigh: as my ta mee kiarit son cherraghtyn, lhig dou cherraghtyn.
+17O	4	17		770	Er shoh hie Mordecai roish, as ren eh cordail rish ooilley ny va Esther er  harey eh.
+17O	5	1		780	Nish haink eh gy-kione er y trass laa, dy dug Esther urree e coamrey reeoil,  as hass ee ayns y chooyrt sodjey stiagh jeh thie yn ree, jeeragh er thie yn ree:  as va'n ree ny hoie er e stoyl-reeoil ayns thie yn ree, jeeragh er giat y thie.    
+17O	5	2		790	As ve myr shen, tra honnick y ree Esther yn ven-rein shassoo ayns y chooyrt,  dy dooar ee foayr ayns e hilley: as heeyn y ree magh da Esther yn lorg airh reeoil  v'ayns e laue: myr shen hayrn Esther er gerrey, as venn ee rish kione y lorg-reeoil.    
+17O	5	3		800	Eisht dooyrt y ree, Cre ta dty yeearree, ven-rein Esther? as cre ta dty aghin?  bee eh eer er ny choyrt dhyt, gys derrey lieh yn reeriaght.   
+17O	5	4		810	As dreggyr Esther, My s'gooidsave lesh y ree, lhig da'n ree as Haman cheet yn  laa jiu gys ny cuirraghyn ta mec er chiarail er e hon.   
+17O	5	5		820	Eisht dooyrt y ree, ny lhig da Haman lhiggey shaghey dy yannoo myr ta Esther  er ghra: myr shen haink y ree as Haman gys ny cuirraghyn, va Esther er n'aarlaghey.    
+17O	5	6		830	As dooyrt y ree rish Esther, ec y yien feeyney, Cre ta dty accan? as bee eh  giallit dhyt: as cre ta dty yeearree? gys eer y derrey lieh jeh'n reeriaght, vees  eh cooilleenit. 
+17O	5	7		840	Eisht dreggyr Esther, as dooyrt ee, My accan, as my yeearree te;     
+17O	5	8		850	My ta mee er gheddyn foayr ayns shilley yn ree, as my s'gooidsave lesh y ree  dy yialdyn dou my accan, as dy chooilleeney my yeearree, lhig da'n ree as Haman cheet  gys y yien ta mee kiarail er nyn son, as neem's mairagh myr ta'n ree er ghra.     
+17O	5	9		860	Eisht hie Haman magh yn laa shen ayns ard-voggey, as gennallys e chree: agh  tra honnick Haman Mordecai ayns giat y ree, nagh hass eh seose, as nagh chroym eh  huggey, v'eh ayns farg dewil noi Mordecai.    
+17O	5	10		870	Ny-yeih, chum Haman er hene, as tra haink eh thie, hug eh fys er e chaarjyn,  as Zeresh e ven.    
+17O	5	11		880	As dinsh Haman daue mychione gloyr e verchys, as earroo mooar e chloan, as  ooilley yn ooashley va'n ree stowal er, as kys v'eh er hoiaghey seose eh erskyn ny  princeyn, as ard-gheiney yn ree.    
+17O	5	12		890	Dooyrt Haman ny sodjey, Cha ren Esther y ven-rein cuirrey dooinney erbee marish  y ree gys y yien v'ee er n'aarlaghey agh mee hene, as mairagh myrgeddin t'ee er m'y   chuirrey dy ve marish y ree.    
+17O	5	13		900	Ny-yeih cha vel ooilley shoh jannoo ven y vie dou, choud as ta mee fakin Mordecai  yn Ew ny hoie ec giat y ree.    
+17O	5	14		910	Eisht dooyrt Zeresh e ven, as ooilley e chaarjyn rish, Lhig da criy ve troggit  jeih cubityn as da-eed er yrjid, as mairagh  loayr uss rish y ree, son Mordecai dy  ve croghit er: eisht immee uss dy gennal marish y ree gys y yien. As by-laik lesh  Haman y choyrle shoh, as doardee eh criy dy ve jeant.         
+17O	6	1		920	Er yn oie shen cha daink cadley er y ree, as doardee eh lioar recortyssyn y  reeriaght dy ve er ny choyrt, lesh huggey, as v'ad lhaiht ayns clashtyn y ree.    
+17O	6	2		930	As ve er ny gheddyn scruit, dy row Mordecai er hoilshaghey mychione Bigthana  as Teresh, jees jeh shamyrderyn y ree, va currym y dorrys orroo, hug nyn goyrle dy  cheilley dy chur ree Ahasuerus gy-baase.   
+17O	6	3		940	As dooyrt y ree, Lesh cre'n ooashley as onnor ta Mordecai er ny ve cooilleenit  son shoh? Eisht dooyrt fir-oik y ree va mygeayrt-y-mysh, Cha vel veg jeant er e hon.
+17O	6	4		950	As dooyrt y ree, Quoi t'ayns y chooyrt? (nish va Haman er jeet gys y chooyrt  mooie jeh thie yn ree, dy loayrt rish y ree, son Mordecai dy ve croghit er y chriy  v'eh er chiarail ny chour.   
+17O	6	5		960	As dooyrt fir-oik y ree rish, Cur-my-ner ta Haman ny hassoo 'sy chooyrt. As  dooyrt y ree, Lhig da cheet stiagh.   
+17O	6	6		970	Er shoh haink Haman stiagh: as dooyrt y ree rish, Cre vees jeant rish y dooinney,  s'gooidsave lesh y ree dy hroggal gys y stayd smoo dy ard-ooashley? (nish smooinee  Haman ayns e chree, Quoi ayns smoo ghoghe y ree taitnys dy hroggal gys ard-ooashley  syrjey na mee hene?)   
+17O	6	7		980	As dreggyr Haman y ree, Da'n dooinney ta'n ree aggindagh dy hoilshaghey yn onnor  shoh,   
+17O	6	8		990	Lhig da'n coamrey reeoil, lheid as ta'n ree cliaghtey ceau, ve er ny choyrt  lesh, as cabbyl-markiagh y ree, as y crown reeoil t'er e chione:   
+17O	6	9		1000	As lhig da'n coamrey shoh, as y cabbyl ve livreit da fer jeh princeyn s'ooasle  y ree, dy choamrey yn dooinney lesh, ayn ta'n ree er ghoaill taitnys dy hroggal gys  yn ard-ooashley shoh, as cur-jee lhieu eh markiagh trooid straidyn yn ard-valley,  as fockley magh roishyn, Shoh myr vees jeant son y dooinney s'gooidsave lesh y ree dy choamrey  lesh ooashley.   
+17O	6	10		1010	Eisht dooyrt y ree rish Haman, Jean siyr, as gow yn coamrey, as y cabbyl, myr  t'ou hene er ghra, as jean eer myr shoh rish Mordecai yn Ew, ta ny hoie ec giat y  ree: ny lhig da veg ve faagit gyn jannoo jeh ny t'ou er ghra.   
+17O	6	11		1020	Eisht ghow Haman yn coamrey as y cabbyl, as choamree eh Mordecai, as hug eh  lesh eh er mooin chabbyl trooid straidyn yn ard-valley, as ren eh fockley magh roish,  Myr shoh vees eh jeant rish y dooinney, ayn ta'n ree goaill taitnys dy hroggal yn  ard-ooashley shoh.
+17O	6	12		1030	As haink Mordecai reesht gys giat y ree: agh ren Haman siyr gys e hie, dobberan,  as lesh e chione coodit.   
+17O	6	13		1040	As dinsh Haman da Zeresh e ven, as da ooilley e chaarjyn, dy chooilley nhee  v'er daghyrt da. Eisht dooyrt e gheiney creeney, as Zeresh e ven, rish, My ta Mordecai  jeh sluight ny Hewnyn, roishyn t'ou er n'yannoo toshiaght dy huittym, cha vod oo  cosney er, agh tuittee oo son shickyrys fosyn.   
+17O	6	14		1050	As choud as v'ad foast loayrt rish, haink shamyrderyn y ree, as ayns siyr dy  chur lhieu Haman gys ny cuirraghyn va Esther er gheddyn aarloo. 
+17O	7	1		1060	Myr shen haink y ree as Haman gys ny cuirraghyn, marish Esther yn ven-rein.    
+17O	7	2		1070	As dooyrt y ree reesht rish Esther er y nah laa, ec y yien-feeyney, Cre ta dty  yeearree, ven-rein Esther? as bee eh ayd: as cre ta dty aghin? as bee eh cooilleenit  gys eer yn derrey lieh jeh'n reeriaght.   
+17O	7	3		1080	Eisht dreggyr Esther yn ven-rein, as dooyrt ee, My ta mee er gheddyn foayr ayns  dty hilley's, O ree, as my s'gooidsave lesh y ree, lhig da my vioys 've aym er my  accan, as my phobble er my aghin.   
+17O	7	4		1090	Son ta shin creckit, mish as my phobble, dy ve stroit, dy ve coyrt gy-baase,  as dy herraghtyn: agh dy beagh shin creckit son deiney bondiaght, as mraane bondiaght,  cha beign er vosley my veeal, ga nagh voddagh y noid lhiasaghey 'yannoo da'n ree  son y coayll.   
+17O	7	5		1100	Eisht dreggyr ree Ahasuerus, as dooyrt eh rish Esther yn ven-rein, Quoi eh-hene?  as c'raad t'eh sloys da ayns e chree dy yannoo shoh?
+17O	7	6		1110	As dooyrt Esther, Yn noid, as y tranlaasagh, yn Haman custey shoh: eisht huitt  aggle er Haman fenish y ree as y ven-rein.   
+17O	7	7		1120	As dirree yn ree veih'n yien-feeyney ayns e eulys, as hie eh gys garey yn phlaase;  as hass Haman seose dy yannoo aghin son e vioys gys Esther yn ven-rein: son honnick  eh dy row olk kiarit n'oi liorish y ree.   
+17O	7	8		1130	Eisht haink y ree ass garey yn phlaase gys room y yien-feeyney, as va Haman  er duittym er y chouch er va Esther ny soie. Eisht dooyrt y ree, Vel eh son goaill  er-egin yn ven-rein myrgeddin roish my hooillyn ayns my hie hene? Cha row yn fockle  ny sleaie ass beeal y ree nagh choodee ad eddin Haman.
+17O	7	9		1140	As dooyrt Harbonah, fer jeh shamyrderyn y ree, kiongoyrt rish y ree, Cur-my  ner ta'n chriy jeh jeih cubityn as da-eed er yrjid, va Haman er hroggal son Mordecai  v'er hoilshaghey yn olk va kiarit noi yn ree, ny hassoo roish thie Haman. Eisht dooyrt  y ree, Crogh-jee eh-hene er.   
+17O	7	10		1150	Myr shen hrogh ad Haman er y chriy v'eh er chiarail son Mordecai. Eisht va  jymmoose y ree er ny veeinaghey. 
+17O	8	1		1160	Er y laa shen livrey ree Ahasuerus thie Haman noid ny Hewnyn, gys Esther yn  ven-rein: as haink Mordecai kionfenish y ree; son va Esther er hoilshaghey cre v'eh  jeeish.   
+17O	8	2		1170	As ghow yn ree yn fainey v'eh er ghoaill voish Haman, as hug eh eh da Mordecai.  As hoie Esther Mordecai harrish thie Haman.   
+17O	8	3		1180	As loayr Esther reesht fenish y ree, as huitt ee sheese ec e chassyn, as ghuee  ee lesh jeir, dy lhiettal olkys Haman yn Agagite, as e ghrogh choyrle va ayns e chree  noi 
+17O	8	4		1190	As heeyn y ree magh yn lorg airh reeoil gys Esther. Er shoh dirree Esther, as  hass e kiongoyrt rish y ree:   
+17O	8	5		1200	As dooyrt ee, My s'gooidsave lesh y ree, as my ta mee er gheddyn foayr ayns  e hilley, as my chooish cairagh kiongoyrt rish y ree, as mee hene pleasal ayns e  hooillyn, lhig da order 've jeant dy yannoo dyn bree ny screeunyn currit magh liorish  Haman mac Hammedatha yn Agagite, dy stroie ny Hewnyn t'ayns ooilley rheamyn y ree: 
+17O	8	6		1210	Son kys oddym's surranse dy akin lheid y chragh dy heet er my phobble? ny kys  oddym's gymmyrkey toyrt-mow my chynney. 
+17O	8	7		1220	Eisht dooyrt ree Ahasuerus rish Esther yn ven-rein, as rish Mordecai yn Ew,  Cur-my-ner, ta mee er livrey gys Esther thie Haman, as eh-hene t'ad er chroghey er  y chriy, son dy hrog eh e laue noi ny Hewnyn. 
+17O	8	8		1230	Scrieu-jee myrgeddin ayns lieh ny Hewnyn, myr sailliu, ayns ennym y ree, as  seal-jee eh lesh fainey yn ree: son yn order ta scruit ayns ennym y ree, as sealit  lesh fainey yn ree, cha jig lesh dooinney er bee goll n'oi.   
+17O	8	9		1240	Eisht va scrudeyryn y ree er nyn eam ec y traa cheddin 'sy trass vee (ta shen  yn vee Sivan) er y trass laa as feed jeh'n vee cheddin, as ve scruit (cordail rish  ooilley ny va Mordecai er harey) gys ny Hewnyn, as gys ny kiannoortyn, as ny briwnyn,  as fir reill ny cheeraghtyn, voish India gys Ethiopia, shey-feed as shiaght rheamyn,  gys dagh rheam cordail rish y scrieu oc hene, as gys dy chooilley phobble lurg nyn  ghlare, as gys ny Hewnyn cordail rish y scrieu, as y ghlare oc hene.   
+17O	8	10		1250	As scrieu eh ayns ennym ree Ahasuerus, as seal eh eh lesh fainey yn ree, as  hug eh screeunyn lesh postyn er cabbil, as markee er muleyn, camelyn, as dromedareeyn  aegey:
+17O	8	11		1260	Lioroo va'n ree er lowal da ny Hewnyn, va ayns dy chooilley ard-valley, dy  haglym ad-hene cooidjagh, as dy hassoo son nyn mioys, dy stroie, dy varroo, as dy  choyrt mow slane pooar y pobble, as y rheam yinnagh soiagh orroo, chammah cloan veggey  as mraane, as dy ghoaill yn chooid oc son spooilley: 
+17O	8	12		1270	Er un laa, ayns ooilley rheamyn ree Ahasuerus, ta shen dy ghra, er yn trass  laa yeig jeh'n nah vee yeig ta shen, yn vee Adar.   
+17O	8	13		1280	Va copy jeh'n order son sarey dy ve er ny choyrt ayns dy chooilley rheam, focklit  magh gys dy chooilley phobble: as dy beagh ny Hewnyn aarloo ry-hoi yn laa shen, dy  ghoaill cooilleen er nyn noidyn:   
+17O	8	14		1290	Myr shen hie ny postyn va markiagh er muleyn, as camelyn magh, ayns dy chooilley  hiyr, myr v'ad eginit liorish sarey yn ree; as va'n decree focklit magh ec Shushan  y phlaase.   
+17O	8	15		1300	As hie Mordecai magh veih fenish y ree, ayns coamrey reeoil dy ghorrym as bane,  as lesh crown mooar dy airh, as lesh garmad sheeidey purple: as va ard-voggey as  gennallys trooid ooilley ard-valley Shushan:   
+17O	8	16		1310	Va ec ny Hewnyn, soilshey, as gennallys, as boggey, as ooashley.   
+17O	8	17		1320	As ayns dy chooilley rheam, as ayns dy chooilley ard-valley, raad erbee dy  daink sarey as decree yn ree, va boggey as gennallys, cuirraghyn as laa dy yien mie:  as haink ymmodee jeh pobble y cheer harrish gys credjue ny Hewnyn: as v'ad ayns aggle  roish ny Hewnyn.
+17O	9	1		1330	Nish ayns y nah vee yeig (ta shen yn vee Adar) er y trass laa yeig jeh'n vee  cheddin, myr va'n traa tayrn er-gerrey, dy row sarey as decree yn ree dy ve cooilleenit,  er y laa va noidyn ny Hewnyn treishteil dy gheddyn barriaght harrystoo, (ga dy row  eh kiarit er aght elley, dy row ec ny Hewnyn laue yn eaghtyr harrish nyn noidyn.)    
+17O	9	2		1340	Haggil ny Hewnyn ad-hene cooidjagh ayns nyn ard-valjyn, trooid magh ooilley  rheamyn ree Ahasuerus, dy gholl laue roosyn va son cur mow ad; as cha dod dooinney  erbee shassoo roue: son huitt yn aggle oc er dy chooilley phobble.   
+17O	9	3		1350	As ren ooilley fir-reill ny rheamyn, as ny kiannoortyn, as ny briwnyn, as offishearyn  y ree, cooney lesh ny Hewnyn: er-yn-oyr dy row aggle Vordecai er duittym orroo.    
+17O	9	4		1360	Son va Mordecai pooaral ayns thie yn ree, as hie goo jeh magh trooid ooilley  ny cheeraghyn: son daase y chooilley shoh Mordecai ny smoo as ny smoo.   
+17O	9	5		1370	Myr shoh woaill ny Hewnyn ooilley nyn noidyn lesh foyr y chliwe, as lesh cragh,  as toyrt-mow, as ren ad cre bailloo rish nyn noidyn.   
+17O	9	6		1380	As ayns Shushan y phlaase, varr as stroie ny Hewnyn queig cheead dooinney.    
+17O	9	7		1390	As Parshandatha, as Dalphon, as Aspatha,   
+17O	9	8		1400	As Poratha, as Adalia, as Aridatha,    
+17O	9	9		1410	As Parmashta as Arisai as Aridai, as Vejezatha,    
+17O	9	10		1420	Jeih mec Haman mac Hanmedatha, noid ny Hewnyn, ren ad y varroo; agh er y spooilley  cha dug ad nyn laue.
+17O	9	11		1430	Er y laa shen, va'n earroo ocsyn va stroit ayns Shushan y phlaase, er ny choyrt  stiagh gys v ree.   
+17O	9	12		1440	As dooyrt y ree rish Esther yn ven-rein, Ta ny Hewnyn er varroo as er stroie  queig cheead dooinney ayns Shushan y phlaase, as jeih mec Haman; cre t'ad er n'yannoo  ayns rheamyn elley yn ree? nish cre ta dty accan? as bee eh ayd: as cre sodjey t'ou  dy yeearree? as bee eh cooilleenit.   
+17O	9	13		1450	Eisht dooyrt Esther, My s'gooidsave lesh y ree, lhig da ve lowit da ny Hewnyn  t'ayns Shushan dy yannoo mairagh, cordail rish decree yn laa shoh, as lhig da jeih  mec Haman ve croghit er y chriy.   
+17O	9	14		1460	As doardee yn ree shen dy ve jeant: as haink y decree magh ayns Shushan, as  hrogh ad jeih mec Haman.   
+17O	9	15		1470	As haggil ny Hewnyn v'ayns Shushan ad-hene cooidjagh, er y chiarroo laa yeig  myrgeddin jeh'n vee Adar, as varr ad three cheead dooinney ayns Shushan: agh er y  spooilley cha dug ad laue. 
+17O	9	16		1480	Agh ny Hewnyn elley v'ayns rheamyn y ree, haggil ad ad-hene cooidjagh, as hass  ad seose son nyn mioys, as va fea oc veih nyn noidyn, as varr ad jeh nyn noidyn three-feed  as queig thousaneyn jeig; agh cha dug ad laue er y spooilley.   
+17O	9	17		1490	Er y trass laa yeig jeh'n vee Adar, as er y chiarroo laa yeig jeh'n vee cheddin,  ghow ad fea, as ren ad eh laa son cuirraghyn as gien mie.   
+17O	9	18		1500	Agh haggil ny Hewnyn va ec Shushan cooidjagh er y trass laa yeig as er y chiarroo  laa yeig jeh'n vee cheddin, as er y wheiggoo laa yeig ghow ad fea, as ren ad eh laa  son cuirraghyn as gennallys.   
+17O	9	19		1510	Er shoh ren Hewnyn ny baljyn-cheerey, as cummaltee ny baljyn-foshlit, yn chiarroo  laa yeig jeh'n vee Adar, laa son gennallys, as cuirraghyn, as ard feailley, as dy  stowal giootyn er y cheilley.   
+17O	9	20		1520	As scrieu Mordecai ny reddyn shoh,as hug eh screeunyn gys ooilley ny Hewnyn  v'ayns ooilley rheamyn ree Ahasuerus, chammah foddey as gerrit,   
+17O	9	21		1530	Shoh dy gholl myr leigh ny mast' oc, ad dy reayll yn chiarroo laa yeig jeh'n  vee Adar, as y wheiggoo laa yeig jeh'n vee cheddin dy chooilley vlein;   
+17O	9	22		1540	Son dy dooar ny Hewnyn er ny laghyn shen fea veih nyn noidyn, as dy row yn  vee shen er ny hyndaa veih trimshey gys gennallys, as veih dobberan, gys laa bannee:  dy yannoo laghyn dy chuirraghyn as gien mie, as dy choyrt giootyn yn derrey yeh gys  y jeh elley, as cooney gys ny boghtyn.   
+17O	9	23		1550	As chiare ny Hewnyn dy yannoo myr v'ad er n'ghoaill toshiaght, as myr va Mordecai  er scrieu huc.   
+17O	9	24		1560	Er-yn-oyr dy row Haman, mac Hammedatha yn Agagite, ard noid ooilley ny Hewnyn,  er chiarail olk noi ny Hewnyn dy stroie ad, as dy row eh er cheau Pur (ta shen yn  lot) dy chur mow as dy yiarey ad jeh.
+17O	9	25		1570	Agh tra haink Esther fenish y ree, doardee eh liorish screeunyn, dy beagh yn  olk v'eh er chiarail noi ny Hewnyn chyndait er e chione hene, as dy beagh eh-hene  as e vec croghit er y chriy.
+17O	9	26		1580	Er-y-fa shen, denmys ad ny laghyn shen Purim, lurg ennym Pur, er coontey ooilley  focklyn y screeuyn shoh, as shen ny v'ad er n'akin mychione y chooish shoh, as ny  va er jeet orroo,
+17O	9	27		1590	Doardee ny Hewnyn, as ghow ad orroo hene, as er nyn sluight, as er ooilley  ny ren lhiantyn huc; nagh lhiggagh ad sheese yn daa laa shoh, dy reayll ad feailley  cordail rish yn order, as cordail rish yn traa pointit dy chooilley vlein;
+17O	9	28		1600	As dy beagh ny laghyn shoh er nyn vreayll ayns imraa as cooinaghtyn, trooid  dy chooilley heeloghe, ayns dy chooilley lught-thie, as dy chooilley rheam, as dy  chooilley ard-valley: as nagh row ny laghyn shoh jeh Purim dy ve lhiggit sheese mastey  ny Hewnyn, ny yn chooinaghtyn jeu dy herraghtyn veih nyn sluight.
+17O	9	29		1610	Eisht scrieu Esther yn ven-rein, inneen Abihail, as Mordecai yn Ew, lesh slane  pooar, dy choyrt ayns bree yn screeuyn elley shoh son Purim.    
+17O	9	30		1620	As hug eh ny screeunyn magh gys ooilley ny Hewnyn v'ayns ny shey-feed as shiaght  rheamyn jeh reeriaght Ahasuerus, lesh goan dy hee as dy hickyrys;    
+17O	9	31		1630	Dy reayll ny laghyn shoh jeh Purim, ayns nyn imbagh cooie, myr va Mordecai  yn Ew, as Esther yn ven-rein er choyrt currym orroo, as myr v'ad er n'oardaghey er  nyn son hene, as son nyn sluight er coontey yn trostey as y dobberan oc.    
+17O	9	32		1640	As va ny cooishyn shoh mychione Purim jeant mie liorish decree Esther: as ve  currit er recort.  
+17O	10	1		1650	As hug ree Ahasuerus y cheer, as ellanyn ny marrey fo keesh.
+17O	10	2		1660	As ooilley obbraghyn e phooar, as e niart, as y stayd ooasle, huggey va'n ree  er hroggal Mordecai, nagh vel ad scruit ayns lioar recortyssyn reeaghyn Vedia as  Phersia?    
+17O	10	3		1670	Son va Mordecai yn Ew yn fer by-niessey da ree Ahasuerus, as ard mastey ny  Hewnyn as soit jeh liorish earroo e chaarjyn, imneagh son maynrys e phobble, as cur  er y hoshiaght shee ooilley e chynney. 
+32O	1	1		1680	Nish haink goo yn Chiarn gys Jonah mac Amittai gra,
+32O	1	2		1690	Trog ort, immee gys Nineveh yn ard valley mooar shen, as trog seose dty choraa  noi eck, son ta'n mee chraueeaght oc er jeet seose kiongoyrt rhym.
+32O	1	3		1700	Agh dirree Jonah seose dy roie er-chea gys Tarshish veih fenish y Chiarn, as  hie eh sheese gys Joppa; as hooar eh lhong goll gys Tarshish: myr shen deeck eh yn  leagh-shiaullee, as hie eh er boayrd, dy gholl maroo gys Tarshish, veih fenish y  Chiarn. 
+32O	1	4		1710	Agh hug y Chiarn magh geay vooar er yn aarkey, as va sterrym dorrinagh ayns  y cheayn, myr shen dy row yn lhong ayns gaue brishey.
+32O	1	5		1720	Eisht va aggle er ny marrinee, as deie ad dagh dooinney gys e yee, as hilg ad  magh yn chooid v'er boayrd 'sy cheayn, dy eddrymaghey yn lhong: agh va Jonah ersooyl  sheese 'sy chabbane, as lhie eh, as v'eh trome ny chadley.
+32O	1	6		1730	Myr shen haink mainshtyr y lhong huggey, as dooyrt eh rish, Kys t'ou cadley  myr shoh, y chadlag? irree, eie er dty Yee, my she shen dy jean Jee smooinaghtyn  orrin, nagh bee mayd caillit.
+32O	1	7		1740	As dooyrt ad, dagh fer rish e heshey, Tar-jee, as lhig dooin lottyn y hayrn,  dy vod fys y ve ain, quoi by-chyndagh ta'n olk shoh er jeet orrin. Myr shen hilg  ad lottyn, as huitt y  lot er Jonah.
+32O	1	8		1750	Eisht dooyrt ad rish, Insh dooin, ta shin guee ort, quoi by-chyndagh ta'n olk  shoh er jeet orrin: cre ta dty aght beaghee? as cre voish t'ou? cre'n cheer t'ou  jeh? as cre'n sleih t'ou jeh?
+32O	1	9		1760	As dooyrt eh roo, She Hebrew mee, as ta mee goaill aggle roish y Chiarn, Jee  ny flaunys, t'er chroo yn aarkey as y thalloo chirrym.
+32O	1	10		1770	Eisht va ny deiney erskyn-towse agglagh, as dooyrt ad rish, Cre'n-fa t'ou uss  er n'yannoo shoh? (son va fys ec ny deiney dy row eh er-chea veih fenish y Chiarn,  son v'eh er n'insh daue).
+32O	1	11		1780	Eisht dooyrt ad rish, Cre nee mayd rhyt, dy vod y keayn ve kiune dooin? (son  va'n keayn freaney, as erskyn-towse stermagh).
+32O	1	12		1790	As dooyrt eh roo, Trog-jee mee seose, as tilg-jee mee magh 'sy cheayn; myr  shen vees y keayn kiune diuish: son ta fys aym dy nee by-chyndagh rhym's ta'n sterrym  mooar shoh er jeet erriu.
+32O	1	13		1800	. Ny-yeih, ren ny deiney gymmyrt dy doccaragh, dy chosney yn thalloo, agh cha  voddagh ad roshtyn, son va'n keayn freaney, as dowil-dorrinagh noi oc.
+32O	1	14		1810	Shen-y-fa, deie ad gys y Chiarn, as dooyrt ad, Ta shin guee ort, O Hiarn, ta  shin guee ort, ny lhig dooin cherraghtyn son bioys yn dooinney shoh, as ny cur gys  nyn lieh yn uill gyn-loght; son t'ou uss, O Hiarn, er n'yannoo myr s'gooidsave lhiat.
+32O	1	15		1820	Myr shen hrog ad seose Jonah, as hilg ad eh magh 'sy cheayn, as ghow yn aarkey  kiunid veih freaney.
+32O	1	16		1830	Eisht ghow ny deiney aggle roish y Chiarn erskyn-towse, as ren ad breearrey  dy hebbal oural da'n Chiarn.
+32O	1	17		1840	Nish va'n Chiarn er chiarail eeast mooar dy lhuggey seose Jonah, as va Jonah  ayns bolg yn eeast, three laa as three oieghyn. 
+32O	2	1		1850	Eisht ghow Jonah padjer gys y Chiarn e Yee veih bolg yn eeast,
+32O	2	2		1860	As dooyrt eh, Deie mee kyndagh rish my heaghyn gys y Chiarn, as ren eh my chlashtyn;  veih diunid yn oaie deie mee, as cheayll oo my choraa   
+32O	2	3		1870	Son t'ou er my hilgey ayns y diunid, ayns mean ny marrey, as haink ny thooillaghyn  mygeayrt-y-moom, ta ooilley ny ushtaghyn as ny tonnyn ayd's er n'gholl harrym.
+32O	2	4		1880	Eisht dooyrt mee Ta mee ceaut magh ass dty hilley; agh ny yeih nee'm jeeaghyn  reesht lesh dty hiamble casherick.
+32O	2	5		1890	Haink ny ushtaghyn mygeayrt-y-moom, eer gys my annym: ren y diunid m'y chruinnaghey  mygeayrt, va'n amlagh cast mysh my chione.
+32O	2	6		1900	Hie mee sheese choud's undin ny sleityn; bee yn thalloo as ny barryn eck my-geayrt-y-moom  dy bragh, mannagh jean oo my vioys y livrey veih toyrt-mow, O Hiarn my Yee.
+32O	2	7		1910	Tra ren my annym gannooinaghey cheu sthie jee'm, chooinee mee er y Chiarn, as  haink my phadjer stiagh hood, gys dty hiamble casherick.
+32O	2	8		1920	T'adsyn, ta cur geill da fardalyssyn breagagh, treigeil nyn myghin hene.
+32O	2	9		1930	Agh chebb-yms oural dhyt lesh y choraa dy hoyrt-booise, eeck-ym shen ny ta mee  er vreearrey: ta saualtys veih'n Chiarn.
+32O	2	10		1940	As hug y Chiarn currym er yn eeast, as hilg eh magh Jonah er y thalloo chirrym.
+32O	3	1		1950	As haink goo yn Chiarn gys Jonah yn nah cheayrt, gra,
+32O	3	2		1960	Trog ort, immee gys Nineveh yn ard valley mooar shen, as jean preacheil ayn  ny goan ver-ym royd.
+32O	3	3		1970	Myr shen dirree Jonah, as hie eh gys Nineveh cordail rish goo yn Chiarn: (nish  va Nineveh ard-valley feer vooar jeh jurnah three laa.)
+32O	3	4		1980	As ghow Jonah toshiaght dy gholl stiagh 'syn ard-valley lesh jurnah laa, as  dockle eh magh e choraa, as dooyrt eh, Foast ec kione da-eed laa, as bee Nineveh  er ny stroie.
+32O	3	5		1990	Myr shen ren sleih Nineveh credjal ayns Jee, as doardee ad laa troshtee, as  hug ad orroo aanrit-sack veih'n vooinjer b'yrjey jeu, dy jarroo gys yn vooinjer b'inshley  jeu.
+32O	3	6		2000	Son haink y goo gys ree Nineveh, as dirree eh veih e stoyl-reeoil, as hug eh  jeh e choamrey-reeoil, as choodee eh eh-hene lesh aanrit-sack as lhie eh 'sy leoie.
+32O	3	7		2010	As doardee eh eam dy v'er ny ockley-magh, as er ny hoilshaghey trooid Nineveh  (liorish sarey yn ree as e gheiney ooasle) gra, Ny lhig da dooinney ny baagh, shelloo  ny shioltane blaystyn nhee erbee; ny lhig daue goaill beaghey, ny giu ushtey.
+32O	3	8		2020	Agh lhig da dooinney as baagh ve er ny choodaghey lesh aanrit-sack, as geamagh  dy jeean gys Jee: dy jarroo lhig daue chyndaa dy chooilley unnane veih e ghrogh-raad,  as veih'n tranlaase t'ayns nyn laueyn.
+32O	3	9		2030	Quoi ec ta fys my nee Jee chyndaa as meiyghey, as e ymmoose hrome y lhiettal,  nagh jean mayd cherraghtyn?
+32O	3	10		2040	As honnick Jee nyn obbraghyn, dy hyndaa ad veih nyn ghrogh-raad, as ren Jee  meiyghey mychione yn olk, v'eh er chiarail dy choyrt orroo, as cha dug eh orroo eh.
+32O	4	1		2050	Agh va Jonah erskyn-towse jymmoosagh, as v'eh feer chorree.
+32O	4	2		2060	As ghow eh padjer gys y Chiarn, as dooyrt eh, Guee-ym ort, O Hiarn, nagh nee  shoh va my raa, choud as va mee foast ayns my heer hene? shen-y-fa chossyn mee roym  (dy gholl) gys Tarshish: son va fys aym dy vel oo Jee graysoil as myghinagh, moal  gys corree, as jeh kenjallys vooar, as meiygh chreeagh ayns kerraghey.
+32O	4	3		2070	Shen-y-fa nish, O Hiarn, gow, ta mee guee ort, my vioys voym; son te ny share  dooys dy gheddyn baase, na dy ve bio.
+32O	4	4		2080	Eisht dooyrt y Chiarn, Vel uss jannoo dy mie, ayns dy vel oo corree?
+32O	4	5		2090	Er shoh hie Jonah magh ass yn ard valley as hoie eh er cheu-har jeh'n ard valley,  as hrog eh bwaag da hene ayns shen, as hoie eh fo yn scadoo echey, dy chur-my-ner  cre'n erree harragh er yn ard-valley.
+32O	4	6		2100	As chiare yn Chiarn Jee gourd, as hug eh er gaase seose harrish Jonah, son scadoo  harrish e chione, dy gherjaghey eh ayns e hrimshey. My shen ghow Jonah boggey erskyn-towse  jeh'n ghourd.
+32O	4	7		2110	Agh chiare Jee beishteig, moghrey yn laa er-giyn, as woaill eh yn gourd, dy  ren eh fioghey.
+32O	4	8		2120	As haink eh gy-kione, tra dirree yn ghrian, dy doardee Jee geay-niar fowanagh;  as cha lajer shen va chiass ny greiney er kione Yonah, dy huitt eh my-neealloo, as  yeearree eh ayns e chree, dy gheddyn baase, as dooyrt eh, Te ny share dooys dy ve  marroo na dy ve bio.
+32O	4	9		2130	As dooyrt Jee rish Jonah, Vel uss jannoo dy mie, dy vel dty chorree er ny vrasnaghey  son y ghourd? As dooyrt eh, Ta mee jannoo dy mie dy ve corree, eer gys sproght baaish.
+32O	4	10		2140	Eisht dooyrt y Chiarn, Ta chymmey er ve ayd's jeh'n ghourd, er y hon cha vel  oo er laboragh, chamoo she uss hug er gaase, son daase eh ayns oie, as hie eh naardey  ayns oie.
+32O	4	11		2150	As nagh lhisin's sparail Nineveh yn ard-valley mooar shen, ayn ta ny smoo na  shey feed thousane persoon, nagh vel fys oc er nyn laue yesh shaghey nyn laue chiare,  as myrgeddin ymmodee maase?  
+40N	1	1		2160	Lioar sheeloghe Yeesey Creest, mac Ghavid, mac Abraham 
+40N	1	2		2170	Hooar Abraham Isaac, as hooar Isaac Jacob, as hooar Jacob Judas as e vraaraghyn.   
+40N	1	3		2180	As hooar Judas Phares as Zarah rish Thamar, as hooar Phales Esrom, as hooar Esrom  Aram. 
+40N	1	4		2190	As hooar Aram Aminadab, as hooar Aminadab Naason, as hooar Naason Salmon 
+40N	1	5		2200	As hooar Salmon Booz rish Rachab, as hooar Booz Obed rish Ruth, as hooar Obed  Jesse. 
+40N	1	6		2210	As hooar Jesse David yn ree, as hooar David yn ree Solomon reeish v'er ny ve ben  Urias. 
+40N	1	7		2220	As hooar Solomon Roboam, as hooar Roboam Abia, as hooar Abia Asa: 
+40N	1	8		2230	As hooar Asa Josaphat, as hooar Josaphat Joram, as hooar Joram Ozias. 
+40N	1	9		2240	As hooar Ozias Joatham, as hooar Joatham Achaz, as hooar Achaz Ezekias. 
+40N	1	10		2250	As hooar Ezekias Manasses, as hooar Manasses Amon, as hooar Amon Josias. 
+40N	1	11		2260	As hooar Josias Jechonias as e vraaraghyn, mysh traa yn chappeeys Babylonagh.   
+40N	1	12		2270	As rish earish yn chappeeys Babylon agh hooar Jechonias Salathiel, as hooar Salathiel  Zorobabel. 
+40N	1	13		2280	As hooar Zorobabel Abiud, as hooar Abiud Eliakim, as hooar Eliakim Azor. 
+40N	1	14		2290	As hooar Azor Sadoc, as hooar Sadoc Achim, as hooar Achim Eliud. 
+40N	1	15		2300	As hooar Eliud Eliazar, as hooar Eliazar Matthan, as hooar Matthan Jacob. 
+40N	1	16		2310	As hooar Jacob Joseph sheshey Voirrey, j'eeish ruggyr Yeesey, ta enmyssit Creest.   
+40N	1	17		2320	Myr shen ta ooilley ny sheelogheyn veih Abraham gys David, kiare sheelogheyn  jeig: as veih David derrey'n chappeeys ayns Babylon, kiare sheelogheyn jeig: as veih'n  chappeeys ayns Babylon derrey Creest kiare sheelogheyn jeig. 
+40N	1	18		2330	Nish shoh myr haink (Yeesey) Creest er y theihll: Erreish da e voir Moirrey  ve nasht rish Joseph, roish my daink ad dy vaghey cooidjagh, v'ee ry-akin dy ve corrym  liorish yn Spyrryd Noo. 
+40N	1	19		2340	As myr va Joseph e sheshey ny ghooinney cairal, as neu-wooiagh dy choyrt ee gys  nearey foshlit, v'eh smooinaghtyn dy scarrey 
+40N	1	20		2350	Agh choud as va ny reddyn shoh er e aigney, cur-my-ner haink ainle y Chiarn huggey  ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty  ven: son shen t'er ny ghientyn aynjee, te jeh'n Spyrryd Noo. 
+40N	1	21		2360	As ver ee mac son y theihll, as nee oo genmys eh Yeesey, son sauee eh e phobble  veih nyn beccaghyn. 
+40N	1	22		2370	(Shoh myr va er ny chooilleeney ooilley ny loayr y Chiarn liorish y phadeyr,  gra 
+40N	1	23		2380	Cur-my-ner nee moidyn gientyn, as ver ee mac son y theihll, as nee ad genmys  eh Emmanuel, ta shen dy ghra, Jee marin.) 
+40N	1	24		2390	Tra va Joseph eisht er n'irree veih cadley, ren eh myr va ainle y Chiarn er chur  roish, as ghow eh thie e ven: 
+40N	1	25		2400	As cha row veg echey dy yannoo r'ee, derrey hug ee e ynrycan mac son y theihll,  as denmys eh yn ennym echey Yeesey. 
+40N	2	1		2410	Nish tra rug Yeesey ayns Bethlehem dy Yudea, rish lhing ree Herod, cur-my-ner haink  deiney-creeney veih'n shiar gys Jerusalem,
+40N	2	2		2420	Gra, Cre vel ree ny Hewnyn t'er jeet er y theihll? son honnick shin y rollage  echey ayns y shiar, as ta shin er jeet dy chur ooashley da. 
+40N	2	3		2430	Tra cheayll ree Herod shoh, v'eh dy mooar seaghnit, as ooilley Jerusalem marish.   
+40N	2	4		2440	As tra v'eh er symney cooidjagh ooilley ny ard-saggyrtyn, as scrudeyryn y phobble,  denee eh jeu cre'n raad va Creest dy heet er y theihll. 
+40N	2	5		2450	As dooyrt adsyn rish, Ayns Bethlehem dy Yudea: son shoh myr te scruit liorish  y phadeyr: 
+40N	2	6		2460	As uss Vethlehem ayns cheer Yudea, cha nee oo sloo ta mastey princeyn Yuda: son  assyd's hig Kiannoort nee reill my phobble Israel. 
+40N	2	7		2470	Eisht hug Herod fys follit er ny deiney creeney, as deysht eh ad dy imneagh mychione  y traa haink yn rollage rish. 
+40N	2	8		2480	As hug eh ad gys Bethlehem, gra, Immee-jee, as shir-jee magh dy jeidjagh son y  lhiannoo, as tra vees shiu er gheddyn magh eh, tar-jee lesh fys hym's, dy voddym's  neesht cheet as ooashley 'choyrt da. 
+40N	2	9		2490	Erreish daue v'er chlashtyn y ree, jimmee ad rhymboo, as cur-my-ner hie yn rollage  honnick ad ayns y shiar er e toshiaght roue, derrey haink ee, as hass ee erskyn yn  ynnyd raad va'n lhiannoo. 
+40N	2	10		2500	Tra honnick ad y rollage, va boggey erskyn-towse orroo. 
+40N	2	11		2510	As goll stiagh 'sy thie, hooar ad y lhiannoo marish Moirrey e voir, as gliooney  sheese, hug ad ooashley da as fosley ny tashtaghyn oc, heb ad giootyn da; airh, as  frankincense, as myrrh. 
+40N	2	12		2520	As myr va Jee er chur raaue daue ayns ashlish, gyn ad dy hyndaa gys Herod, ghow  ad raad elley gys nyn jeer hene.
+40N	2	13		2530	As tra v'ad er n'immeeaght, cur-my-ner haink ainle y Chiarn gys Joseph ayns ashlish,  gra, Trog ort, gow yn lhiannoo as e voir, cosne royd gys Egypt, as fuirree ayns shen  derrey ver-yms fys hood: son shirree Herod y lhiannoo dy stroie eh. 
+40N	2	14		2540	Eisht dirree eh, as ghow eh yn lhiannoo, as e voir ayns yn oie, as hie eh roish  er-chea gys Egypt: 
+40N	2	15		2550	As shen-y raad v'eh derrey baase Herod: as shoh myr va cooilleenit shen loayr  y Chiarn liorish y phadeyr, gra, Magh ass Egypt deie mee er my vac. 
+40N	2	16		2560	Eisht Herod toiggal dy row eh mollit liorish ny deiney-creeney, v'eh erskyn-towse  eulyssagh, as hug eh magh sarey, as varr eh ooilley ny lhiennoo-mec v'ayns Bethlehem,  as ayns ooilley ny ardjyn shen, veih daa vlein dy eash as fo, corrym rish y traa  v'eh dy imneagh er vriaght jeh ny deiney creeney. 
+40N	2	17		2570	Shen y traa va cooilleenit ny va loayrit liorish Jeremy yn phadeyr, gra, 
+40N	2	18		2580	Ayns Rama va eam treih er ny chlashtyn, yllaghey as keayney, as dobberan hrimshagh,  Rachel keayney son e cloan, as gobbal dy ve er ny gherjaghey, er-yn-oyr nagh row  ad er-mayrn. 
+40N	2	19		2590	Agh lurg baase Herod, cur-my-ner haink ainle y Chiarn ayns ashlish gys Joseph  ayns Egypt, 
+40N	2	20		2600	Gra, Irree, as gow yn lhiannoo as e voir, as immee gys cheer Israel: son t'adsyn  marroo va shleeuit er bioys y lhiannoo. 
+40N	2	21		2610	As dirree eh, as ghow eh yn lhiannoo as e voir, as haink eh gys cheer Israel.   
+40N	2	22		2620	Agh clashtyn dy row Archelaus reill ayns Judea, ayns ynnyd e ayr Herod, va aggle  er dy gholl gys shen: agh myr va Jee er chur roish ayns ashlish, hyndaa eh gys ardjyn  Ghalilee. 
+40N	2	23		2630	As jimmee eh dy chummal ayns ard-valley enmyssit Nazareth: as shoh myr va cooilleenit  shen loayr ny phadeyryn, Bee eh enmyssit ny Nazarene. 
+40N	3	1		2640	Ayns ny laghyn shen haink Ean Bashtey, preacheil ayns faasagh Yudea, 
+40N	3	2		2650	As gra, Gow-jee arrys: son ta reeriaght Yee er gerrey. 
+40N	3	3		2660	Son shoh eshyn va loayrit jeh liorish y phadeyr Esaias, gra, Coraa fer geamagh  ayns yn aasagh, Kiartee-jee raad y Chiarn, jean-jee ny cassanyn echey jeeragh. 
+40N	3	4		2670	As v'ec Ean cheddin coamrey dy fynney chamel, as cryss liare mysh e veeghyn; as  va e veaghey locustyn as mill feie. 
+40N	3	5		2680	Eisht hie magh huggey Jerusalem as ooilley Judea, as Ooilley yn cheer mygeayrt  Jordan. 
+40N	3	6		2690	As goaill-rish nyn beccaghyn v'ad er nyn mashtey liorish ayns Jordan. 
+40N	3	7		2700	Agh tra honnick eh ymmodee jeh ny Phariseeyn as ny Sadduceeyn cheet gys e vashtey,  dooyrt eh roo, O shiuish heeloghe dy ard-nieughyn, quoi t'er chur raaue diu dy hea  veih yn jymmoose ta ry-heet? 
+40N	3	8		2710	Cur-jee magh nish er-y-fa shen messyn cooie dy arrys. 
+40N	3	9		2720	As ny smooinee-jee dy ghra, riu hene, Ta Abraham ain son nyn ayr: son ta mee gra  riu, dy vel Jee pooaral eer jeh ny claghyn shoh dy hroggal seose cloan da Abraham   
+40N	3	10		2730	As nish hene ta'n teigh er ny choyrt gys fraue ny biljyn: shen-y-fa ta dy chooilley  villey nagh vel gymmyrkey magh mess mie, dy ve giarit sheese as tilgit ayns yn aile.   
+40N	3	11		2740	Ta mish dy jarroo bashtey shiu lesh ushtey gys arrys: agh t'eshyn ta cheet my  yei ny s'pooaral ny mish, ny braagyn echey cha vel mee feeu dy ymmyrkey: bashtee  eshyn shiu lesh y Spyrryd Noo as lesh aile. 
+40N	3	12		2750	Ta'n cleayst echey ayns e laue, as nee eh dy bollagh e laare-vooie y ghlenney,  as gowee eh e churnaght stiagh ayns e hie-tashtee: agh loshtee eh yn choau lesh aile  nagh bee er ny vooghey. 
+40N	3	13		2760	Eisht haink Yeesey veih Galilee gys Jordan, dy ve bashtit liorish Ean. 
+40N	3	14		2770	Agh va Ean noi shen, gra, Ta feme aym's dy ve er my vashtey liort's, as vel uss  cheet hym's? 
+40N	3	15		2780	Dreggyr Yeesey, as dooyrt eh rish, Cur raad dou nish: son shoh myr te cooie dooin  dy chooilley chairys y chooilleeney. Eisht lhig eh da. 
+40N	3	16		2790	As lurg da Yeesey ve bashtit, hie eh seose jeeragh ass yn ushtey: as cur-my-ner  va ny niaughyn er nyn vosley er-e-skyn, as honnick eh Spyrryd Yee cheet neose myr  calmane, as soie er. 
+40N	3	17		2800	As cur-my-ner, coraa veih niau, gra, Shoh my vac ennoil, jeh ta mee dy mooar  soiaghey.   
+40N	4	1		2810	Eisht va Yeesey er ny leeideil liorish Spyrryd Yee gys yn aasagh, dy v'er ny violaghey  liorish y drogh-spyrryd. 
+40N	4	2		2820	As tra v'eh er drostey da-eed laa as da-eed oie v'eh ny lurg shen accryssagh.   
+40N	4	3		2830	As haink y mioleyder huggey, gra, My she mac Yee oo, cur sarey da ny claghyn shoh  dy ve jeant nyn arran. 
+40N	4	4		2840	Agh dreggyr eshyn, gra, Te, scruit, Cha nee liorish arran ny lomarcan nee dooinney  beaghey, agh liorish dy chooilley ockle ta cheet magh ass beeal Yee. 
+40N	4	5		2850	Eisht ghow y drogh-spyrryd lesh seose eh gys yn ard-valley casherick, as hoie  eh eh er beinn toor syrjey yn chiamble, 
+40N	4	6		2860	As dooyrt eh rish, My she Mac Yee oo tilg oo hene sheese: son te scruit, Ver eh  currym da e ainleyn my-dty-chione, as ayns nyn laueyn nee ad oo y ymmyrkey, nagh  bwoaill oo ec traa erbee dty chass noi chlagh. 
+40N	4	7		2870	Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.   
+40N	4	8		2880	Reesht hug y drogh-spyrryd lesh eh seose er slieau feer ard, as yeeagh eh da ooilley  reeriaghtyn y theihll as y ghloyr oc: 
+40N	4	9		2890	As dooyrt eh rish, Ooilley shoh ver-ym's dhyt's, my huittys oo sheese, as ooashley  chur dou. 
+40N	4	10		2900	Eisht dooyrt Yeesey rish, Ass my enish oo, Noid-ny-hanmey: son te scruit, Ver  oo ooashley da'n Chiarn dty Yee, as eshyn ynrycan nee oo shirveish. 
+40N	4	11		2910	Eisht daag y drogh-spyrryd eh, as cur-my-ner haink ainleyn as ren ad shirveish  er. 
+40N	4	12		2920	Nish tra cheayll Yeesey dy row Ean ny phryssoonagh, jimmee eh dy lhiattee gys  Galilee.
+40N	4	13		2930	As faagail Nazareth, haink eh dy chummal ayns Capernaum, ta rish oirr ny marrey,  rish ardjyn Zabulon as Nephthalim: 
+40N	4	14		2940	As shoh myr va cooilleenit shen ny loayr Esaias yn phadeyr, gra 
+40N	4	15		2950	Thalloo Zabulon, as thalloo Nephthalim, er slyst ny marrey, cheu elley dy Yordan,  Galilee ny Ashoonee: 
+40N	4	16		2960	Ta'n pobble va nyn soie ayns dorraghys, er vakin soilshey mooar: as orroosyn  va nyn soie ayns cheer as scadoo'n vaaish, ta soilshey er n'irree seose. 
+40N	4	17		2970	Veih yn traa shen ren Yeesey toshiaght dy phreacheil, as dy ghra, Gow-jee arrys,  son ta reeriaght niau er-gerrey. 
+40N	4	18		2980	As myr va Yeesey shooyl liorish keayn Ghalilee, honnick eh daa vraar, Simon  va enmyssit Peddyr, as Andreays e vraar, cur magh lieen 'sy cheayn: (son v'ad nyn  eeasteyryn) 
+40N	4	19		2990	As dooyrt eh roo, Eiyr-jee orrym's, as neem's shiu nyn eeasteyryn dy gheiney.   
+40N	4	20		3000	As chelleeragh daag ad nyn lieenteenyn, as deiyr ad er. 
+40N	4	21		3010	As goll er e hoshiaght veih shen, honnick eh daa vraar elley, Jamys mac Zebedee  as Ean e vraar, ayns lhong marish Zebedee nyn ayr, karraghey nyn lieen: as deie eh  orroo. 
+40N	4	22		3020	As chelleeragh daag ad y lhong as nyn ayr, as deiyr ad er. 
+40N	4	23		3030	As hie Yeesey mygeayrt ooilley Galilee, gynsaghey ayns nyn gialteenyn, as preacheil  sushtal y reeriaght, as lheihys dy chooilley hingys, as dy chooilley ghoghan mastey'n  pobble. 
+40N	4	24		3040	As hie goo jeh magh trooid ooilley Syria: as hug ad lhieu huggey ooilley ny aslayntee,  fo doghanyn as pianyn, adsyn va seaghnit lesh drogh-spyrrydyn, sleih ass nyn geeayl,  as an-lheiltee, as ren eh ad y lheihys. 
+40N	4	25		3050	As deiyr er chaglym mooar dy leih veih Galilee, as Decapolis, as Jerusalem, as  Judea, as veih cheu elley dy Yordan. 
+40N	5	1		3060	As fakin lheid ny earrooyn dy leih, hie eh seose er slieau: as tra v'eh er hoie sheese,  haink e ynseydee huggey 
+40N	5	2		3070	As hrog eh seose e choraa, as dynsee eh ad, gra, 
+40N	5	3		3080	Bannit t'adsyn ta imlee ayns spyrryd: son lhieusyn reeriaght niau. 
+40N	5	4		3090	Bannit t'adsyn ta dobberan: son bee ad er nyn gherjaghey. 
+40N	5	5		3100	Bannit t'adsyn ta meen surransagh: son bee yn thalloo oc ayns eiraght.  
+40N	5	6		3110	Bannit t'adsyn ta accryssagh as paagh lurg yn ynrickys: son bee ad er nyn yannoo  magh. 
+40N	5	7		3120	Bannit ta'n vooinjer vyghinagh: son bee myghin er ny hoilshaghey daue. 
+40N	5	8		3130	Bannit t'adsyn ta glen ayns cree: son ver ad Jee my-ner. 
+40N	5	9		3140	Bannit t'adsyn ta tayrn sleih gys shee: son bee ad enmyssit nyn gloan dy Yee.   
+40N	5	10		3150	Bannit t'adsyn ta surranse tranlaase er graih cairys: son lhieusyn reeriaght  niau. 
+40N	5	11		3160	Bannit ta shiuish tra vees shiu oltooanit, as tranlaasit, as dy chooilley ghrogh-ghoo  currit ass nyn lieh dy aggairagh er y choontey aym's. 
+40N	5	12		3170	Gow-jee boggey, as bee-jee erskyn towse gennal: son s'mooar ta nyn leagh ayns  niau: son shoh myr ren ad tranlaase er ny phadeyryn va rhymbiu. 
+40N	5	13		3180	Shiuish sollan y thallooin: agh my ta'n sollan er choayl e vlass, kys hig e  vree ayn reesht? cha vel ymmyd erbee sodjey ny chour, agh dy ve tilgit magh, as stampit  fo cassyn deiney. 
+40N	5	14		3190	Shiuish soilshey yn theihll Cha vod ard-valley ta soit er cronk ve follit. 
+40N	5	15		3200	Chamoo ta sleih foaddey cainle, as dy choyrt ee fo saagh; agh ayns cainleyr,  as t'ee cur soilshey da'n slane lught-thie. 
+40N	5	16		3210	Lhig da'n soilshey euish myr shen soilshean fenish deiney, dy vod ad fakin ny  obbraghyn mie eu, as gloyr y choyrt da nyn ayr t'ayns niau. 
+40N	5	17		3220	Ny smooinee-jee dy daink mish dy chur naardey yn leigh as ny phadeyryn: cha  nee dy chur naardey haink mee, agh dy chooilleeney. 
+40N	5	18		3230	Son dy firrinagh ta mee gra riu, Derrey nee yn aer as yn ooir lheie ersooyl,  cha bee un ockle, ny'n floag sloo er ny ghoaill veih'n leigh, derrey vees ooilley  jeant mie. 
+40N	5	19		3240	Quoi-erbee er-y-fa shen vrishys unnane jeh ny annaghyn sloo shoh, as ynsys myr  shen, bee eh enmyssit yn fer sloo ayns reeriaght niau: agh quoi erbee nee nyn yannoo  as nyn ynsaghey, bee eh enmyssit mooar ayns reeriaght niau. 
+40N	5	20		3250	Son ta mee gra riu, Mannagh bee yn ynrickys euish erskyn ynrickys ny Scrudeyryn  as ny Phariseeyn, cha vod shiu er aght erbee goll stiagh ayns reeriaght niau. 
+40N	5	21		3260	Ta shiu er chlashtyn dy row eh er ny ghra rish nyn shenn-ayryn, Cha jean oc dunverys:  as quoi-erbee nee dunverys, hig eh fo kerraghey yn vriwnys. 
+40N	5	22		3270	Agh ta mish gra riuish, Quoi-erbee ta fargagh rish e vraar gyn oyr, dy jig eshyn  neesht fo kerraghey yn vriwnys: as quoi erbee jir rish e vraar, Raca: dy jig eh fo  briwnys yn ard-whuaiyl: agh quoi-erbee jir, Uss ommydan, dy bee eh ayns gaue aile  niurin, 
+40N	5	23		3280	Shen-y-fa tra hebbys oo dty oural ec yn altar, my chooinys oo ayns shen dy vel  nhee erbee ec dty vraar dt'oi 
+40N	5	24		3290	Faag ayns shen dty oural roish yn altar, as immee royd, jean coardail rish dty  vraar hoshiaght, as eisht tar, as cheb dty oural. 
+40N	5	25		3300	Coard dy tappee rishyn ta streeu rhyt, choud as vees shiu goll cooidjagh er y  raad, er-aggle dy der eshyn oo fo laue yn vriw, as dy der yn briw oo fo currym y  tidoor, as dy bee oo tilgit ayns pryssoon. 
+40N	5	26		3310	Dy firrinagh ta mee gra rhyt, Nagh jig oo magh ass shen, derrey t'ou er n'eeck  yn farling s'jerree. 
+40N	5	27		3320	Ta shiu er chlashtyn dy row eh er ny ghra rish nyn shenn-ayryn, Cha brish oo  poosey. 
+40N	5	28		3330	Agh ta mish gra riu, Quoi-erbee ta jeeaghyn er ben, dy chur saynt j'ee, dy vel  eh er vrishey poosey r'ee hannah ayns e chree. 
+40N	5	29		3340	As my ta dty hooill yesh dy dty hayrn gys peccah, pluck assyd ee, as tilg void  ee: son te ny share dhyt unnane jeh dty hooillyn y choayl, na dty slane corp dy ve  tilgit ayns niurin. 
+40N	5	30		3350	As my ta dty laue yesh dy dty hayrn gys peccah, giare jeed, as tilg void ee:  son te ny share dhyt unnane jeh dty oltyn y choayl, na dty slane corp dy ve tilgit  ayns niurin. 
+40N	5	31		3360	Ve er ny ghra, Quoi-erbee ver e ven voish, lhig da screeuyn-scarree y chur jee.   
+40N	5	32		3370	Agh ta mish gra riu, Quoi-erbee scarrys rish e ven, agh son oyr maarderys, dy  vel eh cur urree poosey y vrishey: as quoi-erbee phoosys ish ta scart, t'eh ny vaarderagh.   
+40N	5	33		3380	Myrgeddin ta shiu er chlashtyn dy row eh er ny ghra rish nyn shenn-ayryn, Cha  jean oo loo-oaiagh y ghoaill, agh cooilleenee oo gys y Chiarn dty vreearaghyn. 
+40N	5	34		3390	Agh ta mish gra riu, Ny loo-jee er aght erbee; edyr liorish niau, son she stoyl-reeoil  Yee eh: 
+40N	5	35		3400	Ny liorish y thalloo, son shen stoyl e choshey: ny liorish Jerusalem, son shen  ard-valley yn Ard-ree. 
+40N	5	36		3410	Chamoo looys oo liorish dty chione, er-yn-oyr nagh vod oo un renaig y yannoo  bane ny doo. 
+40N	5	37		3420	Agh lhig da'n ghlare eu ve, She, she, Cha nee, cha nee: son cre-erbee ta harrish  shoh, te cheet veih yn olk. 
+40N	5	38		3430	Ta shiu er chlashtyn dy row eh er ny ghra, Sooill son sooill, as feeackyl son  feeackyl. 
+40N	5	39		3440	Agh ta mish gra riu, Ny shir-jee aggair y chooilleeney: agh quoi-erbee woaillys  oo er y lieckan yesh, chyndaa huggey yn lieckan elley. 
+40N	5	40		3450	As my ta fer erbee dy dty eignagh ec y leigh, as goaill ersooyl dty chooat, lhig  dty chloagey lesh myrgeddin. 
+40N	5	41		3460	As quoi-erbee chionnys ort dy gholl un veeley marish, gow marish jees. 
+40N	5	42		3470	Cur dasyn ta jannoo aghin hood, as veihsyn ta shirrey geeasaght void, ny chyndaa  ersooyl. 
+40N	5	43		3480	Ta shiu er chlashtyn dy row eh er ny ghra, Ver oo graih da dty naboo, as feoh  da dty noid. 
+40N	5	44		3490	Agh ta mish gra riu, Bee-jee dooie da nyn noidyn, bannee-jee adsyn ta gwee mollaght  diu, jean-jee mie dauesyn ta cur dwoaie diu, as gow-jee padjer er nyn son ocsyn ta  dy goanlyssagh jannoo tranlaase erriu: 
+40N	5	45		3500	Dy vod shiu ve cloan nyn Ayr t'ayns niau, son t'eshyn cur er e ghrian girree  er mie as sie, as cur fliaghey neose er y vooinjer chairagh as neu-chairagh. 
+40N	5	46		3510	Son my ta shiu graihagh orroosyn ta graihagh erriuish, cre'n leagh ta nyn gour?  nagh vel eer ny publicanee jannoo yn lheid cheddin? 
+40N	5	47		3520	My she da nyn mraaraghyn ny lomarcan ta shiu coyrt oltaghey-bea, cre smoo ta  shiu dy yannoo na feallagh elley? nagh vel ny eer publicanee jannoo myr shen? 
+40N	5	48		3530	Bee-jee shiuish er-y-fa shen slane-ynrick, eer myr ta nyn Ayr t'ayns niau slane-ynrick.
+40N	6	1		3540	Gow-jee tastey, nagh jean shiu nyn  ghiastyllys fenish deiney, dy ve er ny akin lioroo:  er-nonney cha vow shiu leagh veih'n Ayr eu t'ayns niau. 
+40N	6	2		3550	Shen-y-fa tra t'ou jannoo dty ghiastyllys, ny jean cayrn y heidey royd, myr ny  crauee oalsey ayns ny margaghyn, as ayns ny straidyn, er-chee cosney moylley'n theay.  Dy firrinagh ta mee gra riu, Shen nyn leagh. 
+40N	6	3		3560	Agh tra t'ou uss jannoo dty ghiastyllys, ny lhig da fys y ve ec dty laue-chiare  cre ta dty laue yesh dy yannoo: 
+40N	6	4		3570	Dy vod dty yeirk ve follit: as nee dty Ayr ta fakin ny ta jeant dy follit, dty  leagh y chur dhyt dy foshlit. 
+40N	6	5		3580	As tra vees oo goaill padjer, cha jean oo myr ny crauee-oalsey: son shynney  lhieu syn shassoo seose ayns ny margaghyn, as ayns king ny straidyn dy ghoaill padjer,  er-chee dy v'er ny akin liorish deiney. Dy firrinagh ta mee gra riu, dy vel ad er  gheddyn nyn leagh. 
+40N	6	6		3590	Agh uss, tra t'ou goaill padjer, immee stiagh ayns dty hiamyr; as dooney dty ghorrys,  guee gys dty Ayr dy follit, as nee dty Ayr ta fakin ny ta jeant dy follit, leagh  y chur dhyt dy foshlit. 
+40N	6	7		3600	As ayns nyn badjeryn, ny gow-jee lhieu harrish as harrish myr ny Ashoonee: son  er-lhieu dy vow ad clashtyn liorish nyn ymmodee goan fardalagh. 
+40N	6	8		3610	Ny bee-jee shiuish er-y fa shen goll roosyn: son ta fys ec nyn Ayr cre ta nyn  ymmyrch, roish my jean shiu aghin huggey 
+40N	6	9		3620	Shen y fa er yn aght shoh gow-jee padjer: Ayr ain t'ayns niau, Casherick dy row  dty ennym. 
+40N	6	10		3630	Dy jig dty reeriaght. Dty aigney dy row jeant er y thalloo, myr te ayns niau.   
+40N	6	11		3640	Cur dooin nyn arran jiu as gagh laa. 
+40N	6	12		3650	As leih dooin nyn loghtyn, myr ta shin leih dauesyn ta jannoo loghtyn nyn 'oi.   
+40N	6	13		3660	As ny leeid shin ayns miolagh, agh livrey shin veih olk: Son lhiat's y reeriaght,  as y phooar, as y ghloyr, son dy bragh, Amen. 
+40N	6	14		3670	Son my leihys shiuish da deiney nyn loghtyn, leihee nyn Ayr flaunyssagh myrgeddin  diuish. 
+40N	6	15		3680	Agh mannagh leihee shiuish da deiney nyn loghtyn, cha jean yn Ayr eu nyn loghtyn  y leih diuish. 
+40N	6	16		3690	As tra vees shiu trostey, ny bee-jee groymagh myr ny crauee-oalsey, son t'adsyn  caghlaa cummey nyn eddin, er-chee deiney dy chur tastey da'n trostey oc. Ta mee shickyrys  diu, dy nee shoh (ooilley) nyn leagh. 
+40N	6	17		3700	Agh uss, tra t'ou trostey, jean dty chione y ooillaghey, as dty eddin y oonlaghey:   
+40N	6	18		3710	Nagh bee oo ry-akin liorish deiney dy hrostey, agh liorish dty Ayr t'ayns folliaght:  as nee dty Ayr ta fakin ayns folliaght, uss y chooilleeney dy foshlit. 
+40N	6	19		3720	Ny stoyr-jee seose berchys diu hene er y thalloo, raad ta'n lhemeen as y mergey  cur-mow, as raad ta maarlee brishey stiagh as geid: 
+40N	6	20		3730	Agh stoyr-jee seose berchys diu hene ayns niau, raad nagh vel y lhemeen ny'n  mergey cur mow, as raad nagh vel maarlee brishey stiagh as geid. 
+40N	6	21		3740	Son raad ta nyn stoyr, shen-y-raad vees y cree eu myrgeddin. 
+40N	6	22		3750	Ta yn tooill soilshey yn chorp: shen-y-fa my ta'n tooill gyn foill, bee soilshey  ec ooilley dty chorp. 
+40N	6	23		3760	Agh my ta assee er dty hooill, bee dty slane corp ayns dorraghys. My ta'n soilshey  ta aynyd's er-y-fa shen ny ghorraghys, nagh mooar yn dorraghys eh! 
+40N	6	24		3770	Cha vod dooinney erbee daa vainshter y hirveish: son edyr ver eh dwoaie da'n  derrey yeh, as graih da'n jeh elley; ny bee eh jeidjagh da'n derrey yeh,ny soiaghey  beg jeh'n jeh elley. Cha vod shiu Jee as Mammon y hirveish. 
+40N	6	25		3780	Er-yn-oyr shoh ta mee gra riu, Ny bee Jee ro-imneagh son nyn mea, cre ee-ys,  ny cre iu-ys shiu: ny foast son nyn girp cre ver shiu miu: Nagh vel y vea ny smoo  dy ve soit jeh na'n beaghey, as y corp na'n coamrey? 
+40N	6	26		3790	Cur-jee my-ner eeanlee yn aer: son cha vel ad cuirr ny buinn, ny chymsaghey stiagh  ayns soaltyn; foast ta nyn Ayr flaunyssagh dyn meaghey ad. Nagh vel shiuish foddey  share na adsyn? 
+40N	6	27		3800	Quoi jiuish liorish imnea erbee oddys un chubit y chur gys e yrjid hene? 
+40N	6	28		3810	As cre'n-fa ta shiu imneagh son coamraghyn? Gow-jee tastey jeh lilleeyn ny magheragh  kys t'ad gaase; cha vel ad tooilleil, chamoo t'ad sneeu. 
+40N	6	29		3820	As foast ta mee gra riu, nagh row Solomon hene ayns ooilley e ghloyr er ny choamrey  myr unnane jeu shoh. 
+40N	6	30		3830	My ta Jee er-y-fa shen myr shoh coamrey blaa ny magheragh, ta jiu ayn, as mairagh  ceaut ayns yn oghe, nagh jean eh foddey smoo shiuish y choamrey, O gheiney faase  chredjuagh? 
+40N	6	31		3840	Ny bee-jee er-y-fa shen imneagh, gra, Cre nee mayd gee? ny cre nee mayd giu?  ny kys yiow mayd coamrey? 
+40N	6	32		3850	(Son lurg ooilley ny reddyn shoh ta ny Ashoonee imneagh) agh ec yn Ayr flaunyssagh  euish ta fys, dy vel shiu feme dy chooilley nhee jeu shoh. 
+40N	6	33		3860	Agh shir-jee hoshiaght reeriaght Yee as e chairys, as bee shiu jeant magh lesh  ooilley ny reddyn shoh. 
+40N	6	34		3870	Ny bee-jee er-y-fa shen ayns imnea erbee son y laa mairagh, son tra hig y laa  mairagh, hig e chiarail marish s'lioar da'n laa t'ayn e heaghyn hene. 
+40N	7	1		3880	Ny jean-jee briwnys, as cha bee shiu er nyn mriwnys. 
+40N	7	2		3890	Son lesh y vriwnys cheddin ta shiuish briwnys, bee shiu hene er nyn mriwnys: as  lesh y towse ta shiuish towse, bee eh er ny howse diu reesht. 
+40N	7	3		3900	As cre'n-fa t'ou cronnaghey yn brinneen t'ayns sooill dty vraarey, agh cha vel  geill ayd da'n darrag t'ayns dty hooill hene? 
+40N	7	4		3910	Ny kys jir oo rish dty vraar, Lhig dou yn brinneen y ghoaill ass dty hooill, as  cur-my-ner ta darrag ayns dty hooill hene? 
+40N	7	5		3920	Er-crauee-oalsey, tilg hoshiaght yn darrag ass dty hooill hene; as eisht nee oo  dy baghtal fakin dy ghoaill yn brinneen ass sooill dty vraarey. 
+40N	7	6		3930	Ny cur-jee shen ny ta casherick da ny moddee, chamoo hilgys shiu ny pearlyn  eu roish muckyn, er-aggle dy stamp ad orroo fo chosh, as dy jyndaa ad reesht, as  shiu y lhottey. 
+40N	7	7		3940	Yeearree-jee, as yiow shiu: shir-jee, as nee shiu feddyn: cronk-jee, as yiow  shiu fosley. 
+40N	7	8		3950	Son ta dy chooilley unnane ta geearree, geddyn: as y fer ta shirrey feddyn: as  dasyn ta cronkal, bee'n dorrys er ny osley. 
+40N	7	9		3960	Ny quoi yn dooinney ny mast' euish, ver clagh da e vac, my hirrys eh arran? 
+40N	7	10		3970	Ny my hirrys eh eeast, der eh ard-nieu da? 
+40N	7	11		3980	Shen-y-fa my ta fys euish ta nyn beccee, kys dy choyrt giootyn mie da nyn gloan,  cre woad smoo nee'n Ayr eu t'ayns niau nheeghyn mie y choyrt dauesyn ta jannoo aghin  huggey.
+40N	7	12		3990	Shen-y-fa dy chooilley nhee cre erbee bailliuish deiney dy yannoo riuish, jean-jee  shiuish y lheid cheddin roosyn: son shoh yn leigh as ny phadeyryn 
+40N	7	13		4000	Immee-jee stiagh er y ghiat coon; son lhean ta'n giat, as feayn ta'n raad ta  leeideil gys toyrt-mow, as shimmey ta goll er: 
+40N	7	14		4010	Er-yn-oyr dy nee chion ta'n giat, as coon ta'n raad ta leeideil gys bea, as s'tiark  ad ta dy haaghey eh. 
+40N	7	15		4020	Bee-jee er nyn dwoaie jeh phadeyryn foalsey, ta cheet hiu ayns coamrey keyrragh,  agh cheu-sthie t'ad nyn moddee-oaldey jollyssagh. 
+40N	7	16		4030	Ver shiu enney orroo liorish nyn messyn. Vel mess y villey-feeyney er ny heiy  jeh drineyn, ny mess y villey-figgagh jeh onnaneyn? 
+40N	7	17		4040	Myr shen ta dagh billey mie tilgey mess mie: agh ta drogh-villey tilgey drogh  vess. 
+40N	7	18		4050	Cha vod billey mie drogh-vess y chur magh: ny drogh-villey mess mie. 
+40N	7	19		4060	Bee dy chooilley villey nagh vel gymmyrkey magh mess mie, giarit sheese, as ceaut  ayns yn aile. 
+40N	7	20		4070	Shen-y-fa liorish nyn messyn ver shiu enney orroo.
+40N	7	21		4080	Cha nee dy chooilley unnane jir rhym's, Hiarn, Hiarn, hed stiagh er reeriaght  niau: agh eshyn ta jannoo aigney my Ayrey t'ayns niau. 
+40N	7	22		4090	Jir ymmodee rhym's 'sy laa shen, Hiarn, Hiarn, nagh vel shin er n'yannoo phadeyrys  ayns dt'ennym's? as ayns dt'ennym er chastey drogh-spyrrydyn? as ayns dt'ennym er  n'yannoo ymmodee obbraghyn yindyssagh? 
+40N	7	23		4100	As eisht neem's fockley-magh orroo, Cha row aym rieau ainjys erbee erriu: reue-jee  voym, O shiuish ghrogh-yantee. 
+40N	7	24		4110	Quoi-erbee er-y-fa shen ta clashtyn ad shoh my ghoan's, as jannoo ymmyd mie  jeu soylee-ym eh gys dooinney creeney hrog e hie er creg: 
+40N	7	25		4120	As haink y fliaghey neose, as dhatt ny thooillaghyn, as heid ny geayghyn, as  cheau ad er y thie shen: as cha huitt eh, son dy row yn undin echey er creg. 
+40N	7	26		4130	As dy chooilley unnane ta clashtyn ad shoh my ghoan's, as nagh vel jannoo ymmyd  mie jeu, bee eh er ny hoylaghey gys dooinney ommijagh, hrog e hie er y gheinnagh:
+40N	7	27		4140	As huitt y fliaghey, as dhatt ny thooillaghyn, as heid ny geayghyn, as cheau  ad er y thie shen: as huitt eh, as s'mooar va e lhieggey! 
+40N	7	28		4150	As haink eh gy-kione, erreish da Yeesey v'er loayrt ny goan shoh, dy row yn pobble  ayns ard-yindys jeh'n ynsaghey echey. 
+40N	7	29		4160	Son dynsee eh ad myr fer ayns slane pooar, as cha nee myr ny Scrudeyryn.
+40N	8	1		4170	Tra v'eh er jeet neose jeh'n clieau, deiyr earrooyn mooarey dy leih er.
+40N	8	2		4180	As cur-my-ner haink lourane, as hug eh ooashley da, gra, Hiarn, my she dt'aigney  eh, foddee oo mish y yannoo glen.
+40N	8	3		4190	As heeyn Yeesey magh e laue, as venn eh rish, gra, My aigney's eh, bee er dty  ghlenney. As chelleeragh va'n louraanys echey er ny ghlenney. 
+40N	8	4		4200	As dooyrt Yeesey rish, Jeeagh nagh n'insh oo shoh da dooinney erbee, agh immee  royd, as jeeagh oo hene da'n taggyrt, as cheb yn oural doardee Moses son feanish  daue. 
+40N	8	5		4210	As tra va Yeesey er n'gholl stiagh ayns Capernaum, haink centurion huggey, guee  er,
+40N	8	6		4220	As gra, Hiarn, ta my er-mooinjerey ny lhie ching ec y thie jeh'n chingys-craaee,  ayns stayd feer treih. 
+40N	8	7		4230	As dooyrt Yeesey rish, Hig-yms, as nee'm eh y lheihys. 
+40N	8	8		4240	As dreggyr yn centurion, gra, Hiarn, cha vel mee feeu oo dy heet stiagh fo my  chlea: agh ynrycan loayr y fockle, as bee my harvaant er ny lheihys. 
+40N	8	9		4250	Son ta mish mee hene my ghooinney ayns pooar, as sidooryn aym foym: as ta mee  gra rish y dooinney shoh, Immee, as t'eh goll: as rish fer elley, Tar, as t'eh cheet:  as rish my harvaant, Jean shoh, as t'eh dy yannoo eh. 
+40N	8	10		4260	Tra cheayll Yeesey shoh, ghow eh yindys, as dooyrt eh roosyn va geiyrt er, Dy  firrinagh ta mee gra riu, Lheid y credjue lajer shoh, cha vel mee er gheddyn ayns  Israel hene. 
+40N	8	11		4270	As ta mee gra riu, dy jig ymmodee veih yn niar as veih yn neear, as dy soie ad  sheese marish Abraham, as Isaac, as Jacob, ayns reeriaght niau. 
+40N	8	12		4280	Agh bee cloan y reeriaght er nyn yiooldey magh gys y dorraghys sodjey-mooie:  ayns shen vees keayney as snaggeraght feeacklyn. 
+40N	8	13		4290	As dooyrt Yeesey rish y centurion, Immee royd, as 'naght myr t'ou er chredjal,  myr shen dy jig oo jeh. As va e er-mooinjerey er ny lheihys ayns yn oor cheddin.   
+40N	8	14		4300	As tra va Yeesey er jeet stiagh ayns thie Pheddyr, honnick eh moir e ven ny  lhie, as ching ayns y chiassaghey. 
+40N	8	15		4310	As venn eh rish y laue eck, as daag yn chiassaghey ee: as ren ee girree, as shirveish  orroo. 
+40N	8	16		4320	Tra va'n fastyr er jeet, hug ad lhien huggey ymmodee va drogh-spyrrydyn ayndoo:  as deiyr eh magh ny spyrrydyn lesh fockle, as laanee eh ooilley ny va ching. 
+40N	8	17		4330	Myr shoh va cooilleenit shen ny loayr Esaias y phadeyr, gra, Ghow eh-hene er  ny aslayntyn ainyn, as dymmyrk eh nyn ghoghanyn. 
+40N	8	18		4340	Nish tra honnick Yeesey earrooyn mooarey dy leih mygeayrt y mysh, hug eh sarey  dy gholl gys y cheu elley. 
+40N	8	19		4350	As haink scrudeyr dy row huggey, as dooyrt eh rish, Vainshter, eiyr-yms ort raad  erbee dy jed oo. 
+40N	8	20		4360	As dooyrt Yeesey rish, Ta tuill ec ny shynnee, as idd ec eeanlee yn aer, agh  cha vel ec mac y dooinney wheesh boayl aaght son e chione. 
+40N	8	21		4370	As dooyrt fer elley jeh e ynseydee rish, Hiarn, lhig dou hoshiaght goll thie  dy oanluckey my ayr. 
+40N	8	22		4380	Agh dooyrt Yeesey rish, Eiyr orrym's, as lhig da ny merriu nyn merriu y oanluckey.   
+40N	8	23		4390	As tra v'eh er ghoaill lhuingys, hie e ynseydee marish. 
+40N	8	24		4400	As cur-my-ner hrog sterrym mooar ayns yn aarkey, myr shen dy row ny tonnyn brishey  harrish y lhong: agh v'eshyn ny chadley. 
+40N	8	25		4410	As haink e ynseydee huggey, as ghooisht ad eh, gra, Hiarn, saue shin: bee mayd  caillit. 
+40N	8	26		4420	As dooyrt eh roo, Cre'n-fa ta shiu agglagh, shiuish dy chredjue moal? Eisht dirree  eh, as hug eh yn gheay, as yn aarkey fo-harey as va kiuney vooar ayn. 
+40N	8	27		4430	Agh ghow ny deiney yindys, gra, Cre'n dooinney eh shoh, dy vel ny eer geayghyn  as y faarkey ayns biallys da! 
+40N	8	28		4440	As tra v'eh er jeet gys y cheu elley, gys cheer ny Gergesenee haink daa ghooinney  va drogh-spyrrydyn ayndoo magh ny whail, veih mastey ny hoiaghyn, as cha keoi shen  v'ad, nagh by-lhoys da dooinney erbee goaill yn raad shen. 
+40N	8	29		4450	As cur-my-ner deie ad, gra, Cre'n eie t'ayd orrin, Yeesey Vac Yee? vel oo er  jeet dy nyn dorchaghey roish y traa? 
+40N	8	30		4460	As tammylt voue va beiyhaghey griagh mooar dy vuckyn. 
+40N	8	31		4470	As ghuee ny drogh-spyrrydyn er, gra, My eiyrys oo magh shin, lhig dooin goll  stiagh ayns ny muckyn. 
+40N	8	32		4480	As dooyrt eh roo, Gow-jee reue. As tra v'ad er jeet ass ny deiney, hie ad stiagh  ayns y ghriagh dy vuckyn: as cur-my-ner roie yn slane griagh gour nyn mullee lesh  yn eaynee gys y cheayn, as v'ad baiht ayns ny ushtaghyn.
+40N	8	33		4490	As roie ny bochillyn roue, as haink ad gys yn ard-valley, as dinsh ad dy chooilley  nhee: as mychione ny deiney va seaghnit lesh ny drogh-spyrrydyn. 
+40N	8	34		4500	As cur-my-ner, haink y slane ard-valley magh quail Yeesey, as tra honnick ad  eh, ghuee ad er, eh dy gholl roish ass ny ardjyn oc. 
+40N	9	1		4510	As ghow eh lhuingys, as hioill eh harrish, as haink eh gys e ard-valley hene. 
+40N	9	2		4520	As cur-my-ner, hug ad lhieu huggey dooinney doghanit lesh y chingys craaee, ny  lhie er lhiabbee: as Yeesey goaill tastey jeh'n chredjue oc, dooyrt eh rish y varter,  Vac, bee dy yien mie, ta dty pheccaghyn er ny leih dhyt. 
+40N	9	3		4530	Er shoh, dooyrt shiartanse jeh ny scrudeyryn roo hene, T'eh shoh loayrt goan mollaghtagh.   
+40N	9	4		4540	As Yeesey toiggal ny smooinaghtyn oc, dooyrt, Cre'n-fa ta drogh smooinaghtyn troggal  ayns ny creeaghyn eu? 
+40N	9	5		4550	Son cre sassey dy ghra, Ta dty pheccaghyn er ny leih dhyt? ny dy ghra, Irree seose  as shooill? 
+40N	9	6		4560	Agh dy vod fys y ve eu, dy vel pooar ec Mac y dooinney er y thalloo dy leih peccaghyn:  (eisht dooyrt eh rish y varter) Irree, trog lhiat dty lhiabbee, as immee royd gys  dty hie. 
+40N	9	7		4570	As dirree eh seose as jimmee eh gys e hie. 
+40N	9	8		4580	Agh tra honnick y pobble shoh, ghow ad yindys, as hug ad moylley da Jee, v'er  choyrt lheid y phooar da deiney. 
+40N	9	9		4590	As tra yn Yeesey er n'gholl veih shen, honnick eh dooinney va enmyssit Mian, ny  hoie ec boayrd y cheesh: as dooyrt eh rish, Eiyr orrym's. As dirree eh seose, as  deiyr eh er. 
+40N	9	10		4600	As haink eh gy-kione, myr va Yeesey ny hoie ec bee ayns y thie, cur-my-ner  haink ymmodee publicanee as peccee, as hoie ad sheese marishyn as marish e ynseydee.   
+40N	9	11		4610	Tra honnick ny Phariseeyn shoh, dooyrt ad rish e ynseydee, Cre'n-fa ta'n mainshter  eu gee marish publicanee as peccee? 
+40N	9	12		4620	Agh cheayll Yeesey ad, as dooyrt eh roo, Cha vel feme ocsyn ta slane er yn er-lhee,  agh ec sleih chingey. 
+40N	9	13		4630	Agh immee-jee shiuish, as ynsee-jee cre ta dy ve toiggit liorish y raa shoh,  S'bare lhiam myghin na oural: son cha daink mish dy eamagh er y vooinjer chairagh,  agh er peccee gys arrys. 
+40N	9	14		4640	Eisht haink huggey ynseydee Ean, as dooyrt ad, Cre'n-fa ta shinyn as ny Phariseeyn  trostey dy mennick, agh cha vel y vooinjer ayd's trostey? 
+40N	9	15		4650	As dooyrt Yeesey roo, Vod caarjyn y dooinney-poosee dobberan, choud as ta dooinney  yn phoosee maroo? agh hig ny laghyn, tra vees dooinney yn phoosee er ny ghoaill ersooyl  voue, as shen y traa nee ad trostey. 
+40N	9	16		4660	Cha vel dooinney erbee cur peesh dy eaddagh noa er shenn gharmad: son ta'n pheesh  goaill e laane ass y gharmad, as ta'n assee wheesh shen smessey, 
+40N	9	17		4670	Chamoo ta sleih coyrt feeyn noa ayns shenn voteilyn: er-nonney ta ny boteilyn  scoltey, as ta'n feeyn er ny gheayrtey, as ta ny boteilyn dy choayl orroo; agh t'ad  cur feeyn noa ayns boteilyn noa, as t'ad ny neesht sauchey. 
+40N	9	18		4680	Choud as v'eh loayrt ny goan shoh roo, cur-my-ner haink fer-reill, as hug eh  ooashley da, gra, Ta m'inneen eer nish paartail: agh tar, as cur dty laue urree,  as bee ee bio. 
+40N	9	19		4690	As hrog Yeesey, as deiyr eh er, as myr shen ren e ynseydee. 
+40N	9	20		4700	(As cur-my-ner haink ben cheu-e-chooylloo, va doghanit lesh roie-folley rish  daa vlein jeig, as venn ee rish oirr e gharmad. 
+40N	9	21		4710	Son dooyrt ee r'ee hene, My oddym agh bentyn rish e gharmad bee-ym er my lheihys.   
+40N	9	22		4720	Agh hyndaa Yeesey mygeayrt, as tra honnick eh ee, dooyrt eh, Inneen bee dy yien  mie; ta dty chredjue er dty laanaghey. As va'n ven er ny lheihys veih yn oor shen  magh.) 
+40N	9	23		4730	As tra va Yeesey er jeet stiagh ayns thie yn er-reill, as tra honnick eh ny bardoonee,  as y cheshaght ooilley 'syn un chiaull.
+40N	9	24		4740	Dooyrt eh roo, Scugh-jee, son cha vel y ven-aeg marroo, agh ny cadley. As hie  ad son craidey mysh. 
+40N	9	25		4750	As tra va'n sleih er skeayley, hie eh stiagh, as ghow eh ee er laue, as dirree  yn ven-aeg. 
+40N	9	26		4760	As hie goo magh jeh shoh trooid ooilley yn cheer. 
+40N	9	27		4770	As tra va Yeesey er n'immeeaght veih shen, deiyr daa ghooinney doal er gyllagh  as gra, Jean myghin orrin, Vac 
+40N	9	28		4780	As tra v'eh er jeet stiagh ayns y thie, haink ny deiney doal huggey: as dooyrt  Yeesey roo, Vel shiu credjal dy voddym shoh y yannoo? Dooyrt adsyn rish, Ta Hiarn.
+40N	9	29		4790	Eisht venn eh rish ny sooillyn oc, gra Cordail rish nyn gredjue dy row nyn aghin  eu. 
+40N	9	30		4800	As va ny sooillyn oc er nyn vosley, as hug Yeesey currym gyere orroo, gra, Jeeagh  Jee nagh vow dooinney erbee fys er. 
+40N	9	31		4810	Agh tra v'adsyn er n'gholl roue, hug ad goo jeh magh trooid ooilley yn cheer  shen. 
+40N	9	32		4820	Erreish daue shoh v'er n'gholl ersooyl, cur-my-ner, hug ad lhieu huggey dooinney  balloo va drogh-spyrryd ayn. 
+40N	9	33		4830	As tra va'n drogh-spyrryd er ny chastey, ren y balloo loayrt: as ghow yn pobble  yindys, gra, Cha row rieau lheid shoh er ny akin ayns Israel. 
+40N	9	34		4840	Agh dooyrt ny Phariseeyn, Liorish yn ard ghrogh-spyrryd t'eshyn castey drogh-spyrrydyn.   
+40N	9	35		4850	As hie Yeesey mygeayrt ooilley ny ard-valjyn as ny baljyn-cheerey oc, gynsaghey  ayns ny kialteenyn oc, as preacheil sushtal yn reeriaght, as lheihys dy chooilley  hingys, as dy chooilley ghoghan mastey'n pobble. 
+40N	9	36		4860	Agh tra honnick eh yn chaglym mooar dy leih, v'eh er ny veiyghey lesh chymmey  orroo, er-yn-oyr dy row ad tooillit, as er nyn skeayley noon as noal, myr kirree  fegooish bochilley. 
+40N	9	37		4870	Eisht dooyrt eh rish e ynseydee, Ta'n fouyr dy jarroo palchey, agh s'coan ta  ny beayneeyn. 
+40N	9	38		4880	Guee-jee shiuish, er-y-fa shen, er Chiarn y fouyr, eh dy chur magh labreeyn gys  y fouyr echey.
+40N	10	1		4890	As tra v'eh er n-eamagh er e ghaa ostyl jeig huggey, hug eh daue pooar harrish spyrrydyn  neu-ghlen dy chastey ad, as dy lheihys dy chooilley vonney dy hingys, as dy chooilley  ghoghan. 
+40N	10	2		4900	As shoh va enmyn yn daa ostyl yeig; Yn chied-er, Simon, ta enmyssit Peddyr, as  Andreays e vraar, Jamys mac Zebedee, as Ean y braar echeysyn 
+40N	10	3		4910	Philip as Parlane, Thomase, as Mian yn publican, Jamys mac Alpheus, as Lebbeus  va slennooit Thaddeus. 
+40N	10	4		4920	Simon yn Canaanite, as Yuaase Iscariot, ren myrgeddin eh y vrah. 
+40N	10	5		4930	Yn ghaa-yeig shoh hug Yeesey magh, as doardee eh daue, gra, Ny immee-jee raad  ny Hashoonee, ny gys ard-valjyn ny Samaritanee. 
+40N	10	6		4940	Agh immee-jee hoshiaght gys kirree cailjey thie Israel. 
+40N	10	7		4950	As myr vees shiu goll, jean-jee preacheil, gra, Ta reeriaght niau er-gerrey. 
+40N	10	8		4960	Slaanee-jee sleih chingey, glen-jee ny louranee, jean-jee ny merriu y aa-vioghey,  as drogh-spyrrydyn y chastey: nastee ta shiu er gheddyn, as dy nastee cur-jee veue.   
+40N	10	9		4970	Ny kiare-jee son airh, ny argid, ny prash y ve eu ayns nyn sporranyn: 
+40N	10	10		4980	Ny spagey son y raad, ny daa chooat, ny braagyn, ny lorg: (son ta'n obbree toilliu  e veaghey). 
+40N	10	11		4990	As ard-valley ny balley erbee dy jed shiu stiagh ayn, Jean-jee briaght quoi ayn  ta feeu, as marishyn gow-jee aaght derrey hed shiu reue. 
+40N	10	12		5000	As tra hed shiu stiagh ayns thie, bannee-jee daue. 
+40N	10	13		5010	As my vees y thie feeu, lhig da'n shee eu cheet er: agh mannagh bee eh feeu,  lhig da'n shee eu chyndaa hiu hene reesht. 
+40N	10	14		5020	As quoi-erbee nagh der oltaghey bea diu, as nash der geill da ny goan eu: tra  aagys shiu yn thie ny'n ard-valley shen, crie-jee veue joan nyn goshey. 
+40N	10	15		5030	Dy firrinagh ta mee gra riu, Dy bee eh ny sassey da cheer Sodom as Gomorrah,  ec laa ny briwnys, na da'n ard-valley shen. 
+40N	10	16		5040	Cur-my-ner ta mish dy choyrt shiu magh myr kirree mastey moddee oaldey: Bee-jee  er-y-fa shen tastagh myr ard-nieughyn, as oney myr calmaneyn. 
+40N	10	17		5050	Agh bee-jee er nyn dwoaie roish deiney, son livrey-ee ad shiu seose gys ny coonceilyn,  as scuitchee ad shiu ayns nyn quaiylyn oc. 
+40N	10	18		5060	As bee shiu er nyn goyrt fenish kiannoortyn as reeaghyn er y choontey aym's,  myr shoh gymmyrkey feanish dauesyn, as da ny Ashoonee. 
+40N	10	19		5070	Agh tra ver ad stiagh shiu, ny bee-jee imneagh cre'n aght, ny cre nee shiu gra,  son bee eh er ny choyrt diu ayns yn oor cheddin cre nee shiu y ghra. 
+40N	10	20		5080	Son cha nee shiuish ta loayrt, agh spyrryd yn Ayr eu ta loayrt ayndiu. 
+40N	10	21		5090	As livreyee braar seose e vraar gys baase, as yn ayr e lhiannoo: as nee cloan  girree magh noi nyn ayr as nyn moir, as bee ad feanishyn baaish orroo. 
+40N	10	22		5100	As ver yn ymmodee feoh diu er coontey yn ennym aym's: agh eshyn nee shassoo magh  gys y jerrey, bee eh er ny hauail. 
+40N	10	23		5110	Agh tra nee ad tranlaase erriu ayns un ard-valley, cosne-jee reue gys ard-valley  elley: son ta mee shickyrys diu, nagh bee shiu er n'gholl harrish ard-valjyn Israel  derrey vees Mac y dooinney er jeet. 
+40N	10	24		5120	Cha vel y scoillar erskyn e vainshter ny'n charvaant erskyn e hiarn. 
+40N	10	25		5130	S'lioar da'n scoillar dy ve myr e vainshter, as y charvaant myr e hiarn: my t'ad  er cheau Beelzebub er mainshter y thie, cre woad smoo nee ad e vooinjer y oltooaney.   
+40N	10	26		5140	Ny gow-jee er-y-fa shen aggle roue: son cha vel nhee erbee follit nagh jir gys  soilshey: ny nhee erbee keillit, nagh jig er-ash. 
+40N	10	27		5150	Shen ta mish dy insh diu ayns folliaght fockle-jee shiuish magh eh dy foshlit:  as shen ta shiu er chlashtyn myr hannish voym's, jean-jee y phreacheil er mullagh  ny dhieyn. 
+40N	10	28		5160	As ny bee aggle erriu rouesyn varrys y corp, agh nagh jarg er yn annym y varroo:  agh bee-jee ayns aggle smoo roishyn oddys annym as callin neesht y stroie ayns niurin.   
+40N	10	29		5170	Nagh vel daa sparroo er nyn greck son farling? as cha duitt unnane oc marroo  er y thalloo fegooish oardagh yn Ayr eu. 
+40N	10	30		5180	Agh ta eer renaigyn nyn ghing ooilley er nyn earroo. 
+40N	10	31		5190	Ny bee-jee shiuish er-y-fa shen ayns aggle, ta ny smoo dy ve soit jiuish na jeh  ymmodee sperriu. 
+40N	10	32		5200	Quoi-erbee er-y-fa shen ghoys rhym's kiongoyrt rish deiney, goym's rishyn myrgeddin  kiongoyrt rish my Ayr t'ayns niau. 
+40N	10	33		5210	Agh quoie-erbee obbys mish kiongoyrt rish deiney, eshyn neem's myrgeddin y obbal  kiongoyrt rish my Ayr t'ayns niau. 
+40N	10	34		5220	Ny smooinee-jee dy daink mish dy chur lhiam shee er y thalloo: cha daink mee  dy chur lhiam shee, agh cliwe. 
+40N	10	35		5230	Son ta mish er jeet dy scarrey dooinney veih e ayr, as yn inneen veih e moir,  as y ven-chleuin veih e moir-'sy-leigh 
+40N	10	36		5240	As noidyn dooinney vees adsyn jeh'n lught-thie echey hene. 
+40N	10	37		5250	Eshyn ta ny s'graihee er ayr ny moir na orrym's, cha vel eh feeu jee'm: as eshyn  ta ny s'graihee er mac ny inneen na orrym's cha vel eh feeu jee'm. 
+40N	10	38		5260	As eshyn nagh jean e chrosh y ymmyrkey, as geiyrt orrym's, cha vel eh feeu jee'm.
+40N	10	39		5270	Eshyn ta aggindagh e vioys y hauail, caillee eh eh: agh eshyn chaillys e vioys  er my ghraih's, nee eh eh y hauail. 
+40N	10	40		5280	Eshyn ta soiaghey jiuish, t'eh soiaghey jeem's: as eshyn ta soiaghey jeem's,  t'eh soiaghey jehsyn t'er my choyrt. 
+40N	10	41		5290	Eshyn ta cur oltaghey-bea da phadeyr ayns ennym phadeyr, yiow eh leah phadeyr  as eshyn ta cur oltaghey-bea da dooinney cairagh ayns ennym dooinney cairagh, yiow  eh leagh dooinney cairagh. 
+40N	10	42		5300	As quoi-erbee ver agh cappan dy ushtey feayr da unnane jeh'n vooinjer veggey  shoh dy iu, son dy vel eh credjal aynym's, dy firrinagh ta mee gra riu, nagh jean  eh er aght erbee e leagh y choayl.
+40N	11	1		5310	As haink eh gy-kione, erreish da Yeesey v'er choyrt ny curmyn shoh da e ghaa ostyl  jeig dy jagh eh veih shen dy ynsaghey, as dy phreacheil ayns ny ard-valjyn mygeayrt.   
+40N	11	2		5320	Nish tra va Ean er chlashtyn ayns y phryssoon jeh obbraghyn Chreest, hug eh jees  jeh e ynseydee hene er chaghteraght huggey, 
+40N	11	3		5330	Dy ghra rish, Nee uss eh va dy heet ny vel shin dy yeeaghyn son fer elley? 
+40N	11	4		5340	Dreggyr Yeesey as dooyrt eh roo, Immee-jee, as soilshee-jee da Ean ny reddyn ta  shiu dy chlashtyn as dy akin: 
+40N	11	5		5350	Ta ny doail geddyn nyn soilshey, as ny croobee shooyll, ny louraanee er nyn ghlenney,  ny beuyr clashtyn, ny merriu er nyn mioghey, as yn sushtal er ny phreacheil da ny  boghtyn. 
+40N	11	6		5360	As bannit ta eshyn nagh jean beg y hoiaghey jeem's. 
+40N	11	7		5370	As myr v'ad goll roue, ren Yeesey toshiaght dy ghra rish y pobble mychione Ean,  Cre hie shiu magh gys yn aasagh dy akin? Nee cuirtlagh criht lesh y gheay?
+40N	11	8		5380	Agh cre hie shiu magh dy akin? Dooinney coamrit ayns garmad moyrnagh? Cur-my-ner,  t'adsyn ta ceau coamrey moyrnagh ayns cooyrtyn reeoil. 
+40N	11	9		5390	Agh cre hie shiu magh dy akin? Nee phadeyr? dy jarroo ta mee gra riu, as fer syrjey  na phadeyr. 
+40N	11	10		5400	Son shoh eh, my-e-chione te scruit, Cur-my-ner ta mee cur my haghter magh royd,  dy chiartaghey'n raad kiongoyrt rhyt. 
+40N	11	11		5410	Dy firrinagh ta mee gra riu, ny mast' ocsyn t'er ve ruggit jeh mraane, cha vel  fer syrjey na Ean Bashtey er droggal: ny-yeih ta'n fer sloo t'ayns reeriaght niau  ny syrjey na eshyn.
+40N	11	12		5420	As er-dy laghyn Ean Bashtey derrey nish, ta sleih chionney stiagh gys reeriaght  niau, as t'adsyn ta cheet lesh jeeanid cosney stiagh ayn. 
+40N	11	13		5430	Son ren ooilley ny phadeyryn as y leigh phadeyrys derrey Ean. 
+40N	11	14		5440	As my ta shiu booiagh goaill-rish, shoh Elias va ry-hoi cheet. 
+40N	11	15		5450	Eshyn ta cleayshyn echey dy chlashtyn lhig da clashtyn. 
+40N	11	16		5460	Agh cre gys nee'm yn cheeloghe shoh y hoylaghey? T'ad goll-rish cloan ta nyn  soie ayns ny margaghyn, as geamagh da ny sheshaghyn oc. 
+40N	11	17		5470	As gra, Ta shin er n'yannoo bingys diu, as cha vel shiu er ghaunsin: ta shin  er hroggal bardoon diu, as cha vel shiu er ghobberan. 
+40N	11	18		5480	Son cha daink Ean gee ny giu, as t'ad gra, Ta drogh-spyrryd ayn. 
+40N	11	19		5490	Haink Mac yn dooinney gee as giu, as t'ad gra, Cur-my-ner dooinney jollyssagh,  as iuder feeyney, carrey dy publicanee as dy pheccee: agh ta creenaght er ny heyrey  liorish e cloan hene. 
+40N	11	20		5500	Eisht ren eh toshiaght dy phlaiynt er ny ard-valjyn, ayndoo va'n chooid smoo  jeh e obbraghyn yindyssagh er nyn yannoo, er-yn-oyr nagh ghow ad arrys. 
+40N	11	21		5510	Smerg dhyt's Chorazin, smerg dhyt's Vethsaida: son dy beagh ny obbraghyn yindyssagh  er ny ve jeant ayns Tyre as Sidon t'er ny ve jeant ayndiuish, veagh ad er ghoaill  arrys foddey er-dy-henney ayns aanrit-sack as leoie 
+40N	11	22		5520	Agh ta mee gra riu, Dy bee kerraghey s'eddrym er ny choyrt er Tyre as Sidon ec  laa ny briwnys, na vees er ny choyrt erriuish. 
+40N	11	23		5530	As uss, Chapernaum, ta dty ooashley roshtyn gys niau, bee oo er dty hilgey sheese  gys niurin: son dy beagh ny obbraghyn yindyssagh er ve jeant ayns Sodom, t'er ve  jeant aynyd's, veagh eh er ve er-mayrn gys y laa t'ayn jiu. 
+40N	11	24		5540	Agh ta mee gra riu, dy bee kerraghey sassey er ny choyrt er thalloo Sodom ec  laa ny briwnys, na vees ort's. 
+40N	11	25		5550	Ec y traa shen dreggyr Yeesey as dooyrt eh, Ta mee cur booise dhyt, O Ayr,  Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta  creeney as tushtagh, as dy vel oo er hoilshaghey ad da oikanyn. 
+40N	11	26		5560	Shen dy jarroo myr te, Ayr, son shen myr ve mie ayns dty hilley's. 
+40N	11	27		5570	Ta dy chooilley nhee er ny livrey dooys liorish my Ayr: as cha nhione da dooinney  erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn  da s'gooidsave lesh yn Mac eh y hoilshaghey. 
+40N	11	28		5580	Tar-jee hym's ooilley shiuish ta deinagh as trome laadit, as neem's shiu y  ooraghey. 
+40N	11	29		5590	Gow-jee my whing erriu, as ynsee-jee voym's, son ta mee meen as imlee ayns cree:  as yiow shiu fea da nyn amneenyn. 
+40N	11	30		5600	Son ta my whing aashagh, as my errey eddrym. 
+40N	12	1		5610	Ec y traa shen hie Yeesey trooid magher arroo-er y doonaght, as va e ostyllyn accryssagh,  as ghow ad toshiaght dy phluckey ny jeeassyn arroo, as dy ee. 
+40N	12	2		5620	Agh tra honnick ny Phariseeyn ad, dooyrt ad rish, Cur-my-ner ta dty vooinjer's  jannoo shen nagh vel lowal dy ve jeant er y doonaght. 
+40N	12	3		5630	Agh dooyrt eshyn roo, Nagh vel shiuish er lhaih cre ren David, tra v'eh hene as  e heshaght accryssagh. 
+40N	12	4		5640	Kys hie eh stiagh ayns thie Yee, as d'ee eh yn arran casherick, nagh row lowit  dasyn dy ee, agh da ny saggyrtyn ny-lomarcan? 
+40N	12	5		5650	Er-nonney, nagh vel shiu er lhaih ayns y leigh, kys er laghyn y doonaght ta ny  saggyrtyn ayns y chiamble brishey yn doonaght, as foast cha vel peccah er ny choyrt  ass nyn lieh? 
+40N	12	6		5660	Agh ta mish gra riuish, dy vel ayns shoh fer syrjey na'n chiamble. 
+40N	12	7		5670	Agh dy beagh fys er ve euish, cre ta er ny hoiggal liorish y raa shoh, Share lhiam  myghin na oural, cha beagh shiu er gheyrey yn vooinjer neu-chyndagh. 
+40N	12	8		5680	Son ta Mac y dooinney ny Hiarn er y doonaght hene. 
+40N	12	9		5690	As tra v'eh er n'gholl veih shen, hie eh stiagh ayns nyn synagogue. 
+40N	12	10		5700	As cur-my-ner, va dooinney ayns shen va'n laue echey er shyrgaghey: as, dy vod  dagh oyr plaiynt y ve oc noi Yeesey, denee ad jeh, gra, Vel eh lowal dy lheihys er  laghyn y doonaght? 
+40N	12	11		5710	As dooyrt eh roo, Quoi yn dooinney ny mast' eu, vees un cheyrrey echey, as my  huittys ee ayns jeeg er y doonaght, nagh daare eh greme urree, as nagh drog eh ass  ee? 
+40N	12	12		5720	Nagh vel dooinney eisht foddey share na keyrrey? Shen-y-fa te lowal dy yannoo  mie er y doonaght. 
+40N	12	13		5730	Eisht dooyrt eh rish y dooinney, Sheeyn magh dty laue: as heeyn eh magh ee; as  va'n laue echey er ny lheihys myr y laue elley. 
+40N	12	14		5740	Eisht hie ny Phariseeyn magh, as hug ad nyn goyrle dy-cheilley n'oi, kys oddagh  ad eh y stroie. 
+40N	12	15		5750	Agh tra va fys ec Yeesey er, jimmee eh veih shen: as deiyr earrooyn mooarey dy  leih er, as ren eh ad ooilley y lheihys. 
+40N	12	16		5760	As hug eh currym daue, gyn ad dy vrah eh: 
+40N	12	17		5770	As shoh myr va cooilleenit shen ny loayr Esaias y phadeyr, gra, 
+40N	12	18		5780	Cur-my-ner, my hirveishagh hene ta mee er reih, my er-graihagh hene, eer taitnys  my anmey: ver-yms yn spyrryd aym's ersyn, as soilshee eh briwnys da ny Ashoonee.   
+40N	12	19		5790	Cha bee eh streeuagh ny anveaagh, chamoo chluinnys fer erbee e choraa ayns ny  straidyn. 
+40N	12	20		5800	Cuirtlagh vroojit cha jean eh y vrishey, as y bite giare-cheaut cha der eh ass,  derrey ver eh magh briwnys ayns barriaght.
+40N	12	21		5810	As ayns yn ennym echeysyn nee ny Ashoonee treishteil. 
+40N	12	22		5820	Eisht hug ad lhieu huggey dooinney seaghoit lesh drogh-spyrryd, doal as balloo:  as ren eh eh y lheihys, myr shen dy ren eshyn va doal as balloo chammah loayrt as  fakin. 
+40N	12	23		5830	As ghow ooilley yn pobble yindys, as dooyrt ad, Nagh nee shoh mac Ghavid? 
+40N	12	24		5840	Agh tra cheayll ny Phariseeyn shoh, dooyrt ad, Cha vel eh shoh castey drogh spyrrydyn,  agh liorish Beelzebub prince ny drogh-spyrrydyn. 
+40N	12	25		5850	As Yeesey toiggal ny smooinaghtyn oc, dooyrt roo, Ta dy chooilley reeriaght ta  girree magh n'oi hene goll naardey: as ard-valley ny thie erbee ta girree-magh fo-my-cheilley,  cha vod ad shassoo. 
+40N	12	26		5860	As my ta Satan castey Satan, t'eh girree-magh n'oi hene: kys eisht oddys y reeriaght  echey shassoo? 
+40N	12	27		5870	As my ta mish liorish Beelzebub castey drogh-spyrrydyn, quoi liorish ta nyn mooinjer  hene dy chastey ad? adsyn er-y-fa shen vees ny briwnyn eu. 
+40N	12	28		5880	Agh my ta mish liorish spyrryd Yee castey drogh-spyrrydyn, eisht ta reeriaght  Yee er jeet hiuish. 
+40N	12	29		5890	Er-nonney, kys oddys fer goll stiagh ayns thie yn treanagh, as e chooid y ghoaill  er-niart, mannagh geulee eh hoshiaght yn treanagh, as eisht nee eh e hie y roostey?   
+40N	12	30		5900	Eshyn nagh vel lhiam, t'eh m'oi: as eshyn nagh vel chymsaghey marym, t'eh skeayley.   
+40N	12	31		5910	Shen-y-fa ta mee gra riu, Bee dy chooilley pheccah as raa mollaghtagh er ny  leih da deiney: agh goan mollaghtagh noi yn Spyrryd Noo cha bee er nyn leih da deiney.   
+40N	12	32		5920	As quoi-erbee loayrys fockle noi Mac y dooinney, bee eh er ny leih da: agh quoi  erbee loayrys noi yn Spyrryd Noo, cha bee eh er ny leih da, edyr 'sy theihll shoh,  ny 'sy theihll ta ry-heet. 
+40N	12	33		5930	Edyr jean-jee yn billey mie, as e vess mie; er-nonney jean-jee yn billey olk,  as e vess olk: son liorish e vess, ta enney er ny choyrt er y villey. 
+40N	12	34		5940	O shiuish heeloghe dy ard-nieughyn, kys oddys shiuish ta olk shiu hene, reddyn  mie y loayrt? son ass laanid y chree ta'n beeal loayrt. 
+40N	12	35		5950	Ta dooinney mie ass stoyr mie yn chree echey, cur magh reddyn mie: as drogh ghooinney  ass y drogh-stoyr cur magh drogh reddyn. 
+40N	12	36		5960	Agh ta mee gra riu, Dy chooilley ghrogh-ockle nee deiney y loayrt, dy der ad  coontey er y hon ec laa ny briwnys. 
+40N	12	37		5970	Son liorish dty ghoan bee oo er dty heyrey, as liorish dty ghoan bee oo er dty  gheyrey. 
+40N	12	38		5980	Eisht dreggyr shiartanse jeh ny scrudeyryn as jeh ny Phariseeyn, gra, Vainshter,  baillhien cowrey y akin void. 
+40N	12	39		5990	Agh dreggyr eshyn, as dooyrt eh roo, Ta drogh-heeloghe as neu-ghooghyssagh shirrey  cowrey, agh cha bee cowrey erbee er ny chur daue, agh cowrey yn adeyr Jonas. 
+40N	12	40		6000	Son myr va Jonas three laghyn as three oieghyn ayns bolg y whale: myr shen bee  Mac y dooinney three laghyn as three oieghyn ayns cree yn thallooin. 
+40N	12	41		6010	Nee deiney Nineveh girree seose ayns briwnys, as y cheeloghe shoh y gheyrey,  er-yn-oyr dy ghow ad arrys ec preacheil Yonas, as cur-my-ner, ta fer syrjey na Jonas  ayns shoh. 
+40N	12	42		6020	Nee ben-rein y jiass girree seose ayns briwnys noi yn cheeloghe shoh, as ad y  gheyrey: son haink ish veih ardjyn sodjey magh y thallooin, dy chlashtyn creenaght  Solomon, as cur-my-ner ta fer s'ooasle na Solomon ayns shoh. 
+40N	12	43		6030	Tra ta'n spyrryd neu-ghlen er n'gholl ass dooinney, t'eh shooyll trooid faasaghyn  fadane, chee aash, agh ayns fardail. 
+40N	12	44		6040	Eisht t'eh gra, Chyndaa-ym gys my hie, ass haink mee; as tra t'eh cheet, t'eh  dy gheddyn eh follym, sceabit, as soit magh dy stooamey. 
+40N	12	45		6050	Eisht t'eh goll, as cur lesh marish shiaght spyrrydyn elley ta ny smessey na  eh hene, as t'ad goll shagh as cummal ayns shen: as ta stayd yerrinagh yn dooinney  shen ny s'doogh na'n toshiaght. Eer myr shoh hig eh dy ve er y cheeloghe vee chrauee  shoh. 
+40N	12	46		6060	Choud as v'eh foast loayrt rish y pobble, cur-my-ner va e voir as e vraaraghyn  nyn shassoo mooie, shirrey loayrt rish. 
+40N	12	47		6070	Eisht dooyrt fer rish, Cur-my-ner, ta dty voir as dty vraaraghyn nyn shassoo  mooie, shirrey loayrt rhyt. 
+40N	12	48		6080	Agh dreggyr eshyn yn fer dinsh shoh da, gra, Quoi my voir? as quoi my vraaraghyn?   
+40N	12	49		6090	As heeyn eh magh e laue lhieusyn va sheer geiyrt er, as dooyrt eh, Cur-my-ner  my voir, as my vraaraghyn. 
+40N	12	50		6100	Son quoi-erbee nee aigney my Ayrey t'ayns niau, eh shen my vraar, as my huyr  as my voir.
+40N	13	1		6110	Yn laa cheddin hie Yeesey magh ass y thie, as hoie eh sheese rish oirr ny  marrey.   
+40N	13	2		6120	As va earrooyn mooarey dy leih er nyn jaglym cooidjagh huggey, myr shen dy jagh  eh er board lhong, as hoie eh sheese, as va ooilley yn pobble nyn shassoo er y traie.   
+40N	13	3		6130	As loayr eh mooarane reddyn roo ayns coraaghyn-dorraghey, gra, Cur-jee my-ner,  hie correyder magh dy chuirr. 
+40N	13	4		6140	As myr v'eh cuirr, huitt paart jeh'n rass rish oirr y raad, as haink ny eeanlee,  as d'ee ad seose eh. 
+40N	13	5		6150	Huitt paart er thalloo cloaie, raad nagh row mooarane ooir as daase eh er-y-chooyl,  er-yn-oyr nagh row diunid hallooin echey: 
+40N	13	6		6160	As tra ghow yn ghrian niart, ve fiojit; as er-yn-oyr nagh row eh er n'ghoaill  fraue, ren eh shymley ersooyl. 
+40N	13	7		6170	As huitt paart mastey drineyn: as daase ny drineyn seose as phloogh ad eh. 
+40N	13	8		6180	Agh huitt cooid elley jeh ayns thalloo mie, as dymmyrk eh mess, paart keead-filley  paart three-feed-filley, as paart jeih fillaghyn as feed. 
+40N	13	9		6190	Eshyn ta cleayshyn echey dy chlashtyn, lhig da clashtyn. 
+40N	13	10		6200	As haink e ostyllyn huggey, as dooyrt ad rish, Cre'n-fa t'ou loayrt roo ayns  coraaghyn-dorraghey? 
+40N	13	11		6210	Dreggyr eshyn, as dooyrt eh roo, Er-yn-oyr dy vel eh er ny choyrt diuish folliaghtyn  reeriaght niau y hoiggal, agh dauesyn cha vel eh er ny choyrt. 
+40N	13	12		6220	Son quoi-erbee ta echey, dasyn vees er ny choyrt, as bee towse s'feoiltey er  ny choyrt da: agh quoi-erbee nagh vel echey, veihsyn vees shen ny ta echey, er ny  ghoaill ersooyl. 
+40N	13	13		6230	Shen-y-fa ta mee loayrt roo ayns coraaghyn-dorraghey: er-yn-oyr, ga dy vel ad  fakin, cha vel ad cur-my-ner: as clashtyn cha vel ad cur geill, chamoo t'ad toiggal.   
+40N	13	14		6240	As ayndoosyn ta cooilleenit phadeyrys Esaias, ta gra, Ayns clashtyn, cluinnee  shiu, agh cha jean shiu toiggal: as ayns fakin, hee shiu, agh cha der shiu my-ner   
+40N	13	15		6250	Son ta cree yn phobble shoh er n'aase roauyr, as ta ny cleayshyn oc moal dy chlashtyn,  as ny sooillyn oc t'ad er n'yeigh; er-aggle dy vaikagh ad lesh nyn sooillyn, as dy  gluinnagh ad lesh nyn gleayshyn, as dy doiggagh ad lesh nyn gree, as dy beagh ad  er nyn jyndaa, as dy jinnin ad y lheihys 
+40N	13	16		6260	Agh bannit ta ny sooillyn euish, son t'ad fakin, as ny cleayshyn eu, son t'ad  clashtyn. 
+40N	13	17		6270	Son dy firrinagh ta mee gra riu, dy vel ymmodee phadeyryn as deiney cairagh er  ve aignagh dy akin ny reddyn ta shiuish dy akin, agh cha vel ad er vakin ad: as dy  chlashtyn ny reddyn ta shiuish dy chlashtyn, agh cha vel ad er chlashtyn ad. 
+40N	13	18		6280	Clasht-jee er-y-fa shen coraa-dorraghey yn chorreyder. 
+40N	13	19		6290	Quoi-erbee ta clashtyn goo yn reeriaght, as nagh vel dy hoiggal eh, ta'n drogh  er cheet, as tayrtyn lesh shen ny va cuirt ayns e chree: shoh eh ghow yn rass rish  oirr y raad. 
+40N	13	20		6300	Agh eshyn ghow yn rass ayns ynnydyn claghagh, shen eh ta clashtyn y goo, as jeeragh  lesh boggey dy ghoaill eh: 
+40N	13	21		6310	Foast cha vel fraue echey ayn hene agh t'eh cummal rish son tammylt: agh tra  ta seaghyn as tranlaase cheet er, er coontey yn ghoo chelleeragh ta e chredjue failleil.   
+40N	13	22		6320	Eshyn myrgeddin ghow yn rass mastey ny drineyn, yn fer ta clashtyn y goo: as  ta kiarail y theihll shoh, as molteyrys berchys plooghey yn goo, as te cheet dy ve  ne vessoil. 
+40N	13	23		6330	Agh eshyn ghow yn rass ayns thalloo mie, shen eh ta clashtyn y goo as dy hoigg  eh, as t'eh tilgey mess, as gymmyrkey, paart keead-filley, paart three feed, as paart  jeih fillaghyn as feed. 
+40N	13	24		6340	Coraa-dorraghey elley loayr eh roo gra, Ta reeriaght niau er ny hoylaghey gys  dooinney chuirr rass mie ayns e vagher: 
+40N	13	25		6350	Agh choud as va sleih nyn gadley haink e noid, as chuirr eh coggyl mastey y churnaght,  as jimmee eh roish. 
+40N	13	26		6360	Agh tra va'n chass er n'aase, as e n'gholl my-yeish, eisht haink y coggyl rish  myrgeddin. 
+40N	13	27		6370	Er shen haink fir-vooinjerey yn er-thie, as dooyrt ad rish, Vainshter, nagh chuirr  uss rass mie ayns dty vagher? cre voish eisht ta'n coggyl t'ayn? 
+40N	13	28		6380	Dooyrt eshyn roo, Noid t'er n'yannoo shoh. Dooyrt ny fir-vooinjerey rish, Nailt  eisht shin dy gholl as dy ghaartlian ass eh? 
+40N	13	29		6390	As dooyrt eshyn, Cha naill-ym; er aggle ayns gaartlian yn coggyl, dy n'astyrt  shiu yn churnaght myrgeddin ass ny fraueyn marish. 
+40N	13	30		6400	Lhig-jee daue ny-neesht gaase cooidjagh derrey'n fouyr: as ayns earish yn ouyr  jir-yms rish ny beayneeyn, Chymsee-jee cooidjagh hoshiaght yn coggyl ayns bunneeyn  ry-hoi lostey; agh tayrn-jee yn churnaght stiagh ayns my hoalt. 
+40N	13	31		6410	Coraa-dorraghey elley loayr eh roo, gra, Ta reeriaght niau goll-rish grine  dy rass mustard ghow dooinney, as chuirr eh ayns e vagher eh.
+40N	13	32		6420	As ga dy nee eh sloo jeh dy chooilley rass: foast tra te er n'aase, eh smoo ta  mastey lossreeyn, as te cheet dy ve ny villey: myr shen dy vel eeanlee yn aer cheet  as goaill fastee ayns ny banglaneyn echey. 
+40N	13	33		6430	Coraa-dorraghey elley loayr eh roo, Ta reeriaght niau goll-rish soorid ren  ben y ghoaill as coodaghey seose ayns three towseyn dy veinn, derrey va'n clane soorit.
+40N	13	34		6440	Ooilley ny goan shoh loayr Yeesey rish y pobble ayns coraaghyn-dorraghey, as  fegooish coraa-dorraghey, cha loayr eh roo: 
+40N	13	35		6450	As shoh myr va cooilleenit shen loayr y phadeyr, gra, Foshlym my veeal dy loayrt  coraaghyn-dorraghey, soilshee-ym magh reddyn t'er ve follit er-dy hoshiaght y theihll.   
+40N	13	36		6460	Eisht hug Yeesey yn cheshaght ersooyl, as hie eh stiagh ayns y thie: as haink  huggey adsyn va sheer marish, gra, Soilshee dooin coraa dorraghey coggyl yn vagheragh.   
+40N	13	37		6470	Dreggyr eshyn as dooyrt eh roo Eshyn chuirr yn rass mie, Mac yn dooinney:
+40N	13	38		6480	Yn magher yn seihll: yn rass mie cloan y reeriaght: agh y coggyl cloan y drogh-er:   
+40N	13	39		6490	Yn noid chuirr ad yn Jouyl: yn fouyr jerrey yn theihll: as ny beayneeyn ny ainleyn.
+40N	13	40		6500	Myr, er-y-fa shen, ta'n coggyl er ny haglym, as er ny lostey ayns yn aile; shen  myr vees eh ec jerrey'n theihll. 
+40N	13	41		6510	Ver yn Mac dooinney magh e ainleyn, as teiyee ad ass e reeriaght dy chooilley  nhee ta tayrn sleih gys peccah, as adsyn ta cur rish yn olk; 
+40N	13	42		6520	As tilgee ad ad ayns coirrey aileagh: ayns shen vees keayney as snaggeraght feeacklyn.   
+40N	13	43		6530	Eisht nee yn chloan chairagh soilshean magh myr y ghrian, ayns reeriaght nyn  Ayrey. Eshyn ta cleayshyn echey dy chlashtyn, lhig da clashtyn. 
+40N	13	44		6540	Reesht ta reeriaght niau goll-rish berchys follit ayns magher: yn verchys cheddin  tra ta dooinney dy gheddyn magh t'eh dy choodaghey eh, as ayns boggey jeh t'eh goll  as creck ooilley ny t'echey, as kionnaghey yn magher cheddin. 
+40N	13	45		6550	Reesht ta reeriaght niau dy ve soylit rish marchan va shirrey pearlyn costal:   
+40N	13	46		6560	As tra v'eh er gheddyn un phearl dy phrice vooar, hie eh, as chreck eh ooilley  ny v'echey, as chionnee eh eh. 
+40N	13	47		6570	Reesht ta reeriaght niau goll-rish lieen va cuirt 'sy cheayn as haare jeh dy  chooilley horch dy eeast. 
+40N	13	48		6580	As tra ve lane, hayrn ad eh gys thalloo, as hoie ad sheese, as haggil ad yn eeast  mie ayns siyn, agh cheau ad yn drogh eeast ersooyl. 
+40N	13	49		6590	Shen myr vees eh ec jerrey yn theihll: hig ny ainleyn magh, as scarree ad yn  vee chrauee veih mastey yn chloan chairal; 
+40N	13	50		6600	As tilgee ad ad ayns coirrey dy aile: ayns shen vees keayney as snaggeraght feeacklyn.   
+40N	13	51		6610	Dooyrt Yeesey roo, Vel shiu er hoiggal ooilley ny reddyn shoh? Dooyrt adsyn rish,  Ta shin, Hiarn. 
+40N	13	52		6620	Eisht dooyrt eh roo, Shen-y-fa ta dy chooilley scrudeyr, ta ynsit gys reeriaght  niau, goll-rish dooinney ta ny er-thie (mie) ta cur magh ass e hashtaghyn reddyn  noa as shenn. 
+40N	13	53		6630	As haink eh gy-kione, tra va Yeesey erreish ny coraaghyn-dorraghey shoh y loayrt,  dy jimmee eh veih shen. 
+40N	13	54		6640	As tra v'eh er jeet gys e heer hene, dynsee eh ad ayns ny synagogueyn oc, ayns  wheesh as dy row ad atchimagh, as dy dooyrt ad, Cre voish ta creenaght as mirrillyn  y dooinney shoh? 
+40N	13	55		6650	Nagh nee shoh mac y teyr? Nagh vel e voir enmyssit Moirrey, as e vraaraghyn Jamys  as Joses, as Simon, as Judas? 
+40N	13	56		6660	As nagh vel ny shayraghyn echey ooilley marin? cre voish eisht ta ooilley ny  reddyn t'ec y dooinney shoh? 
+40N	13	57		6670	As v'ad jymmoosagh rish. Agh dooyrt Yeesey roo, Cha vel phadeyr gyn ooashley,  agh ayns e heer hene, as ayns e hie hene. 
+40N	13	58		6680	As cha nhimmey mirril dobbree eh ayns shen, kyndagh rish y vee-chredjue oc. 
+40N	14	1		6690	Ec y traa shen cheayll Herod yn Tetrarch jeh goo Yeesey, 
+40N	14	2		6700	As dooyrt eh rish e ir-oik, Shoh Ean Bashtey, t'eh er n'irree veih ny merriu,  as er-yn-oyr shen ta mirrillyn er nyn obbraghey 
+40N	14	3		6710	Son va Herod er ghoaill Ean, as er choyrt eh ayns geulaghyn 'sy phryssoon, er  coontey Herodias ben e vraar Philip.  
+40N	14	4		6720	Son va Ean er ghra rish, Te noi yn leigh, ee dy ve ayd son ben.  
+40N	14	5		6730	As tra baillish v'er choyrt eh gy-baase v'eh ayns aggle roish y pobble, er-yn-oyr  dy row ad dy ghoaill eh son phadeyr.  
+40N	14	6		6740	Agh er y laa v'er ny reayll corrym rish y laa ruggyr Herod, ghaunse inneen Herodias  ayns yn enish oc, as ghow Herod lane boggey j'ee.  
+40N	14	7		6750	Er shen ghiall eh lesh breearrey, dy choyrt-jee cre erbee hirragh ee.  
+40N	14	8		6760	As dooyrt ish, myr va e moir er chur roee, Cur dou ayns shoh kione Ean Bashtey  er claare.  
+40N	14	9		6770	As by-hrimshey lesh y ree: ny-yeih e coontey yn vreearrey, as y vooinjer v'ec  gien marish, doardee eh (yn kione) dy v'er ny livrey huic.  
+40N	14	10		6780	As hug eh fys yn kione dy ve giarit jeh Ean ayns y phryssoon.  
+40N	14	11		6790	As va'n kione er ny choyrt er claare as livreit gys y ven-aeg, as hug ish lh'ee  eh gys e moir.  
+40N	14	12		6800	As haink e ynseydee, as hrog ad y corp, as doanluck ad eh, as hie ad, as dinsh  ad da Yeesey.  
+40N	14	13		6810	Tra cheayll Yeesey jeh, ghow eh lhuingys, as jimmee eh veih shen gys ynnyd  faasagh er-lheh: as tra cheayll y pobble jeh, deiyr ad er ry nyn gosh ass ny ard-valjyn.   
+40N	14	14		6820	As hie Yeesey magh, as honnick eh chaglym mooar dy leih, as v'eh er ny veiyghey  lesh chymmey orroo, as laanee eh adsyn va ching.  
+40N	14	15		6830	As tra va'n fastyr er, haink e ostyllyn huggey, gra, She boayl faasagh shoh,  as te nish lesh yn anmys; lhig y raad da'n cheshaght, dy vod ad goll roue gys ny  baljyn cheerey, as beaghey y chionnaghey daue hene.
+40N	14	16		6840	Agh dooyrt Yeesey roo, Cha lhiass daue goll roue cur-jee shiuish beaghey daue   
+40N	14	17		6850	As dooyrt ad rish, Cha vel ain ayns shoh agh queig bwilleenyn, as daa eeast.   
+40N	14	18		6860	Dooyrt eshyn, Cur-jee lhieu ad ayns shoh hym's.  
+40N	14	19		6870	As doardee eh yn pobble dy hoie sheese er y faiyr, as ghow eh ny queig bwilleenyn  as y daa eeast, as yeeagh eh seose gys niau, as vannee eh, as vrish eh, as hug eh  ny bwilleenyn da ny ostyllyn, as hirveish adsyn ad er y pobble.  
+40N	14	20		6880	As ren ad ooilley gee, as v'ad jeant magh: as hrog ad jeh'n fooilliagh daag ad,  lane daa vaskad jeig. 
+40N	14	21		6890	As adsyn v'er n'ee v'ad queig thousane dooinney, cheu-mooie jeh mraane as cloan.   
+40N	14	22		6900	As chelleeragh hug Yeesey er e ostyllyn goaill lhuingys, as goll harrish gys  y cheu elley roish, choud as v'eshyn lhiggey yn raad da'n pobble. 
+40N	14	23		6910	As tra v'eh er chur y pobble ersooyl, hie eh-hene er-lheh seose er slieau, dy  ghoaill padjer: as tra va'n fastyr er jeet, v'eh ayns shen ny-lomarcan. 
+40N	14	24		6920	Agh va'n lhong nish ayns mean ny marrey, eiyrit noon as noal lesh ny tonnyn:  son va'n gheay nyn 'oi. 
+40N	14	25		6930	As ayns y chiarroo arrey jeh'n oie, haink Yeesey huc, shooyll er y cheayn. 
+40N	14	26		6940	As tra honnick ny ostyllyn eh shooyll er y cheayn, v'ad atchimagh, gra, She scaan  t'ayn; as deie ad magh ayns aggle. 
+40N	14	27		6950	Agh chelleeragh loayr Yeesey roo, gra, Bee-jee dy yien mie, she mish t'ayn, ny  gow-jee aggle. 
+40N	14	28		6960	As dreggyr Peddyr eh, gra, Hiarn, my she oo t'ayn, abbyr rhym cheet hood er yn  ushtey. 
+40N	14	29		6970	As dooyrt eh, Tar royd. As tra va Peddyr er jeet neose ass y lhong, huill eh  er yn ushtey, dy gholl gys Yeesey. 
+40N	14	30		6980	Agh gennaghtyn yn gheay rastagh, v'eh agglit: as aarloo dy gholl fo, dyllee eh,  gra, Hiarn, saue mee. 
+40N	14	31		6990	As ayns y tullogh, heeyn Yeesey magh e laue, as haare eh eh, as dooyrt eh rish,  O ghooinney faase-chredjuagh, cre'n-fa v'ou mee-ouryssagh? 
+40N	14	32		7000	As tra v'ad er n'gholl er-board y lhong, huitt yn gheay. 
+40N	14	33		7010	Eisht haink yn cheshaght-lhuingey, as hug ad ooashley da, gra, Ayns firrinys  oo Mac Yee. 
+40N	14	34		7020	As tra v'ad er jeet harrish, haink ad gys cheer Ghennesaret. 
+40N	14	35		7030	As tra hoig cummaltee yn voayl shen quoi v'eh, hug ad fys magh gys ooilley yn  cheer mygeayrt, as hug ad lhieu huggey ooilley adsyn va doghanit. 
+40N	14	36		7040	As ghuee ad er, ynrycan dy ventyn rish oirr e gharmad: as whilleen as venn rish,  v'ad er nyn lheihys. 
+40N	15	1		7050	Eisht haink gys Yeesey scrudeyryn as Phariseeyn veih Jerusalem, gra, 
+40N	15	2		7060	Cre'n-fa ta dty ostyllyn brishey oardaghyn y chanstyr? son cha vel ad niee nyn  laueyn ec goaill beaghey. 
+40N	15	3		7070	Agh dreggyr eshyn, as dooyrt eh roo, Cre'n-oyr ta shiuish brishey sarey Yee liorish  nyn oardaghyn? 
+40N	15	4		7080	Son hug Jee sarey, gra, Cur arrym da dty ayr as da dty voir: as, Eshyn ta gwee  mollaght er ayr ny moir, lhig da ve currit dy baase. 
+40N	15	5		7090	Agh ta shiuish gra, Quoi-erbee jir rish ayr ny moir, Yn chooid-choonee shen oddagh  uss jerkal rish voym's, te gioot er ny chasherickey gys Jee. 
+40N	15	6		7100	As nagh lhiass da cooney sodjey 'choyrt da e ayr ny e voir. Ta shiu myr shoh jannoo  sarey Yee gyn vree liorish ny oardaghyn eu. 
+40N	15	7		7110	Chrauee-oalsey, s'mie ren Esaias phadeyrys jiuish, gra, 
+40N	15	8		7120	Ta'n pobble shoh tayrn er-gerrey dou lesh nyn meeal, as cur ooashley dou lesh  nyn meillyn, agh ta'n cree oc foddey voym. 
+40N	15	9		7130	Agh ayns fardail t'ad cur ooashley dou, gynsaghey son y goo aym's oardaghyn deiney.   
+40N	15	10		7140	As deie eh er y pobble, as dooyrt eh roo, Eaisht-jee as toig-jee. 
+40N	15	11		7150	Cha nee shen ta goll stiagh ayns veeal ta jannoo dooinney neu-ghlen: agh ny ta  cheet magh ass y veeal, shen ta jannoo neu-ghlen jeh. 
+40N	15	12		7160	Eisht haink e ostyllyn huggey, as dooyrt ad rish, Vel fys ayd dy rowl ny Phariseeyn  jymmoosagh, tra cheayll ad raa shoh?
+40N	15	13		7170	Agh dreggyr eshyn, as dooyrt eh, Bee dy chooilley villey, nagh vel my Ayr flaunyssagh  er hoiaghey, er ny astyrt ass ny fraueyn. 
+40N	15	14		7180	Lhig-jee daue: she leeideilee doal ad ta kione y vooinjer ghoal. As my ta'n doal  shooyll kione y doal, tuittee ad ny-neesht ayns y jeeg. 
+40N	15	15		7190	Eisht dreggyr Peddyr, as dooyrt eh rish, Soilshee dooinyn yn coraa-dorraghey  shoh. 
+40N	15	16		7200	Dooyrt Yeesey rish, Vel shiuish neesht foast fegooish tushtey? 
+40N	15	17		7210	Nagh vel shiu foast toiggal, cre-erbee ta goit stiagh ayns y veeal, dy vel eh  goll sheese ayns y volg, as goll magh trooid y chorp? 
+40N	15	18		7220	Agh ta ny reddyn ta cheet magh ass y veeal, cheet veih'n chree, as t'ad shen  jannoo dooinney neu-ghlen. 
+40N	15	19		7230	Son magh veih'n chree ta cheet drogh smooinaghtyn, dunverys, brishey-poosey,  maarderys, maarlys, feanish foalsey, goan mollaghtagh. 
+40N	15	20		7240	Ad shoh ny reddyn ta jannoo dooinney neu-ghlen: agh dy ee lesh laueyn nagh ve  nieet, cha vel shen jannoo dooinney neu-ghlen. 
+40N	15	21		7250	Eisht hie Yeesey veih shen, as jimmee eh gys ardjyn Tyre as Sidon. 
+40N	15	22		7260	As cur-my-ner va ben va ny Canaanite, haink magh ass ny ardjyn shen, geamagh  as gra, Jean myghin orrym, O Hiarn, vac Ghavid; s'mooar ta my inneen er ny torchaghey  lesh drogh-spyrryd. 
+40N	15	23		7270	Agh cha dug eh fockle dy ansoor jee. As haink e ostyllyn, as ghuee ad er, gra,  Lhig y raad j'ee, son t'ee gyllagh nyn yei. 
+40N	15	24		7280	Agh dreggyr eshyn, as dooyrt eh, Cha vel mish er my choyrt, agh gys kirree-cailjey  thie Israel. 
+40N	15	25		7290	Eisht haink ee, as hug, ee ooashley da, gra, Hiarn, cooin lhiam. 
+40N	15	26		7300	Agh dreggyr eh, as dooyrt eh, Cha vel eh cooie arran ny clienney y ghoaill, as  y hilgey eh gys ny moddee. 
+40N	15	27		7310	S'feer shen, Hiarn, dooyrt ish: foast ta ny moddee gee jeh'n vrooillagh ta tuittym  jeh boayrd nyn mainshter. 
+40N	15	28		7320	Er shen dansoor Yeesey, as dooyrt eh r'ee, O ven, s'mooar ta dty chredjue: yn  aghin t'ou dy yeearree dy row ayd. As va'n inneen eck er ny lheihys veih'n oor cheddin.   
+40N	15	29		7330	As jimmee Yeesey veih shen, as haink eh er-gerrey da faarkey Ghalilee, as hie  eh seose er slieau, as hoie eh ayns shen. 
+40N	15	30		7340	As haink earrooyn mooarey dy leih huggey, as nyn mast' oc va croobee, doail,  balloo, baccee, as ymmodee elley, as hug ad ad nyn lhie ec cassyn Yeesey, as ren  eh ad y lheihys. 
+40N	15	31		7350	Ayns wheesh as dy ghow ooilley'n pobble yindys, tra honnick ad ny balloo loayrt,  ny baccee slane, ny croobee shooyll as ny doail fakin, as ren ad Jee Israel y ghloyraghey.   
+40N	15	32		7360	Eisht deie Yeesey er e ostyllyn, as dooyrt eh, Ta chymmey aym er y pobble,  er-yn-oyr dy vel ad er ve marym nish three laa, as cha vel monney beaghey oc dy ghoaill:  as cha der-ym ad ersooyl nyn drostey, er aggle dy gannooinee ad er y raad. 
+40N	15	33		7370	Dooyrt e ostyllyn rish, Cre raad yiow mayd wheesh shen dy arran 'syn aasagh,  as  magh lheid yn earroo mooar dy leih?
+40N	15	34		7380	Dooyrt Yeesey roo, Cre-woad bwilleen t'eu? Dooyrt adsyn, Shiaght, as kuse fardalagh  dy eeastyn beggey. 
+40N	15	35		7390	As doardee eh da'n pobble dy hoie er y thalloo. 
+40N	15	36		7400	As ghow eh ny shiaght bwilleenyn, as ny eeastyn, as hug e booise, as vrish eh,  as hug eh ad da e ostyllyn, as hirveish adsyn er y pobble ad. 
+40N	15	37		7410	As ren ad ooilley gee, as v'ad er nyn yannoo magh: as hrog ad jeh'n fooilliagh  va er-mayrn lane shiaght baskadyn. 
+40N	15	38		7420	As v'adsyn ren gee, kiare thousane dooinney, marish mraane as cloan. 
+40N	15	39		7430	As hug eh ersooyl yn pobble, as ghow eh lhuingys, as haink eh gys ardjyn Vagdala.     
+40N	16	1		7440	As haink ny Phariseeyn as ny Sadduceeyn dy phrowal eh, as hir ad er, eh dy yeeaghyn  cowrey ennagh daue veih niau. 
+40N	16	2		7450	Dreggyr eshyn, as dooyrt eh roo, Tra ta'n fastyr er, jir shiuish, Bee emshyr aalin  ayn: son dy vel jirgid 'syn aer. 
+40N	16	3		7460	As ayns y voghrey, Bee emshyr vroghe ayn jiu; son ta'n aer jiarg as dullyr. O  shiuish chrauee-oalsey, ta toiggal eu kys dy ghoaill baght jeh neeal yn aer, as nagh  vod shiu baght y ghoaill jeh cowraghyn ny hearishyn? 
+40N	16	4		7470	She drogh-heeloghe as neu-ghooghyssagh ta shirrey cowrey, as cha bee cowrey er  ny chur daue, agh cowrey yn adeyr Jonas. As daag eh ad, as jimmee eh roish. 
+40N	16	5		7480	Nish tra va e ostyllyn er n'aagail y cheu elley, v'ad er yarrood arran y chur 
+40N	16	6		7490	Eisht dooyrt Yeesey roo, Gow-jee twoaie, as bee-jee er nyn arrey noi soorid  ny Phariseeyn as ny Sadduceeyn. 
+40N	16	7		7500	As loayr ad re-cheilley, gra, Ta shoh er yn oyr nagh dug shin lhien arran. 
+40N	16	8		7510	Tra hoig Yeesey shoh, dooyrt eh roo, Gheiney faase-chredjuagh, cre'n-fa ta shiu  resooney riu hene son nagh dug shiu lhieu arran? 
+40N	16	9		7520	Nagh vel shiu foast toiggal, as nagh vel cooinaghtyn eu er ny queig bwilleenyn  ren magh ny queig thousaneyn, as cre whilleen baskad d'ooilliagh v'eu? 
+40N	16	10		7530	Ny er ny shiaght bwilleenyn ren magh ny kiare thousaneyn, as cre-woad baskad hrog  shiu? 
+40N	16	11		7540	Kys te nagh vel shiu goaill eu hene nagh nee er arran va mee cheet, agh shiu  dy ghoaill twoaie jeh soorid ny Phariseeyn as ny Sadduceeyn? 
+40N	16	12		7550	Eisht hoig ad nagh dug eh raaue daue noi soorid arran, agh noi ynsagh ny Phariseeyn  as ny Sadduceeyn. 
+40N	16	13		7560	Tra va Yeesey er jeet gys ardjyn Cesarea Philippi, denee eh jeh e ostyllyn,  gra, Cre ta deiney dy ghra my-mychione's, Mac y dooinney, quoi mee hene? 
+40N	16	14		7570	Dooyrt adsyn, Ta paart gra dy nee Ean Bashtey oo, as paart Elias, as ta feallagh  elley gra dy nee Jeremias oo, ny fer jeh ny phadeyryn. 
+40N	16	15		7580	Dooyrt eshyn roo, Agh quoi ta shiuish gra, dy vel mee? 
+40N	16	16		7590	Dreggyr Simon Peddyr, as dooyrt eh, Uss yn Creest, Mac y Jee bio. 
+40N	16	17		7600	Dansoor Yeesey, as dooyrt eh rish, Bannit t'ou uss Simon mac Jona: son cha nee  feill as fuill t'er hoilshaghey shoh dhyt's agh my Ayr t'ayns niau. 
+40N	16	18		7610	As ta mee myrgeddin gra rhyt, Dy nee uss Peddyr, as dy nee er y chreg shoh trog-ym's  my agglish: as cha vow giattyn niurin yn varriaght urree. 
+40N	16	19		7620	As ver-yms dhyt's ogheryn reeriaght niau: as cre-erbee chianglys oo er y thalloo,  bee eh kianlt ayns niau: as cre-erbee eayslys oo er y thalloo, bee eh er ny eaysley  ayns niau. 
+40N	16	20		7630	Eisht hug eh currym er e ostyllyn gyn ad dy insh da dooinney erbee, dy nee eshyn  va Yeesey yn Creest. 
+40N	16	21		7640	Veih yn traa shen magh ren Yeesey toshiaght dy hoilshaghey da e ostyllyn, kys  dy beign da goll seose gys Jerusalem, as goll fo mooarane surranse veih'n chanstyr,  as ny ard-saggyrtyn, as ny scrudeyryn, as dy beagh eh er ny choyrt gy baase, agh  dy n'irragh eh reesht er y trass laa. 
+40N	16	22		7650	Eisht ghow Peddyr eh er-lheh, as ghow eh toshiaght dy choyrlaghey eh, gra, Foddey  dy row eh void, Hiarn, lheid shoh dy haghyrt dhyt. 
+40N	16	23		7660	Agh hyndaa eshyn, as dooyrt eh rish Peddyr, Ass my enish, y violeyder, t'ou cur  ribbey ayns my raad: son cha vel ennaghtyn ayd jeh ny reddyn ta bentyn rish Jee,  agh jeh ny reddyn ta bentyn rish deiney. 
+40N	16	24		7670	Eisht dooyrt Yeesey rish e ostyllyn My ta dooinney erbee aggindagh geiyrt orrym's,  lhig da eh-hene y obbal, as e chrosh y hroggal, as geiyrt orrym. 
+40N	16	25		7680	Son quoi-erbee baillish e vioys y hauail, caillee eh eh: as quoi-erbee chaillys  e vioys er my ghraih's, sauee eh eh. 
+40N	16	26		7690	Son cre'n vondeish t'ec dooinney, my chosnys eh yn seihll ooilley, as e annym  hene y choayl? ny cre nee dooinney y choyrt ayns coonrey son e annym? 
+40N	16	27		7700	Son hig Mac y dooinney ayns gloyr e Ayrey, as e ainleyn casherick marish: as  ec y traa shen cooilleenee eh da dy chooilley ghooinney cordail rish e obbraghyn.   
+40N	16	28		7710	Dy firrinagh ta mee gra riu, Dy vel paart nyn shassoo ayns shoh, nagh jean blashtyn  er y baase, derrey hee ad Mac y dooinney cheet ayns e reeriaght. 
+40N	17	1		7720	As ec kione shey laa, ghow Yeesey Peddyr, as Jamys, as Ean e vraar, as hug eh lesh  ad er-lheh seose er slieau ard, 
+40N	17	2		7730	As va'n cummey echey er ny chaghlaa kiongoyrt roo, as ren yn eddin echey soilshean  myr y ghrian, as va'n coamrey echey gial myr y soilshey. 
+40N	17	3		7740	As cur-my-ner, honnick ad Moses as Elias taggloo rish. 
+40N	17	4		7750	Eisht dreggyr Peddyr as dooyrt eh rish Yeesey, Hiarn, s'maynrey dooin dy hannaghtyn  ayns shoh: my she dty aigney's eh, lhig dooin ayns shoh troggal three cabbaneyn:  cabbane er dty hon's, as cabbane son Moses, as cabbane son Elias. 
+40N	17	5		7760	Choud as v'eh foast loayrt, ren bodjal sollys skeayley harrystoo: as cur-my-ner  haink coraa ass y vodjal, gra, Shoh my vac ennoil, ayn ta mee goaill slane taitnys,  eaisht-jee rishyn. 
+40N	17	6		7770	As tra cheayll ny ostyllyn eh, huitt ad sheese er nyn eddin gys y thalloo, son  s'mooar yn aggle v'orroo. 
+40N	17	7		7780	As haink Yeesey as venn eh roo, as dooyrt eh, Trog-jee erriu, as ny gow-jee aggle.   
+40N	17	8		7790	As tra hrog ad seose nyn sooillyn, cha vaik ad fer erbee, agh Yeesey ny-lomarcan.   
+40N	17	9		7800	As myr v'ad cheet neose jeh'n clieau hug Yeesey currym orroo, gra, Ny insh-jee  yn ashlish da unnane erbee, derrey vees Mac yn dooinney er n'irree veih ny merriu.   
+40N	17	10		7810	As denee e ostyllyn jeh, gra, Cre'n-oyr jir ny scrudeyryn dy vel Elias dy heet  hoshiaght? 
+40N	17	11		7820	Dansoor Yeesey as dooyrt eh roo, Hig Elias dy jarroo hoshiaght, as lhiassee eh  dy chooilley nhee: 
+40N	17	12		7830	Agh ta mish gra riu, dy vel Elias er jeet hannah, as cha dug ad geill da, agh  t'ad er ghellal rish lurg nyn aigney hene as er yn aght cheddin nee Mac y dooinney  neesht surranse lioroo. 
+40N	17	13		7840	Eisht hoig e Ostyllyn dy nee er Ean Bashtey v'eh cheet. 
+40N	17	14		7850	As tra v'ad er jeet gys y cheshaght, haink huggey dooinney dy row, gliooney  sheese as gra, 
+40N	17	15		7860	Hiarn, jean chymmey er my vac, son t'eh ass e cheeayl, as dy mooar seaghnit:  son t'eh dy mennick tuittym ayns yn aile, as dy mennick ayns yn ushtey. 
+40N	17	16		7870	As hug mee lhiam eh gys dty ostyllyn, as cha yarg ad eh y lheihys. 
+40N	17	17		7880	Dansoor Yeesey as dooyrt eh, O heeloghe vee-chredjuagh as roonagh, caid ta mish  dy ve meriu? caid ta mee dy hurranse diu? cur lhiat eh hym's ayns shoh. 
+40N	17	18		7890	As vaggyr Yeesey er y drogh-spyrryd, as hie eh magh ass: as va'n lhiannoo er  ny lheihys veih'n oor shen. 
+40N	17	19		7900	Eisht haink e ostyllyn gys Yeesey er-lheh, as dooyrt ad, Cre liorish nagh voddagh  shinyn eh y lheihys? 
+40N	17	20		7910	Dooyrt Yeesey roo, Kyndagh rish nyn gredjue moal: son dy firrinagh ta mee gra  riu, Dy beagh nyn gredjue wheesh grine dy rass mustard, jirragh shiu rish y slieau  shoh, Scugh veih shoh noon gys shid, as nee eh scughey: as cha bee nhee erbee ro-ghoillee  diu. 
+40N	17	21		7920	Ny-yeih cha vel y dooghys shoh dy ghrogh-spyrrydyn dy ve castit, agh liorish  padjer as trostey. 
+40N	17	22		7930	As choud as v'ad ayns Galilee, dooyrt Yeesey roo, Bee Mac y dooinney er ny  vrah gys laueyn deiney: 
+40N	17	23		7940	As ver ad eh gy-baase, as y trass laa nee eh girree reesht: as v'ad feer trimshagh.   
+40N	17	24		7950	As tra v'ad er jeet gys Capernaum, haink y vooinjer va troggal argid y cheesh  gys Peddyr, gra, Nagh vel y mainshter euish geeck y cheesh? 
+40N	17	25		7960	Dooyrt eshyn, Dy row. As tra v'eh er jeet stiagh ayns y thie, va Yeesey ro-laue  rish, gra, Cre t'ou smooinaghtyn, Simon, quoi jeh ta reeaghyn y thallooin troggal  custom ny keesh? jeh nyn gloan hene, ny jeh joarreeyn? 
+40N	17	26		7970	Dooyrt Peddyr rish, Jeh joarreeyn. Dooyrt Yeesey rishyn, Eisht ta'n chloan seyr.   
+40N	17	27		7980	Ny-yeih, son nagh bee cumys er ny chur hooin, immee uss gys y cheayn, as lhig  sheese dooan, as trog y chied eeast hig hood: as tra vees oo er vosley e veeal, yiow  peesh dy argid ayn; shen gow, as eeck eh er my hon's as er dty hon hene.
+40N	18	1		7990	Ec y traa cheddin haink e ostyllyn gys Yeesey, gra, Quoi syrjey ta ayns reeriaght  niau? 
+40N	18	2		8000	As deie Yeesey er lhiannoo beg, as hoie eh eh kiongoyrt roo 
+40N	18	3		8010	As dooyrt eh, Dy firrinagh ta mee gra riu, Mannagh jean shiu chyndaa, as cheet  dy ve myr cloan veggey, cha jed shiu stiagh ayns reeriaght niau. 
+40N	18	4		8020	Quoi-erbee er-y-fa shen, nee eh-hene y injillaghey myr y lhiannoo beg shoh, eh  syrjey vees ayns reeriaght niau. 
+40N	18	5		8030	As quoi-erbee nee soiaghey jeh lheid y lhiannoo beg shoh ayns yn ennym aym's, t'eh  jannoo soiaghey jeem's. 
+40N	18	6		8040	Agh quoi-erbee ver oyr da unnane jeh'n vooinjer veggey shoh ta credjal aynym's  dy huittym (veih'n chredjue) veagh eh ny baare da dy beagh clagh-wyllin er ve croghit  mysh e wannal, as eh dy ve baiht ayns diunid ny marrey. 
+40N	18	7		8050	Smerg da'n theihll kyndagh rish oyryn peccah: son shegin da nyn lheid 've ayn;  agh smerg da'n dooinney, liorish ta'n loght cheet. 
+40N	18	8		8060	Shen-y-fa my ta dty laue ny dty chass hene dy dty hayrn gys yn olk, giare jeed,  as tilg void ad; te ny share dhyt goll stiagh ayns bea croobagh ny baccagh, na daa  laue ny daa chass y ve ayd, as oo dy ve tilgit ayns yn aile dy bragh farraghtyn.   
+40N	18	9		8070	As my ta dty hooill dy dty hayrn gys peccah, pluck assyd, as tilg void ee: te  ny share dhyt goll stiagh ayns bea lesh un hooill, na daa hooill y ve ayd, as oo  dy ve tilgit ayns aile niurin. 
+40N	18	10		8080	Cur-jee twoaie nagh soie shiu beg jeh unnane jeh'n vooinjer veggey shoh: son ta  mee gra riu, dy vel ny ainleyn ocsyn ayns niau, kinjagh cur-my-ner eddin my Ayr flaunyssagh.   
+40N	18	11		8090	Son ta Mac y dooinney er jeet dy hauail shen ny va caillit. 
+40N	18	12		8100	Cre ta shiu smooinaghtyn? My ta keead keyrrey ec dooinney, as unnane jeu v'er  n'gholl er-shaghryn, nagh vel eh faagail yn chiare-feed as yn nuy-jeig, as goll gys  ny sleityn, as shirrey yn cheyrrey chailjey? 
+40N	18	13		8110	As my she shen dy vel eh dy gheddyn ee, dy firrinagh ta mee gra riu, dy vel eh  goaill ny smoo dy voggey jeh'n cheyrrey shen, ny jeh'n chiare-feed as yn nuy-jeig,  nagh jagh er-shaghryn. 
+40N	18	14		8120	Er yn aght cheddin, cha nee aigney nyn Ayr t'ayns niau eh, unnane jeh'n vooinjer  veggey shoh dy herraghtyn. 
+40N	18	15		8130	Myrgeddin my nee dty vraar aggair dhyt, immee as insh da e oill eddyr shiu  hene nyn-lomarcan: my eaishtys eh rhyt, t'ou er chosney dty vraar. 
+40N	18	16		8140	Agh mannagh n'eaisht eh rhyt, eisht gow mayrt fer ny jees elley, ayns beeal ghaa  ny three dy eanishyn dy vod dy chooilley ockle ve jeant mie. 
+40N	18	17		8150	As mannagh der eh geill dauesyn, insh eh da'n agglish: agh mannagh der eh geill  da'n agglish, jeeagh er myr an-chreestee as myr publican. 
+40N	18	18		8160	Dy firrinagh ta mee gra riu, Cre erbee nee shiuish y chiangley er y thalloo,  bee eh kianlt ayns niau: as cre-erbee nee shiu y eaysley er y thalloo, bee eh er  ny eaysley ayns niau. 
+40N	18	19		8170	Reesht ta mee gra riu, my nee jees jiuish coardail er y thalloo 'syn un aghin  bee nyn aghin er ny chooilleeney liorish my Ayr t'ayns niau. 
+40N	18	20		8180	Son raad ta ghaa ny three er nyn jaglym cooidjagh ayns m'ennym's, shen y raad  ta mish nyn mastey. 
+40N	18	21		8190	Eisht haink Peddyr huggey, as dooyrt eh, Hiarn, cre cha mennick as ta orrym's  leih da my vraar, tra yioym aggair liorish? nee choud as shiaght keayrtyn? 
+40N	18	22		8200	Dooyrt Yeesey rish, Cha vel mish gra rhyt, Choud as shiaght keayrtyn: agh choud  as three-feed as jeih keayrtyn shiaght. 
+40N	18	23		8210	Shen-y-fa ta reeriaght niau er ny hoylaghey gys ree dy row, baillish coontey  rish e harvaantyn. 
+40N	18	24		8220	As tra v'eh er n'yannoo toshiaght dy choontey, haink fer huggey va lhiastyn da  jeih thousane talent. 
+40N	18	25		8230	Agh son wheesh as nagh row echey dy eeck, doardee e hiarn eh dy ve creckit as  e ven, as e chloan, as ooilley ny v'echey, as e eeaghyn dy ve eeckit. 
+40N	18	26		8240	Huitt y charvaant er-y-fa shen sheese, as ghuee eh er, gra, Cur daill dou, Hiarn,  as nee'm ooilley y eeck dhyt.
+40N	18	27		8250	Eisht va chiarn y charvaant shen er ny veiyghey lesh chymmey, as ren eh feaysley  er, as leih eh da ny v'eh dy lhiastyn. 
+40N	18	28		8260	Agh hie yn charvaant cheddin magh, as hooar eh fer jeh e heshaghyn-sharvaant  va lhiastyn keead ping da: as haare eh greme er, as ghow eh eh er y scoarnagh, gra,  Eeck shen ny t'ou dy lhiastyn. 
+40N	18	29		8270	As huitt e heshey-harvaant sheese ec e chassyn, as ghuee eh er, gra, Cur daill  dou as nee'm ooilley y eeck dhyt. 
+40N	18	30		8280	Agh cha lhiggagh eh lesh: agh hie eh, as hilg eh eh ayns pryssoon, derrey eeckagh  eh ny v'eh dy lhiastyn. 
+40N	18	31		8290	Myr shen tra honnick e heshaghyn-sharvaant kys hie eh er, ghow ad dy feer olk  rish, as haink ad, as dinsh ad da nyn jiarn ooilley ny va er daghyrt. 
+40N	18	32		8300	Eisht deie e hiarn er, as dooyrt eh rish, O ghrogh harvaant, leih mish dhyt's  yn slane lhiastynys shen, er-yn-oyr dy ren oo lheid yn aghin hym: 
+40N	18	33		8310	Nagh lhisagh uss myrgeddin as chymmey er ve ayd er dty heshey-harvaant, eer myr  va chymmey aym's ort's? 
+40N	18	34		8320	As va e hiarn jymmoosagh, as livrey eh seose eh gys laue y tidoor ny phryssoonagh,  derrey eeckagh eh ooilley ny v'eh dy lhiastyn. 
+40N	18	35		8330	Er yn aght shoh myrgeddin nee my Ayr flaunyssagh riuish, mannagh leihee shiu  veih nyn greeaghyn dy chooilley ghooinney da e vraar e loghtyn. 
+40N	19	1		8340	As haink eh gy-kione, erreish da Yeesey v'er loayrt ny goan shoh, dy jimmee eh veih  Galilee, as dy daink eh gys ardjyn Yudea, er cheu elley dy Yordan: 
+40N	19	2		8350	As deiyr earrooyn mooarey dy leih er, ren eh ad y lheihys ayns shen. 
+40N	19	3		8360	Haink ny Phariseeyn huggey myrgeddin dy phrowal eh, as dooyrt ad rish, Vel eh  lowal da dooinney e ven y chur er sooyl son dy chooilley oyr? 
+40N	19	4		8370	Dreggyr eshyn, as dooyrt eh roo, Nagh vel shiu er lhaih, eshyn chroo ad ec y toshiaght,  dy chroo eh ad fyrrynagh as bwoirrynagh? 
+40N	19	5		8380	As dooyrt eh roo, Er-yn-oyr shoh nee dooinney faagail e ayr as e voir, as lhiannee  eh gys e ven: as bee ad ny-neesht un eill. 
+40N	19	6		8390	Shen-y-fa cha vel ad ny sodjey jees, agh yn un eill. Cre-erbee er-y-fa shen ta  Jee er chur cooidjagh, ny lhig da dooinney erbee y scarrey veih-my-cheilley. 
+40N	19	7		8400	Dooyrt adsyn rish, Cre'n-oyr eisht doardee Moses screeuyn-scarree y choyrt, as  y ven y chur ersooyl? 
+40N	19	8		8410	Dooyrt eshyn roo, kyndagh rish creoghys nyn greeaghyn, lhow Moses diu nyn mraane  y chur ersooyl: agh ec y toshiaght cha row eh myr shen. 
+40N	19	9		8420	As ta mish gra riu, Quoi-erbee scarrys rish e ven, cheu-mooie jeh son maarderys,  as phoosys ben elley, t'eh brishey-poosey: as quoi-erbee phoosys ish ta scarrit,  t'eh brishey poosey: 
+40N	19	10		8430	Dooyrt e ostyllyn rish, My she shoh yn chooish eddyr dooinney as e ven, cha  vel eh mie dy phoosey. 
+40N	19	11		8440	Agh dooyrt eshyn roo, Cha nee dy chooilley ghooinney oddys shen y ghoaill er,  agh adsyn ny-lomarcan daue te er ny choyrt. 
+40N	19	12		8450	Son ta deiney gennish ayn, rug myr shen veih brein nyn mayrey: as ta deiney gennish  ayn, v'er nyn yannoo gennish liorish deiney: as ta deiney gennish ayn, t'er n'yannoo  ad-hene gennish er graih reeriaght niau. Eshyn oddys shoh y ghoaill er, lhig da 'ghoaill eh. 
+40N	19	13		8460	Eisht hug ad lhieu huggey cloan veggey, dy chur e laueyn orroo, as dy vannaghey  ad: as hug e ostyllyn oghsan daue. 
+40N	19	14		8470	Agh dooyrt Yeesey, Sur-jee cloan aegey, as ny jean-jee ad y lhiettal dy heet hym's:  son jeh nyn lheid ta reeriaght niau. 
+40N	19	15		8480	As hug eh e laueyn orroo, as jimmee eh veih shen. 
+40N	19	16		8490	As cur-my-ner, haink fer huggey, as dooyrt eh rish, Vainshter vie, cre'n obbyr  ne lhisins y yannoo dy chosney yn vea veayn? 
+40N	19	17		8500	As dooyrt eshyn rish, Cre'n-fa t'ou genmys mish mie? cha vel ayn ny ta mie, agh  unnane, ynrycan Jee: agh my sailts goll stiagh ayns bea, freill ny annaghyn. 
+40N	19	18		8510	Dooyrt eshyn rish, Cre ny annaghyn? Dooyrt Yeesey, Cha jean oo dunverys, Cha  brish oo poosey, Cha jean oo geid, Cha n'ymmyrk oo feanish foalsey, 
+40N	19	19		8520	Cur arrym da dty ayr as da dty voir: as, Ver oo graih da dty naboo myr dhyt hene.   
+40N	19	20		8530	Dooyrt y dooinney aeg rish, Ooilley ny annaghyn shoh ta mee er vreayll veih my  aegid: cre sodjey t'orrym dy vannoo? 
+40N	19	21		8540	Dooyrt Yeesey rish, My sailt ve dy firrinagh mie, immee, as creck, as cur ny  t'ayd da ny boghtyn, as bee berchys ayd ayns niau; as tar as eiyr orrym's. 
+40N	19	22		8550	Agh tra cheayll yn dooinney aeg yn raa shen, hie eh ersooyl dy trimshagh: son  va state mooar hallooin echey. 
+40N	19	23		8560	Eisht dooyrt Yeesey rish e ostyllyn, Dy firrinagh ta mee gra riu, S'doillee  hed dooinney berchagh stiagh ayns reeriaght niau. 
+40N	19	24		8570	As reesht ta mee gra riu, Te ny sassey da camel goll trooid croae snaidey, na  da dooinney berchagh dy gholl stiagh ayns reeriaght Yee. 
+40N	19	25		8580	Tra cheayll e ostyllyn shoh, ghow ad yindys erskyn-towse, gra, Quoi eisht oddys  ve er ny hauail? 
+40N	19	26		8590	Agh yeeagh Yeesey orroo, as dooyrt eh roo, Gys deiney ta shoh neu-phossible,  agh da Jee ta dy chooilley nhee possible. 
+40N	19	27		8600	Eisht dreggyr Peddyr, as dooyrt eh rish, Cur-my-ner, ta shinyn er dreigeil  ooilley, as er n'eiyrt ort's; cre yiow mainyn er-y-fa shen. 
+40N	19	28		8610	Dooyrt Yeesey roo, Dy firrinagh ta mee gra riu, 'Sy stayd noa, tra nee Mac y  dooinney soie er stoyl-reeoil e ghloyr, dy jean shiuish myrgeddin t'er n'eiyrt orrym's  soie er daa stoyl-reeoil yeig, briwnys daa heeloghe yeig Israel. 
+40N	19	29		8620	As dy chooilley unnane t'er hreigeil thieyn, ny braaraghyn, ny shayraghyn, ny  ayr, ny moir, ny ben, ny cloan, ny thalloo, er graih m'ennym's, yiow ad keead filley,  as eiraght ayns y vea veayn. 
+40N	19	30		8630	Agh bee ymmodee jeusyn ta hoshiaght, er-jerrey; as jeusyn ta er-jerrey hoshiaght.     
+40N	20	1		8640	Son ta reeriaght niau casley rish dooinney va ny er-thie, hie magh dy moghey dy ailley  labreeyn son e gharey-feeyney. 
+40N	20	2		8650	As tra v'eh er choardail rish ny labreeyn son ping 'sy laa, hug eh ad stiagh ayns  e gharey-feeyney. 
+40N	20	3		8660	As hie eh magh mysh y trass oor, as honnick eh feallagh elley shassoo nyn daaue  'syn ynnyd-margee, 
+40N	20	4		8670	As dooyrt eh roo, Immee-jee shiuish myrgeddin gys y gharey-feeyney, as cre erbee  ta cair, shen yiow shiu. As hie ad rhymboo. 
+40N	20	5		8680	Reesht hie eh magh mysh y cheyoo as yn nuyoo oor, as ren eh er yn aght cheddin.   
+40N	20	6		8690	As mysh yn un oor jeig, hie eh magh, as hooar eh feallagh elley shassoo nyn daaue,  as dooyrt eh roo, Cre'n-fa ta shiu nyn shassoo ayns shoh fey ny laa nyn daaue? 
+40N	20	7		8700	Dooyrt adsyn rish, Er-yn-oyr nagh vel dooinney erbee er vailley shin. Dooyrt eshyn  roo, Immee-jee shiuish myrgeddin gys y gharey-feeyney, as yiow shiu cre-erbee ta  cair. 
+40N	20	8		8710	Myr shen tra va'n fastyr er jeet, dooyrt chiarn y gharey-feeyney rish y stiurt  echey, Eie er ny labreeyn, as cur daue nyn vaill, goaill toshiaght veih yn vooinjer  s'jerree gys y chied eallagh. 
+40N	20	9		8720	As tra haink feallagh yn un oor jeig hooar ad dagh dooinney jeu ping y pheesh.   
+40N	20	10		8730	Agh tra haink y chied eallagh, heill ad dy voghe ad ny smoo, as hooar adsyn myrgeddin  dagh dooinney e phing. 
+40N	20	11		8740	As tra v'ad er ghoaill eh, ren ad tallagh noi yn er-thie. 
+40N	20	12		8750	Gra, Cha vel yn vooinjer s'jerree shoh er n'obbraghey agh un oor, as t'ou er  n'yannoo ad corrym rooinyn ta er n'ymmyrkey yn errey as chiass y laa. 
+40N	20	13		8760	Agh dreggyr eshyn fer jeu, gra, Heshey vie, cha vel mish jannoo aggair dhyt:  nagh choard uss rhym's son ping?
+40N	20	14		8770	Trog shen ny ta lhiat, as immee royd: m'aigney's eh dy choyrt da'n fer s'jerree  shoh, myr ta mee er chur dhyt's. 
+40N	20	15		8780	Nagh vel eh lowal dou dy yannoo cre saillym rish my chooid hene? vel dty hooill's  olk, er-yn-oyr dy vel mish mie? 
+40N	20	16		8790	Myr shen bee adsyn ta er-jerrey hoshiaght, as adsyn ta hoshiaght er-jerrey: son  shimmey t'er nyn eam, agh s'tiark t'er nyn reih. 
+40N	20	17		8800	As myr va Yeesey goll seose gys Jerusalem, ghow eh yn daa ostyl yeig dy lhiattee  er y raad, as dooyrt eh roo, 
+40N	20	18		8810	Cur-my-ner ta shin goll seose gys Jerusalem, as bee Mac y dooinney er ny vrah  gys ny ard-saggyrtyn, as gys ny scrudeyryn, as deyree ad eh gy-baase. 
+40N	20	19		8820	As livreyee ad seose eh gys ny Ashoonee, as nee ad faghid er, as eh y scuitchal,  as y chrossey: as er y trass laa nee eh girree reesht (veih ny merriu). 
+40N	20	20		8830	Eisht haink huggey moir cloan Zebedee, as e mec maree, cur ooashley da, as  shirrey aghin er. 
+40N	20	21		8840	As dooyrt eh r'ee, Cre ta dty yeearree? Dooyrt ish rish, Giall daue shoh my ghaa  vac dy hoie, yn derrey yeh er dty laue yesh, as y jeh elley er dty laue hoshtal ayns  dty reeriaght. 
+40N	20	22		8850	Agh dreggyr Yeesey as dooyrt eh, Cha vel fys eu hene cre ta shiu dy yeearree.  Vod shiu giu jeh'n cappan ta mish giu jeh, as v'er nyn mashtey lesh y bashtey ta  mish dy ve bashtit lesh? Dooyrt adsyn rish, Foddee mayd. 
+40N	20	23		8860	As dooyrt eh roo, Iuee shiu dy jarroo jeh my chappan, as bee shiu er nyn mashtey  lesh y bashtey ta mish dy ve bashtit lesh: agh dy hoie er my laue yesh, as er my  laue hoshtal, cha vel shen lhiam's dy-choyrt, agh ny-lomarcan dauesyn er nyn son  te kiarit liorish my Ayr. 
+40N	20	24		8870	As tra cheayll yn jeih shoh, v'ad feer jymmoosagh rish y daa vraar. 
+40N	20	25		8880	Agh deie Yeesey orroo huggey, as dooyrt eh, Ta fys eu dy vel princeyn ny Hashoonee  gymmyrkey chiarnys harrystoo, as ta ny ard-gheiney gymmyrkey reill orroo. 
+40N	20	26		8890	Agh cha bee shillish myr shen: agh quoi-erbee jiuish baillish ve ooasle, lhig  da ve nyn shirveishagh. 
+40N	20	27		8900	As quoi-erbee baillish ve yn ard-ghooinney nyn mast' eu, lhig da ve yn charvaant  eu. 
+40N	20	28		8910	Myr nagh daink yn Mac dooinney dy ve shirveishit er, agh dy hirveish, as dy chur  e vioys ny lhiassaghey son ymmodee. 
+40N	20	29		8920	As tra v'ad er n'immeeaght veih Jericho deiyr earrooyn mooarey dy leih er. 
+40N	20	30		8930	As cur-my-ner, va daa ghooinney doal nyn soie rish oirr yn raad, as tra cheayll  ad dy row Yeesey goll shaghey, deie ad, gra, Jean myghin orrin, O Hiarn, vac Ghavid.   
+40N	20	31		8940	As hooar yn pobble foill daue, ad dy ve nyn-dhost: agh deie adsyn wheesh shen  smoo, gra, Jean myghin orrin, O Hiarn, vac Ghavid. 
+40N	20	32		8950	As hass Yeesey, as deie eh orroo, as dooyrt eh, Cre bailliu mee dy yannoo er  ny son eu? 
+40N	20	33		8960	Dooyrt adsyn rish, Hiarn, dy vod ny sooillyn ain v'er nyn vosley. 
+40N	20	34		8970	Myr shen va chymmey ec Yeesey orroo, as venn eh rish ny sooillyn oc: as chelleeragh  hooar ny sooillyn oc nyn soilshey, as deiyr ad er. 
+40N	21	1		8980	As tra v'ad tayrn er-gerrey da Jerusalem, as dy row ad er jeet gys Bethphage, gys  cronk ny Oliveyn, hug Yeesey jees jeh e ostyllyn er chaghteraght, 
+40N	21	2		8990	As dooyrt eh roo, Immee-jee gys y balley-cheerey ta shiu dy akin, as chelleeragh  yiow shiu assyl kianlt as lhiy maree: feayshil-jee as cur-jee lhieu ad hym's.
+40N	21	3		9000	As my loayrys dooinney erbee veg riu, abbyr-jee shiuish, Ta feme ec y Chiarn orroo;  as chelleeragh lhiggee eh yn raad daue. 
+40N	21	4		9010	Va ooilley shoh jeant, dy voddagh shen ve cooilleenit va loayrit liorish y phadeyr  gra, 
+40N	21	5		9020	Insh-jee da inneen Sion, Cur-my-ner, ta dty ree cheet hood dy imlee, as ny hoie  er assyl, as er lhiy sharragh assyl. 
+40N	21	6		9030	As hie adsyn rhymboo, as ren ad myr va Yeesey er n'oardaghey daue. 
+40N	21	7		9040	As hug ad lhieu yn assyl as y lhiy, as hug ad orroo nyn eaddeeyn, as hug ad eshyn  ny hoie orroo. 
+40N	21	8		9050	As ren earrooyn mooarey dy leih skeayley nyn gharmadyn er y raad; yiare feallagh  elley banglaneyn jeh ny biljyn, as skeayl ad ad er y raad. 
+40N	21	9		9060	As deie yn pobble hie roish, as adsyn haink ny yei, gra, Hosanna gys mac Ghavid:  bannit t'eshyn ta cheet ayns ennym y Chiarn, Hosanna ayns yn yrjid. 
+40N	21	10		9070	As tra v'eh er jeet gys Jerusalem, va ooilley yn ard-valley ayns anvea, gra, Quoi  eh shoh? 
+40N	21	11		9080	Dooyrt y pobble, Shoh Yeesey yn phadeyr, ta veih Nazareth ayns Galilee. 
+40N	21	12		9090	As hie Yeesey stiagh ayns chiamble Yee, as deiyr eh magh ooilley adsyn va creck  as kionnaghey ayns y chiamble, as hilg eh harrish ny buird ocsyn va caghlaa argid,  as ny stuill ocsyn va creck calmaneyn. 
+40N	21	13		9100	As dooyrt eh roo, Te scruit, Bee my hie's enmyssit thie yn phadjer, agh ta shiuish  er n'yannoo eh ny ooig dy vaarlee. 
+40N	21	14		9110	As haink ny doail as ny croobee huggey gys y chiamble, as ren eh ad y lheihys.   
+40N	21	15		9120	As tra honnick ny ard-saggyrtyn as ny scruderyn ny reddyn yindyssagh v'eh dy  yannoo, as ny paitchyn geamagh ayns y chiamble, as gra, Hosanna gys mac Ghavid, v'ad  feer chorree. 
+40N	21	16		9130	As dooyrt ad rish, Vel oo clashtyn cre t'ad shoh dy ghra? Dooyrt Yeesey roo,  Ta mee; nagh lhaih shiuish rieau, Magh ass beill oikanyn as cloan er y cheeagh t'ou  er gheddyn moylley firrinagh? 
+40N	21	17		9140	As daag eh ad, as hie eh magh ass yn ard-valley gys Bethany, as ghow eh aaght  ayns shen. 
+40N	21	18		9150	Nish ayns y voghrey, myr v'eh goll reesht gys yn ard-valley, v'eh accryssagh.   
+40N	21	19		9160	As tra honnick eh billey-figgagh er y raad, haink eh huggey, as cha dooar eh  monney er, agh ynrycan duillagyn, as dooyrt eh rish, Nar aase mess erbee ort's veih  shoh magh er son dy bragh. As chelleeragh ren y billey-figgagh fioghey ersooyl. 
+40N	21	20		9170	As tra honnick e ostyllyn shoh, ghow ad yindys, gra, Cre cha leah as ta'n billey  figgagh er chreenagh roish? 
+40N	21	21		9180	Dreggyr Yeesey, as dooyrt eh roo, Dy firrinagh ta mee gra riu, My vees shiu credjuagh,  as gyn ve fo mee-ourys erbee, nee shiu cha nee ynrycan shoh ta jeant rish y villey-figggagh,  agh my jir shiu rish y slieau shoh, Bee er dty scughey, as er dty hilgey ayns y cheayn; bee eh er ny yannoo. 
+40N	21	22		9190	As cre-erbee nee shiu geearree ayns padjer, lesh credjue, yiow shiu eh. 
+40N	21	23		9200	As tra v'eh er jeet stiagh ayns y chiamble, haink ny ard-saggyrtyn as shanstyr  yn phobble huggey myr v'eh gynsaghey, gra, Cre'n phooar t'ayd's dy yannoo ny reddyn  shoh? as quoi hug yn phooar shoh dhyt? 
+40N	21	24		9210	As dreggyr Yeesey as dooyrt eh roo, Fenym's jiuish un red; as my inshys shiu  dou eh, inshym's myrgeddin diuish, cre'n phooar t'aym dy yannoo ny reddyn shoh. 
+40N	21	25		9220	Bashtey Ean, cre voish ve? veih niau, ny veih deiney? As loayr ad nyn mast' oc  hene, gra, My jir mayd, Veih niau; jir eshyn rooin, Cre'n-fa eisht nagh chred shiu  eh? 
+40N	21	26		9230	Agh my jir mayd, Veih deiney; ta aggle orrin roish y pobble; son ta dy chooilley  ghooinney goaill Ean son phadeyr. 
+40N	21	27		9240	As dreggyr ad Yeesey, as dooyrt ad, Cha vod mayd ginsh. As dooyrt eh roo, Chamoo  ta mish ginsh diuish, cre'n phooar t'aym, dy yannoo ny reddyn shoh. 
+40N	21	28		9250	Agh cre ta shiu dy smooinaghtyn? Va dooinney dy row as daa vac echey, as haink  eh gys yn er-shinney, as dooyrt eh, Vac, Immee as obbree jiu ayns my gharey-feeyney.   
+40N	21	29		9260	Dreggyr eshyn as dooyrt eh, Cha jem: agh ny lurg shen ghow eh arrys, as hie eh.   
+40N	21	30		9270	As haink eh gys e vac saa, as loayr eh rish myrgeddin. As dreggyr eshyn, as dooyrt  eh, Hem, vainshter; as cha jagh eh. 
+40N	21	31		9280	Quoi jeu shoh ny-neesht ren aigney e ayrey? Dooyrt adsyn rish, Yn mac shinney.  Dooyrt Yeesey roo, Dy firrinagh ta mee gra riu, dy jed ny publicanee as ny drogh.  vraane stiagh ayns reeriaght Yee reue-ish. 
+40N	21	32		9290	Son haink Ean hiuish ayns raad y chairys, as cha chred shiu eh: agh chred ny  publicanee as ny drogh-vraane eh. As ga dy vaik shiu shoh, cha ghow shiu arrys ny  lurg shen, dy chredjal ayn. 
+40N	21	33		9300	Eaisht-jee rish coraa-dorraghey elley: Va fer-thie dy row ren garey-feeyney  y hoiaghey, as ren eh cleigh y yannoo mysh, as chleiy eh press-feeyney ayn, as hrog  eh toor, as hoie eh eh rish tannys, as hie eh gys cheer foddey. 
+40N	21	34		9310	As tra va earish ny mess tayrn er-gerrey, hug eh e ir-vooinjerey gys y tannys,  dy gheddyn jeh'n mess echey. 
+40N	21	35		9320	As ghow yn tannys e ir-vooinjerey, as woaill ad fer, as varr ad fer elley, as  chlagh ad fer elley. 
+40N	21	36		9330	Reesht hug eh magh sharvaantyn elley ny s'lhee na'n chied eallagh: as ghell ad  roosyn er yn aght cheddin. 
+40N	21	37		9340	Agh er-jerrey ooilley hug eh huc e vac, gra, Bee ad arrymagh da my vac. 
+40N	21	38		9350	Agh tra honnick y tannys yn mac dooyrt ad nyn mast' oc hene, Shoh'n eirey, tar-jee,  lhig dooin eh y varroo, as bee'n eiraght echey lhien hene. 
+40N	21	39		9360	As ghow ad eh, as hilg ad eh magh ass y gharey-feeyney, as varr ad eh. 
+40N	21	40		9370	Tra hig er-y-fa shen Chiarn y gharey-feeyney, Cre nee eh rish yn tannys shen?
+40N	21	41		9380	Dooyrt adsyn rish, Stroie-ee eh fegooish myghin ny drogh-gheiney shen, as nee  eh soiaghey yn garey-feeyney rish tannys elley, livrey-ys ny messyn da ayns nyn imbagh  cooie. 
+40N	21	42		9390	Dooyrt Yeesey roo, Nagh lhaih shiu rieau ayns goo Yee, Yn chlagh ren ny masoonee  y vee-lowal, ta'n chlagh cheddin er jeet dy ve yn ard-chlagh chorneilagh: shoh jannoo  yn Chiarn, as te yindyssagh ayns ny sooillyn ainyn? 
+40N	21	43		9400	Shen-y-fa ta mish gra riu, Dy bee reeriaght Yee er ny ghoaill veue-ish, as er  ny choyrt da ashoon ymmyrkys magh yn mess echey. 
+40N	21	44		9410	As quoi-erbee huittys er y chlagh shen bee eh er ny vroo: agh er quoi-erbee huittys  y chlagh shen, nee ee cha meen as joan jeh. 
+40N	21	45		9420	As tra va ny ard-saggyrtyn as ny Phariseeyn erreish ny coraaghyn-dorraghey echey  y chlashtyn, dennee ad dy nee jeusyn v'eh loayrt. 
+40N	21	46		9430	Agh tra v'ad shleeuit er goaill eh v'ad ayns aggle roish y pobble, er-yn-oyr  dy row ad jeeaghyn er dy ve ny adeyr.
+40N	22	1		9440	As dreggyr Yeesey, as loayr eh roo reesht liorish coraaghyn-dorraghey, gra, 
+40N	22	2		9450	Ta reeriaght Yee er ny hoylaghey gys ree dy row, ren bannish son e vac 
+40N	22	3		9460	As hug eh magh e harvaantyn dy eamagh orroosyn va cuirt gys y vannish: as cha  balliu cheet. 
+40N	22	4		9470	Reesht hug eh magh sharvaantyn elley, gra, Abbyr-jee roosyn ta cuirt, Cur-my-ner  ta mee er n'aarlaghey my yinnair: ta my ghew as my veiyn beiyht marroo, as dy chooilley  nhee ullee; tar-jee gys y vannish. 
+40N	22	5		9480	Agh hoie adsyn beg jeh as hie ad rhymboo, fer gys e state-hallooin, as fer elley  gys e varchantys 
+40N	22	6		9490	As ghow yn chooid elley ny sharvaantyn echey, as ghell ad dy elgyssagh roo, as  varr ad ad. 
+40N	22	7		9500	Agh tra cheayll y ree jeh v'eh feer chorree: as hug eh magh e heshaghtyn caggee,  as stroie eh ny dunveryn shen, as losht eh yn ard-valley oc. 
+40N	22	8		9510	Eisht dooyrt eh rish e harvaantyn, Ta'n vannish aarloo, agh y vooinjer va cuirt  cha row ad feeu. 
+40N	22	9		9520	Gow-jee magh er-y-fa shen gys ny raaidyn mooarey, as whilleen as yiow shiu, cuir-jee  gys y vannish. 
+40N	22	10		9530	As hie ny sharvaantyn shen magh gys ny raaidyn-mooarey, as ren ad whilleen as  haink nyn raad y haglym cooidjagh, chammah sie as mie: as va thie ny banshey er ny  lhieeney lesh goaldee. 
+40N	22	11		9540	As tra haink y ree stiagh dy akin ny goaldee, honnick eh dooinney ayns shen  nagh row garmad-banshey er: 
+40N	22	12		9550	As dooyrt eh rish, Heshey vie, kys haink uss stiagh ayns shoh, fegooish garmad-banshey?  As cha row fockle echey dy ghra. 
+40N	22	13		9560	Eisht dooyrt y ree rish ny sharvaantyn, Kiangle-jee eh laue as cass, as gow-jee  eh ersooyl, as tilg-jee eh ayns y dorraghys sodjey-mooie: shen-y-raad vees keayney  as snaggeraght feeacklyn.
+40N	22	14		9570	Son shimmey t'er nyn eam, agh s'tiark t'er nyn reih. 
+40N	22	15		9580	Eisht hie ny Phariseeyn, as hug ad nyn goyrle dy cheilley, kys dy ghoaill vondeish  er ayns e ghoan. 
+40N	22	16		9590	As hug ad magh huggey shiartanse jeusyn v'ad hene er n'ynsaghey marish ny Herodianee,  gra, Vainshter, ta fys ain dy vel oo firrinagh, as dy vel oo gynsaghey raad Yee syn  ynrickys, chamoo t'ou ayns aggle roish dooinney erbee: son cha vel oo soiaghey jeh persoon deiney. 
+40N	22	17		9600	Insh dooin er-y-fa shen, Cre t'ou uss smooinaghtyn, Vel eh lowal keesh y eeck  da Cesar mannagh vel? 
+40N	22	18		9610	Agh dennee Yeesey yn foalsaght oc, as dooyrt eh, Cre'n-fa ta shiu shirrey vondeish  y ghoaill orrym, shiuish chrauee-oalsey? 
+40N	22	19		9620	Jeeagh-jee dou argid y cheesh: as yeeagh ad ping da. 
+40N	22	20		9630	As dooyrt eh roo, Quoi ta'n jalloo as y screeu shoh cowraghey? 
+40N	22	21		9640	Dooyrt adsyn rish, Cesar. Eisht dooyrt eh roo, Eeck-jee er-y-fa shen da Cesar  shen ny ta lesh Cesar: as da Jee, shen ny ta lesh Jee. 
+40N	22	22		9650	Tra cheayll ad shoh ghow ad yindys as daag ad eh, as hie ad rhymboo. 
+40N	22	23		9660	Yn laa cheddin haink huggey ny Sadduceeyn, ta gra, Nagh vel irree-seose reesht  veih ny merriu dy ve ayn, as denee ad jeh 
+40N	22	24		9670	Gra, Vainshter, ta Moses er ghra, My ta dooinney geddyn baase gyn cloan, dy vel  e vraar dy phoosey yn ven echey, as dy hroggal seose sluight gys e vraar. 
+40N	22	25		9680	Nish va ny mast' ain shiaght braaraghyn, as phoose y braar shinney, as geddyn  baase gyn cloan, daag eh e ven da e nah vraar. 
+40N	22	26		9690	As hooar y nah vraar myrgeddin baase as y trass, gys y chiaghtoo. 
+40N	22	27		9700	As er-jerrey ooilley hooar y ven baase myrgeddin. 
+40N	22	28		9710	Shen-y-fa ec yn irree-reesht, quoi jeh'n chiaght vees ee echey son ben, son v'ee  poost roo ooilley. 
+40N	22	29		9720	Dreggyr Yeesey as dooyrt eh roo, Ta shiu fo marranys, as cha vel toiggal eu jeh  goo ny jeh pooar Yee. 
+40N	22	30		9730	Son ec yn irree-reesht, cha vel ad poosey, ny er nyn goyrt ayns poosey; agh t'ad  myr ainleyn Yee t'ayns niau. 
+40N	22	31		9740	Agh mychione irree-reesht ny merriu, nagh vel shiu er lhaih shen va loayrit riu  liorish Jee, gra, 
+40N	22	32		9750	Mish Jee Abraham, as Jee Isaac, as Jee Yacob? cha vel Jee Jee ny merriu, agh  Jee ny bioee. 
+40N	22	33		9760	As tra cheayll y pobble shoh, ghow ad yindys jeh'n ynsaghey echey. 
+40N	22	34		9770	Agh tra va ny Phariseeyn er chlashtyn dy row eh er chur ny Sadduceeyn nyn dhost,  v'ad er nyn jaglym cooidjagh. 
+40N	22	35		9780	As denee fer jeu ard-ynsit 'sy leigh, question jeh, dy phrowal eh, gra,
+40N	22	36		9790	Vainshter, cre yn ard-anney ayns y leigh?
+40N	22	37		9800	Dooyrt Yeesey rish, Ver oo graih da'n Chiarn dty Yee lesh ooilley dty chree as  lesh ooilley dty annym, as lesh ooilley dt'aigney. 
+40N	22	38		9810	Shoh yn chied as yn ard-anney. 
+40N	22	39		9820	As ta'n nah anney casley rish, Ver oo graih da dty nahoo myr dhyt hene. 
+40N	22	40		9830	Yn daa anney shoh bun y leigh as ny phadeyryn. 
+40N	22	41		9840	Choud as va ny Phariseeyn er nyn jaglym cooidjagh, denee Yeesey jeu, 
+40N	22	42		9850	Gra, Cre ta nyn smooinaghtyn my chione Creest? quoi da mac eh? Dooyrt adsyn rish,  Mac Ghavid. 
+40N	22	43		9860	Dooyrt eshyn roo, Kys eisht dy vel David liorish yn spyrryd genmys eh ny Hiarn,  gra, 
+40N	22	44		9870	Dooyrt y Chiarn rish my Hiarn's, Soie uss er my laue yesh, derrey neem's dty  noidyn stoyl dty choshey? 
+40N	22	45		9880	My ta David eisht genmys eh ny Hiarn, kys t'eh yn mac echey? 
+40N	22	46		9890	As cha row dooinney ny vod oc son ansoor y chur da, chamoo by-lhoys da fer erbee  jeu (veih'n laa shen magh) question erbee sodjey y chur huggey. 
+40N	23	1		9900	Eisht loayr Yeesey rish y pobble, as rish e ostyllyn, 
+40N	23	2		9910	Gra, Ta ny scrudeyryn as ny Phariseeyn nyn soie ayns stoyl Voses. 
+40N	23	3		9920	Ooilley er-y-fa shen cre-er-bee nee ad y oardaghey diu dy reayll, freill-jee,  as jean-jee eh; agh ny jean-jee lurg ny obbraghyn oc: son t'ad gra, agh cha vel ad  jannoo.